HØGSKOLEN I BERGEN (HiB) er ein av de største høgskolane i landet med om lag 7300 studentar og 750 tilsette. Vi tilbyr profesjonsutdanningar på bachelor- og mastergradsnivå innanfor lærarutdanning, helse- og sosialfag, ingeniørutdanning og økonomisk-administrative fag. Høgskolens profesjonsutviklande forsking legg grunnlaget for utvikling av eigne doktorgradsutdanningar, og på sikt har vi som mål å oppnå universitetsstatus. Høgskolen held til på ny campus på Kronstad og i Møllendalsveien. 

Avdeling for lærarutdanning er Vestlandets største lærarutdanningsinstitusjon med rundt 2650 studentar og 260 tilsette, og tilbyr barnehagelærarutdanning, grunnskolelærarutdanning for 1. - 7 og 5. - 10. trinn, praktisk-pedagogisk utdanning, bachelorutdanningar, 9 masterutdanningar og eit ph.d.-program. Vi har eit omfattande etter- og vidareutdanningstilbod. Avdelinga har to forskingssenter: Senter for kunstfag, kultur og kommunikasjon og Senter for utdanningsforsking.

Ved Avdeling for lærarutdanning er det ledig fast stilling som professor i norsk språkvitskap.

Norskseksjonen er ved sida av barnehagelærarutdanninga og grunnskolelærarutdanningane for 1.-7. og 5.-10. trinn, knytt til mastergradane i Barne- og ungdomslitteratur og Undervisingsvitskap med fordjuping i norsk fagdidaktikk. Høgskolen har fått akkreditering for og tatt opp studentar til doktorgradsprogrammet "Studiet av danning og didaktiske praksisar", og det vil vere ei forventning om at den som blir tilsett, orienterer FoU-arbeidet sitt inn under denne overskrifta. Norskseksjonen har omtrent 25 tilsette.

Avdelinga har tatt på seg å vere mellom tilbydarane i lærarløftet Kompetanse for kvalitet, som er sett i verk av Utdanningsdirektoratet. I tillegg tilbyr vi ei rekkje fag og fagområde på 30 og 60 studiepoeng, dessutan masterstudium og etter- og vidareutdanningskurs.

Ansvars- og arbeidsområdeStillinga er knytt til arbeid med norsk i grunnskole- og barnehagelærarutdanningane. Grunnskolelærarutdanningane blir integrerte masterutdanningar frå og med opptaket i 2017, og Høgskolen i Bergen har nettopp vedtatt å tilby masterstudium i barnehagekunnskap. Høgskolen har vidare eit tverrfagleg doktorgradsprogram "Studiar av danning og didaktiske praksisar". Arbeidsoppgåvene vil dreie seg om utvikling av forskingsaktiviteten ved Norskseksjonen, dessutan vidareutvikling av fagtilbod, undervisning og oppfølging av studentar. Det er naturleg å rekne med rettleiing og undervisning både i doktorgradsprogrammet og i mastergradstilboda i tillegg til undervising i grunnutdanningane.

Den som blir tilsett, skal kunne leie forskargrupper og vere inspirator og pådrivar for prosjekt og forskingssøknader, og bør derfor ha god kjennskap til aktuelle nettverk og forskingsmiljø.

KvalifikasjonskravSøkjarar må ha professorkompetanse innanfor norsk språkvitskap, og kompetansen må ha klar relevans for norskfaget knytt til lærarutdanningane.

Det er eit krav om kompetanse i eitt eller fleire av desse fagområda i rangert rekkjefølgje:

• norsk som andrespråk
• barn og unges språkutvikling
• retorikk og munnleg kommunikasjon
• skriving og skrivedidaktikk

TilleggskompetanseSøkjarar må ha gode samarbeids- og formidlingsevner. Dersom den som blir tilsett ikkje har formell praktisk-pedagogisk kompetanse, må vedkommande gjennomføre kurs i høgskolepedagogikk innan to år frå tilsettingsdato. Ve

Minstelønn: 0

Maksimal lønn: 0

Arbeidsgiver Navn: Høgskolen i Bergen

Arbeidsgiver adresse: Inndalsveien 28 5063 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år