Stillingstittel:
Stipendiat i anvend og utrekningsorientert matematikk - porøse media (Work Package 1)

Stillingsbeskrivelse:

 

Jobbnorge ID: 124793

Ved Matematisk institutt er det ledig ei stilling som stipendiat i anvend og utrekningsorientert matematikk - porøse media frå 1. september 2016.

Stillinga er for ein åremålsperiode på 3 år, knytt til prosjektet "Thermo-Mechanical Subsurface Energy Storage (TheMSES)", finansiert av «Toppforsk»-satsinga ved Norges Forskingsråd. Prosjektet fell inn under forskingsgruppa for porøse media, som omfattar fem fast vitskaplege tilsette, postdoktorar, ph.d- og masterstudentar.

Om prosjektet/arbeidsoppgåver:

Målet for TheMSES er å forstå og utvikle matematiske og numeriske modellar som vert kravd for å vurdere og utvikle energilagring i undergrunnen. Doktorgradsprosjektet knytt til denne utlysinga høyrer til Work Package 1, og dreier seg om å forstå korleis sprekkar kan oppstå og opnast som følgje av endringar i strøyming og temperatur i grunnen når varme fluid vert pumpa ned under høgt trykk og seinare produsert. Hovudmålet er å utvikle matematiske modellar og tilhøyrande numeriske løysingsmetodar som kan bidra til å forstå korleis ulike prosessar i undergrunnen påverkar kvarandre. Det skal rettast særleg merksemd mot effektar av gjentatt lagring og produksjon i same formasjon.

TheMSES-prosjektet involverer alle fast tilette i forskingsgruppa for porøse media ved instituttet, og kjem til å rekruttere fire ph.d studentar og tre postdoktorar. Sjå http://themses.b.uib.no for nærare informasjon, samt http://jobbnorge.no for relaterte utlysingar.

 

Nærare omtale av instituttet kan ein finne på http://www.math.uib.no/

Kvalifikasjonar og eigenskapar

• Søkjarar må ha oppnådd mastergrad, eller levert masteroppgåve til vurdering, i anvend og utrekningsorientert matematikk, eventuelt i fysikk, geovitskap eller tilsvarande, innan søknadsfristen er ute. Det er ein føresetnad at mastergraden er oppnådd før tilsetjing kan skje.
• Solid bakgrunn i matematisk modellering, numeriske metodar og numerisk simulering, og fortrinnsvis erfaring med bruksområde innan bergmekanikk, elastisitet og/eller strøyming i porøse media.
• God evne til å arbeide sjølvstendig og strukturert og ha gode samarbeidsevner.
• Flytande skriftlege og munnlege engelskkunnskapar.

 

Om stipendiatstillinga

Samla stipendperiode er 3 år. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.

 

Om forskarutdanninga:

Som stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Det er ein føresetnad at du fyller krava for opptak til ph.d.- studiet ved Universitetet i Bergen.

 

Endeleg plan for gjennomføringa av forskarutdanninga skal vere godkjent av fakultetet innan

tre månader etter at du har teke til i stillinga.

 

Vi kan tilby:

• eit godt og fagleg utfordrande arbeidsmiljø
• løn etter lønssteg 50 (kode 1017/LR 20.8 ). Dette utgjer ei årsløn på kr 430 500 brutto. Vidare opprykk skjer etter tenesteansiennitet i stillinga.
• medlemskap i Statens pensjonskasse
• inkluderande arbeidslivsverksemd (IA-verksemd)
• gode velferdsordningar

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år


GJELDER