Møre og Romsdal fylkeskommune løyser sentrale utviklings- og forvaltningsoppgåver i ein regional organisasjon - i nært samspel med kommunar, næringsliv og organisasjonar.

Vi skal vere ein god tenesteytar for innbyggjarane og ein tydeleg medspelar i utviklinga av fylket. Vårt samfunnsoppdrag byggjer på

Når du tek til på Herøy vidaregåande skule kjem du til ein triveleg skule der alle legg vekt på å utvikle skulen på beste måte både for den enkelte og lokalsamfunnet.

Skulen vil stadig utvikle det gode samarbeidet med næringslivet i området, og såleis sikre ulike bedrifter rekruttering av vel kvalifisert arbeidskraft.

Skulen er sentralt plassert i nærleiken av Herøy kyrkje i Herøy kommune. I same området ligg det barnehagar, grunnskule, kulturhus med symjehall og idrettshall og eit godt utbygd idrettsanlegg med løpebane, grasbane, kunstgrasbane, ballbinge m.m.

Skulen vil komande skuleår, saman med avdelinga i Vanylven, ha om lag 330 elevar og 90 tilsette i ymse stillingar.

Herøy vgs avd. Vanylven - 70 % undervisningsst. i fellesfag

Forslag...forslag

Herøy vgs. avd. Vanylven ligg i Syvde i Vanylven kommune. Skulen har utdanningsprogramma studiespesialisering, helse- og oppvekst og teknikk og industriell produksjon. Vi held til i moderne og trivelege lokale.

Avdelig Vanylven ligg nært opptil den maritime klynga på Søre Sunnmøre. Vi har gjennom mange år samarbeidd med bedrifter både i privat og offentleg sektor. Vi tek mål av oss til også i framtida å kunne sende fra oss dyktige menneske til arbeid og vidare utdanning. For å kunne bygge vidare treng vi dyktige medarbeidarar med på laget.

Herøy vgs. avd. Vanylven har frå 01.08.2016 ledig ei 70% undervisningsstilling i fellesfag:aktuelle fag er: kroppsøving, naturfag, engelsk og samfunnsfag. Stillinga kan delast.(Gjeld for skuleåret 2016/2017.) Dette med atterhald om at tilbodet kjem i gong.

Personlege eigenskapar vert vektlagt når vi tilset lærarar. Vi ønskjer ein person som likar å arbeide med ungdom med ulike behov.Gode samarbeidsevner vert også vektlagt. Utover dette må formelle kompetansekrav vere innfridde.

• Ein arbeidsgivarpolitikk med satsing på leiarar og medarbeidarar for vekst og utvikling av best mogeleg tenester.• Introduksjonsprogram• Leiarutviklingsprogram• Utfordrande oppgåver i eit aktivt, utviklande arbeidsmiljø• Utvikling for kvar medarbeidar• Individuelt tilpassa livsfasetiltak• Medlemskap i KLP/SPK (god tenestepensjon og gode forsikringsvilkår )• Løn etter avtale

Tilsettinga er elles på fylkeskommunale vilkår og i tråd med gjeldande lover, avtaler og reglement.

Vi nyttar nynorsk i skriftleg kommunikasjon.

Møre og Romsdal fylkeskommune har som mål å spegle mangfaldet i befolkninga. Alle med etterspurt kompetanse er velkomen til å søkje ledig stilling hos oss.

Møre og Romsdal fylkeskommune nyttar elektronisk søknadsbehandling. Vi ber derfor om at du sender elektronisk søknad.

Vi gjer merksam på at søkarlista kan bli offentleg sjølv om søkar ber om anonymitet jf. Offentleglova § 25,2. Om dette blir tilfelle, vil vi ta kontakt med søkaren før offentleggjering.