id: MTIwOTE5MDIwMDAzNzkgMjYx

reference: 12091902000379

documentId: 12091902000379

connectionPointId: 261

Stillingstittel: Vitenskapelig assistent

Stillingsbeskrivelse:
Jobbnorge ID: 165337

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Stillinga: 

Ved Det samfunnsvitskaplege fakultet, Institutt for administrasjon og organisasjonsvitskap, er det ledig ei mellombels stilling som vitskapleg assistent for ein periode på 1,5 år. Stillinga er tilknytt forskingsprosjektet TROPICO - Transforming into Open Innovative and Collaborative Governments, som er finansiert frå EUs rammeprogram for forsking og innovasjon, Horizon 2020.

Stillinga vitskapleg assistent er ei rekrutteringsstilling der hovudoppgåva er å vere ein støttespelar for den vitskaplege staben i deira undervisnings- og forskingsverksemd. Stillinga skal gi høve til innsikt i vitskapleg arbeid og metode.

I stillinga vitskapleg assistent vil du primært støtte prosjektleiar med administrative og forskingsoppgåver i TROPICO-prosjektet. Som vitskapleg assistent i TROPICO vil du og få delta i eit stort og etablert nettverk av stipendiatar, post-doktorar og erfarne forskarar i 10 europeiske land.

Arbeidsoppgåver:

Arbeidsoppgåver vil bestå av å:

• Støtte prosjektleiar i det daglege administrative arbeidet
• Kommunisera og følgje opp partnarar i prosjektet
• Samle forskingsdata for UiB i prosjektet
• Kvalitetssikre rapportering i TROPICO
• Vere med på å utvikle, planlegge og organisere samlingar for TROPICO
• Tilrettelegging for kommunikasjon og formidling av TROPICO si forsking gjennom nyheitsbrev, sosiale media og web

Andre arbeidsoppgåver kan og verte aktuelle.

Om TROPICO prosjektet:

TROPICO prosjektet undersøker korleis styresmaktene og offentlege organ i Europa arbeidar for å skape ein meir samordna forvaltning, for å utvikle politikk og skape betre tenester til befolkninga. Sentralt i dette er korleis digitalisering, informasjons- og kommunikasjonsteknologi (IKT) og nye digitale tenester kan bidra til samordning og samarbeid - i offentleg forvaltning, mellom styresmaktene og befolkninga, og mellom offentlege organ og organisasjonar i privat eller frivillig sektor. Dette studerast gjennom komparative case-studiar frå fleire land, inkludert Noreg, og gjennom intervju og spørjeundersøkingar til ekspertar og dei som arbeidar i eller med forvaltninga.

TROPICO koordinerast frå Institutt for administrasjon og organisasjonsvitskap ved UiB og har partnarar frå 12 institusjonar i 10 europeiske land. Meir informasjon om prosjektet finn du her: www.tropico-project.eu

 Kvalifikasjonar og eigenskapar:

• Mastergrad i eit samfunnsvitskapeleg eller anna relevant fag
• Erfaring frå arbeid med Horizon 2020 prosjekt
• God administrativ IT - kompetanse
• Gode samarbeids- og kommunikasjonsevner
• Evne til å arbeide systematisk og resultatorientert
• God språkkunnskap i engelsk, munnleg og skriftlig

Vi tilbyr:

 

• Eit godt og fagleg utfordrande arbeidsmiljø
• Løn etter lønssteg 51 ved tilsetjing (Lpl.17.515/ kode 1020/). For spesielt godt kvalifiserte søkjarar kan høgare løn vurderast
• Medlemskap i Statens Pensjonskasse
• Stilling i ei inkluderande arbeidslivsverksemd (IA-verksemd)
• Gode velferdsordningar

Søknad:

Søknad med CV, vitnemål og attestar skal leggjast inn elektronisk via link på denne sida "søk stillinga".

Søknadsfrist: 8 Mars 2019.

Søknaden skal merkast 19/2493

Det vil vere aktuelt med intervju før tilsetjing.

Generell informasjon:

Utfyllande opplysningar om stillinga kan ein få ved å vende seg til Professor Lise H. Rykkja, e-post lise.rykkja (at) uib.no telefon +47 55589775.

Praktiske spørsmål omkring søknadsprosessen kan rettast til rådgjevar Beathe Moldestad, e-post: beathe.moldestad (at) uib.no, telefon +47 55 58 90 56.

Den statlege arbeidsstyrken skal i størst mogleg grad avspegle mangfaldet i folket. Det er difor eit personalpolitisk mål å få ei balansert alders- og kjønnssamansetning og rekruttere personar med  innvandrarbakgrunn. Personar med nedsett funksjonsevne og innvandrarbakgrunn vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.       

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV