Stillingstittel:
Postdoktor ved SFF, Centre for Cancer Biomarkers (CCBIO)

Stillingsbeskrivelse:

 

Jobbnorge ID: 121993

Ved det nyoppretta senteret for framifrå forsking (SFF) Centre for Cancer Biomarkers CCBIO ved Klinisk institutt 2 er det ledig ei mellombels stilling som postdoktor (100 %) for ein periode på tre (3) år. Stillinga er knytt til prosjektet «Klinisk studie av kombinasjonar med Axl-hemmaren BGB324 i melanom», og er finansiert av Noregs Forskingsråd (NFR) og Universitetet i Bergen.

 

Om CCBIO

CCBIO leiast av professor Lars A. Akslen og arbeider med nye biomarkørar for å oppnå ei betre forståing av kreftsvulstar og meir presis kreftbehandling. Forskarane har eit særleg fokus på mekanismar og markørar knytt til korleis kreftceller veks og vert påverka av mikromiljøet i svulstane, og betydinga dette har for kreftspreiing og dårlig prognose. Forskingsaktiviteten er organisert i tre program: basale studie og modeller (Program 1), kartlegging og validering av nye biomarkørar (Program 2), og kliniske studiar (Program 3).

 

Om prosjektet

Postdoktoren er del av Program 3 i prosjektet «Klinisk studie av kombinasjonar med Axl-hemmaren BGB324 i melanom». Postdoktoren skal ta aktiv del i å gjennomføre denne kliniske fase 1b/2 studien, både når det gjeld pasienthandsaming og studiespesifikke prosedyrar. Ei særleg viktig rolle får postdoktoren i å samle inn og analysere prøver frå pasientane før oppstart av behandlinga. Desse prøvene skal studerast med tanke på deira prediktive verdi for respons på behandling med BGB324 i kombinasjon med standard behandling. Biomarkørar knytt til forhold i mikromiljø, immunsystemet og cellulære signalveiar vil verte studert. Det kan verte aktuelt med eit kortare eller lengre opphald ved ein samarbeidande institusjon i utlandet i perioden.

 

Kvalifikasjonar og eigenskaper

• Den som vert tilsett må ha doktorgrad innan relevant forskingsfelt, eller ha levert si avhandling innan søknadsfristen.

• Kandidaten må ha sterk bakgrunn innan kreftbiologi eller andre kreftrelevante medisinske fagområde

• Kandidaten må ha medisinsk utdanning og erfaring frå arbeid med pasientar med føflekk kreft.

• Kandidaten må kunne vise til gjennomført GCP-kurs samt erfaring med kliniske studiar.

• Erfaring med moderne molekylære og morfologiske metodar, som proteomikk- og mikromatrisestudier, immunhistokjemi, in situ hybridisering og mikrodisseksjon, er ønskjeleg

• Erfaring med PCR-teknikkar og sekvensering, Western blot, ELISA og cellelinjearbeid vil være ein fordel.

• Kandidaten må ha særs gode ferdigheitar i munnleg og skriftleg norsk og engelsk.

• Personlege eigenskapar vil verte vektlagt. Kandidatar med dokumentert evne til å arbeide sjølvstendig, kunne samarbeide godt, vere høgt motivert og ansvarsmedviten, og i tillegg ha stor arbeidskapasitet og entusiasme for forsking, vil verte føretrekt.

For ytterlegare informasjon om stillinga, ta kontakt med prosjektleiar, Oddbjørn Straume, tlf. 55977530, E-post: oddbjorn.straume (at) helse-bergen.no

 

Vi kan tilby

• Eit godt og utfordrande arbeidsmiljø i forskingsfronten innan basal og translasjonell tumorbiologi og målretta diagnostikk og kreftbehandling.

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse:
Biologists, botanists, zoologists and related professionals

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år