Stillingstittel:
Stipendiat (4 år) i farmasi ved Klinisk institutt 2, Det medisinsk-odontologiske fakultet, Senter for farmasi

Stillingsbeskrivelse:

 

Jobbnorge ID: 127636

Ved Universitetet i Bergen, Det medisinsk-odontologiske fakultet, Klinisk institutt 2, Senter for farmasi, er det ledig ei mellombels stilling som stipendiat (100 %) for ein periode på fire (4) år med 25 % pliktarbeid, eller til maksimalt 4 månader etter fullført doktorgrad dersom graden er fullført før fire år. Pliktarbeidet vil vere knytt opp til undervisning i farmakologi ved Senter for farmasi.

 

Stillinga er knytt til prosjektet «Terapeutiske nanopartiklar mot akutt myelogen leukemi», og er finansiert av Universitetet i Bergen.

 

Prosjekt

Målet med prosjektet er å setje opp og arbeide med ein sebrafisk-modell for akutt myelogen leukemi (AML), og nytte denne til å teste ut ymse nanoformuleringar for målretta behandling av AML. Arbeidet vil vere både å karakterisere korleis AML utviklar seg i sebrafiskembryo, og vidare korleis terapeutiske nanopartiklar interagerer med AML-cellene og normale celler. I tillegg til injeksjon av AML-celler og farmasøytike i sebrafiskembryo, vil følgjande metodar verte aktuelle:

• cellebiologisk arbeid, inkludert dyrking av celler, studiar av cellulære signalvegar ved hjelp av flow-cytometri og molekylærbiologiske teknikkar
• transfeksjon av leukemiceller for å uttrykka overflateprotein
• utvikling og produksjon av terapeutiske nanoformuleringar som liposom og nanosfærer
• arbeid med antistoff for konjugering til liposom, legemiddel eller fluorescente prober

 

Nærare opplysingar om stillinga kan ein få ved å kontakta professor Lars Herfindal, tlf.: 55 97 46 28 eller e-post: Lars.Herfindal (at) uib.no

 

 

Kvalifikasjonar og personlege eigenskapar

• den som vert tilsett må ha fullført ein mastergrad i farmasi, eller innan anna relevant fagområde
• i tilsetjinga vil det verte lagt avgjerande vekt på fagleg styrke, eventuell forskingskompetanse og erfaring frå liknande prosjekt, gode samarbeidsevner og evne og motivasjon til å gjennomføre eit doktorgradsprosjekt
• god skriftleg og munnleg engelsk er eit krav

 

Forskarutdanning

Stilling som stipendiat har fullført forskarutdanning fram til doktorgrad som mål. Som stipendiat ved Det medisinsk-odontologiske fakultet skal ein delta i eit godkjent program for ei doktorgrad innanfor den fastlagde tidsramma.

 

Ein må vere teken opp i doktorgradsprogrammetved fakultetet for å kunne vere stipendiat. Endeleg plan for gjennomføring av forskarutdanninga skal vere godkjend av fakultetet innan tre månader etter at ein har teke til i stillinga.

 

Stipendiatstilling

Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Ein kan heller ikkje tilsetjast i stipendiatstilling dersom ein tidlegare har hatt slik tilsetjing ved ein annan institusjon i regionen. Dersom ein tidlegare har vore tilsett i rekrutteringsstilling, vert denne tilsettingsperioden trekt ifrå den samla tilsettingsperioden.

 

Undervisningsspråket er til vanleg norsk.

 

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Jonas Lies vei 91 5009 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år