Stillingstittel:
Vil du jobbe med regionreform og rolla til fylkeskommunane?

Stillingsbeskrivelse:

Kommunal- og moderniseringsdepartementet har ca. 400 tilsette og er sekretariat for kommunal- og moderniseringsministeren og resten av politisk leiing. Departementet har ansvar for å samordne moderniseringspolitikken i regjeringa og for viktige område som plan- og bygningsloven, bustadpolitikk, nasjonal IKT-politikk og digitalisering, kommuneøkonomi, val, forvaltningspolitikk, regional- og distriktspolitikk, statleg bygg- og eigedomspolitikk, statleg arbeidsgjevarpolitikk og same- og minoritetspolitikk.

 

Vi legg vekt på mangfald og oppfordrar derfor alle kvalifiserte til å søke - uansett bakgrunn. Arbeidstilhøva vil bli lagt til rette for medarbeidarar med redusert funksjonsevne, til dømes med redusert stilling der det er mogleg. Søkjarar som informerer om at dei har redusert funksjonsevne, vil bli invitert til intervju dersom dei er kvalifiserte.

Jobbnorge ID: 122750

Regionalpolitisk avdeling har ansvaret for å følgje opp regjeringa sin regional- og distriktspolitikk. Avdelinga analyserer den regionale utviklinga, gjev faglege råd om utforminga av regionalpolitikken, forvaltar verkemiddel retta mot næringsliv og lokalsamfunn og samordnar politikkutviklinga innanfor ulike sektorar som er viktige for distrikt og regionar. Avdelinga arbeider tverrfagleg, er team- og prosjektorganisert og har ca. 40 medarbeidarar.

Vi har ledig eit engasjement som seniorrådgjevar i perioden 01.04.2016 til 30.06.2017 i inntil 100 % stilling

 

Du vil arbeide med faglege utgreiingar av framtidige roller og oppgåver for regionane. Ein stor del av arbeidet vil vere aktiv dialog med andre departement og fylkeskommunane.

 

Regjeringa legg i april 2016 fram ei stortingsmelding om nye folkevalde regionar. Dersom Stortinget sluttar seg til forslaga, vil regjeringa våren 2017 legge fram ein proposisjon med forslag til regional inndeling, samt endringar i rolle og oppgåver for regionane. Sommaren og hausten 2016 skal KMD følgje opp prosessen og utarbeide proposisjonen. Arbeidet er prosjektorganisert.

 

Vi søkjer etter ein engasjert og initiativrik person med særs gode analytiske evner og samarbeidseigenskapar. Vi treng deg som har omfattande erfaring med utgreiings- og utviklingsarbeid, gjerne i prosjektform, knytt til regionreform. Du må kjenne departementa og fylkeskommunane som politisk/administrative system og ha fleire år med erfaring frå arbeid med regionane sine roller, regionstruktur og oppgåver. Du må ha erfaring med å skrive NOU, melding til Stortinget eller proposisjonar om tema som er relevant for denne stillinga. Vi legg vekt på at du kommuniserer godt munnleg og skriftleg og at du har god samfunnsforståing.

 

Du må ha høgare utdanning, minst på masternivå og minst 5 - 8 år relevant arbeidserfaring.

 

Du må ha analyseeigenskapar, fleksibilitet, samarbeidsevne, evne til å finne løysingar og sjølvstende.

 

Vi tilbyr løn frå kr 560 700 - kr 781 100 (ltr 65-80) avhengig av kvalifikasjonar. For særskilt godt kvalifiserte søkjarar kan høgare løn vurderast.

 

Ta gjerne kontakt med ekspedisjonssjef Hallgeir Aalbu, tlf 481 68 290 eller avdelingsdirektør Lise Hauge,

tlf 958 53 775 for meir informasjon.

 

Søknadsfrist: 17.03.2016

 

 

 

Se annonsen og søk på stillingen www.jobbnorge.no

Minstelønn: 0

Maksimal lønn: 0

Arbeidsgiver Navn: Kommunal- og moderniseringsdepartementet

Arbeidsgiver adresse: 0030 OSLO

Job kort beskrivelse: Policy administration professionals

Land: Norge

Region: Oslo

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år