Stillingstittel: Postdoktorstilling i kjemi/CO2-lagring

Stillingsbeskrivelse:

Jobbnorge ID: 125275

Ved Kjemisk institutt (http://www.uib.no/kj) er det ledig ei stilling som postdoktor innan fysikalsk kjemi/petroleumskjemi.

Stillinga er for ein periode på 2 år og knytt til prosjektet «Avoiding loss of CO₂ injectivity (INJECT)» finansiert av NFRs CLIMIT- program. 

 

Om prosjektet/arbeidsoppgåver

• INJECT skal undersøkje prosessar som kan hemme injeksjon av CO₂ i geologiske reservoar, med fokus på utfelling av saltar og danning av gasshydrater nær injeksjonsbrønnen. INJECT er eit tverrfagleg prosjekt som leiast av SINTEF, og prosjektet inkluderer samarbeid med Heriot-Watt University og med mogelegheiter for samarbeid med Statoils MRI-laboratorium på Sandsli. Eit forskingsopphald ved Heriot-Watt University vil inngå i postdoktor-perioden.

• Arbeidsoppgåver vil inkludere rheologi for system med fluid og partiklar, og gjennomføring av kjerneflømmingsforsøk, og bruk av ulike modelleringsverktøy for tolking av resultata.

Kvalifikasjonar og eigenskapar

• Søkjarar må ha oppnådd norsk ph.d. - grad eller tilsvarande utdanning innanfor kjemi, petroleumsteknologi, fysikk eller tilgrensande fagområder, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.
• Arbeide sjølvstendig, strukturert og ha gode samarbeidsevner.
• Nytte engelsk skriftleg og munnleg. 

Særeigne krav for stillinga

• Søkjarar må ha erfaring med eksperimentell undersøking av gasshydrater, diagenese, CO₂-injeksjon eller strømming i porøse media.

• Erfaring med bruk av termodynamiske modelleringsverktøy for faseoppførsel i olje- og gass-system er ein føremon.

Om postdoktorstillinga

Postdoktorstillinga er ei åremålsstilling og har som hovudmål å kvalifisere den som blir tilsett for arbeid i faglege toppstillingar. Åremålsperioden for denne stillinga er 2. Ingen kan tilsetjast i meir enn ein åremålsperiode som postdoktor ved same institusjon.

 

Den tilsette skal saman med prosjektleiar utarbeide framlegg til prosjekt for kvalifiseringsarbeidet (forskingsplan). Framlegget skal omfatte prosjektomtale og framdriftsplan. Det er ein føresetnad at den som blir tilsett, vil kunne gjennomføre prosjektet i løpet av tilsetjingsperioden.

 

Vi kan tilby

• eit godt og faglig utfordrande arbeidsmiljø

• tverrfagleg teamarbeid

• løn etter lønssteg 57 (kode 1352/lønsramme 24, alternativ 1) i lønsregulativet til staten ved tilsetjing. Dette utgjer ei årsløn på kr 483 700,- brutto.

• medlemsskap i Statens pensjonskasse

• stilling i ei inkluderande arbeidslivsverksemd (IA-verksemd)

• gode velferdsordningar

Søknaden skal innehalde

• ei kort utgreiing om søkjaren sine forskingsinteresser og motivasjonen for å søkje stillinga

• namn og kontaktopplysningar til to referansepersonar, ein av desse kan vere hovudrettleiaren frå doktorgradsutdanninga

• CV

• karakterutskrifter og vitnemål, samt stadfesting på at doktorgradsavhandlinga er levert

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: Chemists

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år