Ved Kjernefasilitet for digital samfunnsvitskap, Det samfunnsvitskaplege fakultet, er det ledig ei heiltidsstilling som vitskapleg assistent for ein periode på 3 månader med mogleg forlenging med inntil 18 månader. Det er ei rekrutteringsstilling der hovudoppgåva er å vere ein støttespelar for den vitskaplege staben i deira forskings- og formidlingsverksemd. Stillinga skal gi høve til innsikt i vitskapleg arbeid og metode. Samla tilsetjingstid kan ikkje overstige to år.

Arbeidsoppgåver

Arbeidsoppgåver omfattar analyse og framstilling av data frå Medborgarpanelet i samarbeid med forskingsgruppene innan klima, mangfald og migrasjon, og grunnforsking på politisk åtferd. Arbeidsoppgåvene inkluderer dessutan gjennomføring og pilotering av undersøkingar for Medborgarpanelet samt andre oppgåver for Norsk Medborgarpanel og Medborgarlaben.

Kvalifikasjonar

• Bachelor- eller mastergrad innan samfunnsvitskap, informasjonsvitskap eller liknande bakgrunn, med gode karakterar
• Erfaring med og særs gode ferdigheiter innan kvantitativ analyse/statistikk
• Erfaring med statistisk databehandlingsverkty, til dømes STATA og/eller R
• God språkkunnskap i engelsk og norsk, munnleg og skriftleg
• Erfaring med digital formidling til eit breitt publikum er ein fordel
• Ambisjon om å utvikla eit Ph.D-prosjekt er ein fordel

Personlege eigenskapar

• Evne til å arbeide systematisk og resultatorientert
• Gode samarbeids- og kommunikasjonsevner

Vi kan tilby

• Eit godt og fagleg utfordrande arbeidsmiljø
• Løn etter lønssteg 40 - 49 avhengig av kvalifikasjonar (Lpl.17.515/ kode 1019/1020). Dette utgjer for tida kr. 372 400 - kr. 428 700. For spesielt godt kvalifiserte søkjarar kan høgare løn vurderast
• Medlemskap i Statens Pensjonskasse
• Stilling i ei inkluderande arbeidslivsverksemd (IA-verksemd)
• Gode velferdsordningar

Søknad

Søknad med CV, vitnemål og attestar skal leggjast inn elektronisk via link på denne sida "søk på jobben".

Søknadsfrist: 22.9.2016

Søknaden skal merkast 16/9108

Det vil vere aktuelt med intervju før tilsetjing.

Til informasjon

Utfyllande opplysningar om stillinga kan ein få ved å vende seg til administrasjonssjef Maria Lundhaug, e-post: maria.lundhaug (at) isp.uib.no, tlf. 55 58 24 31.

Den statlege arbeidsstyrken skal i størst mogleg grad avspegle mangfaldet i folket. Det er difor eit personalpolitisk mål å få ei balansert alders- og kjønnssamansetning og rekruttere personar med innvandrarbakgrunn. Personar med nedsett funksjonsevne og innvandrarbakgrunn vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.

Den som vert tilsett, må rette seg etter dei retningslinene som til kvar tid gjeld for stillinga.