Ved Institutt for informasjons- og medievitskap, Universitetet i Bergen, er det ledig ei stilling som stipendiat i medievitskap. Stillinga er for ein åremålsperiode på 3 år, og knytt til det NFR-finansierte forskingsprosjektet Media Use, Culture and Public Connection: Freedom of Information in "The Age of Big Data" (MeCIn).

Om prosjektet/arbeidsoppgåver

Etter ei samanslåing med informasjonsvitskap i 2004 er medieforskinga ved Universitetet i Bergen lokalisert i Institutt for informasjons- og medievitskap. Medieforskinga ved instituttet er dels grunna i ein humanvitskapleg, fortolkande tradisjon som vektlegg historisk-kritiske studiar, og dels i teoriar og metodar som er sentrale i samfunnsvitskapane. Forskingsgruppa for mediebruk og publikumsstudiar, leia av professor Hallvard Moe, er oppteken av korleis publikum tolkar, brukar og handlar i møte med all slag media og medietekstar. Gruppa undersøkjer ulike dimensjonar ved mediebruk, inkludert identitetsskaping og demokratiske, retoriske, sosiale og sosio-kulturelle aspekt ved mediebruk og -resepsjon.

Den som får stillinga vil inngå i den delen av forskingsgruppa for mediebruk og publikumsstudiar som arbeidar med forskingsprosjektet Media Use, Culture and Public Connection: Freedom of Information in "The Age of Big Data" (MeCIn), finansiert av Norges forskingsråd (2015-2019). MeCIn vil gje ny kunnskap om i kva grad den norske befolkninga praktiserer sin informasjonsfridom på tvers av media og kulturelle arenaer. Det overordna forskingsmålet inkluderer (1) å kartleggje korleis borgarane sin informasjonsfridom heng saman med sosio-kulturelle skilnadar, (2) å forstå den komplekse samanhengen mellom medie- og kulturbruk og koplinga til offentligheita i folk kvardagsliv, og (3) å undersøkje gruppene som fell utanfor i slike høve, og slik kaste lys over både variasjonar og mekanismar av fråkopling frå offentligheita.

Den som vert tilsett, skal bidra til å svare på i fyrste rekkje MeCIn sitt forskingsmål (1). Sentralt for arbeidet vert utvikling, gjennomføring og analyse av ein landsdekkjande survey av sosiale variasjonar i den norske befolkninga si tilknyting til offentligheita gjennom medier, kulturbruk, deltaking i organisasjonar m.m. I tillegg til å bidrage til utvikling og gjennomføring av surveyen, forventas det at stipendiaten utviklar eit PhD-prosjekt som bidrar til delprosjektets forskingsformål, til dømes gjennom bruk av nemnde surveydata eller andre relevante slike data (eksisterande eller sjølvproduserte som del av PhD-arbeidet). Prosjektet kan både vere breitt retta mot allmenne mønster i befolkninga, og smalare retta, til dømes mot analyser av spesifikke typar medie- og kulturbruk eller særskilde sosiale grupper.

Gjennom prosjektperioden vil den tilsette verte venta å møte og bidrage til ei dynamisk og internasjonalt retta forskingsgruppe.

Kvalifikasjonar og eigenskapar:

• Mastergrad i medievitskap, sosiologi, sosialantropologi, statsvitskap eller tilsvarande utdanning. Graden må vera avlagt innan søknadsfristen
• Minstekravet for søkjarane skal normalt vere B, eller betre, både på masteroppgåva og for mastergraden som heilhet.
• Evne til å arbeide sjølvstendig og strukturert og ha gode samarbeidsevner
• Stor arbeidskapasitet og entusiasme for forsking
• Nytte engelsk skriftleg og munnleg
• Gode kunnskapar i norsk, dansk eller svensk
• Interesse for å arbeide med statistikk

 <

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: postboks 7802 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år