id: MTIzNTE5MDIwMDAwNjMgMjYx

reference: 12351902000063

documentId: 12351902000063

connectionPointId: 261

Stillingstittel: IT konsulent i Voss kommune

Stillingsbeskrivelse:

Vil du vera med å bidra i ekstremsport-kommunen som driv med IT på høgste nivå?
Er du sjølvstendig, serviceinnstilt og arbeider du nøyaktig, men samstundes effektivt?
Likar du å halda deg oppdatert på teknologi og programvare?
Då ynskjer me å koma i kontakt med akkurat deg!
IT avdelinga er ein del av rådmannen sin stab. Ved avdelinga er det per i dag 3 tilsette, men teamet skal styrkast ytterlegare. Me har ledig fast stilling (100%) som IT konsulent. Stillinga vil rapportera til leiar for digitalisering og IT.

Om arbeidsstaden

IT-avdelinga driftar i dag Voss kommune - det vil seia om lag 3800 brukarar, om lag 2600 datamaskiner, og om lag 160 virtuelle servere fordelt på 2 fysiske datasenter, 46 lokasjonar og 10 skular. It-avdelinga er ei lita avdeling - noko som betyr at du må ha brei kompetanse, vera fleksibel, flink å arbeida sjølvstendig men og i team, og at du kan ta del i varierte oppgåver. Stillinga set krav til sjølvstende, ansvar, stor arbeidskapasitet, pålitelighet, evne til samarbeid, endringsvilje og å kunne bidra til eit godt sosialt miljø. Den som blir tilsett må kunne sjå heilskap utover eiga avdeling og vera innovativ på moglegheitene ny teknologi gir. Det er forventa at IT-avdelinga skal vera ein samarbeidspartnar og ein pådrivar for digitalisering i dei andre kommunalavdelingane - og at ein skal vera med i denne prosessen frå idé til idriftssetting.

Sentrale arbeidsoppgåver

Brukarstøtte og dokumentasjon
Drift og utvikling av kommunen sine IT-system (nettverk, servere, applikasjonar)
Drift av fagsystem
Vera ein del av eit team som skal stå sentralt i digitaliseringa av resten av kommunalavdelingane

Me tilbyr deg

Ein trygg og god arbeidsstad med spennande oppgåver - og moglegheit til å nytta den nyaste teknologien
Mektig natur, ski- og fritidsterreng med aktivitetar frå fjord til fjell
Ei levande kulturbygd med gode oppvekst- og utdanningsvilkår
Høve til å påverka eigen arbeidskvardag
Eit inkluderande og godt arbeidsmiljø med høgt tempo
Gode forsikrings- og pensjonsordningar
Løn etter kommunalt avtaleverk

Me håpar med dette å finna ein positiv og blid ny kollega som vil vera med å utvikla IT i Voss kommune framover!

Ynskte kvalifikasjonar

Høgare utdanning innan IT. Relevant kompetanse kan kompensera for manglande formell utdanning.
Gode samarbeidsevner og utprega serviceinnstilling
Evne til sjølvstendig, systematisk arbeid, med stor arbeidskapasitet og fleksibilitet.
God formidlingsevne både skriftleg og munnleg
Kompetanse på eitt eller fleire av følgende fagområder vil vektleggjast:
Hyper-V, Windows server 2016 og nyare (GUI og core), Windows klienter (Win10), AD, Azure-AD, GPO, O365 (bruk og administrasjon), Exchange, Sql, Veeam, WindowsAdminCenter, Driftløsninger/MDM-verktøy for iPad og kompetanse på iPad, SystemCenter løysingane til Microsoft (SCOM, SCVMM, SCSM, SCCM), Powershell, tenester i Azure.

Søknad

Voss kommune ynskjer eit større aldersmangfald mellom dei tilsette, og oppmodar difor yngre arbeidstakarar om å søkje. Kommunen har eit personalpolitisk mål om at arbeidsstaben skal gje eit bilete av folkesetnaden generelt, både når det gjeld kjønn og kulturelt mangfald.

Søk på stillinga ved å klikke på knappen til høgre. Hugs å gje opp referansar. Attestar og vitnemål skal leggjast ved elektronisk eller sendast Voss kommune, boks 145, 5701 VOSS, merka med stillingsreferanse. Søknadspapira vert ikkje returnerte. Ifølgje Offentleglova § 25 skal det svært gode grunnar til for å skjerme søkjarar frå offentleg søkjarliste.

Se annonse

PAM

numberOfPosts: 1

jobCategoriesCodes_0: http://data.europa.eu/esco/isco/C2511

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Voss kommune

source: NAV