id: MTUyOTE5MDYwMDAwMTkgMjYx

reference: 15291906000019

documentId: 15291906000019

connectionPointId: 261

Stillingstittel:
Sokneprest i Austre Sunnmøre prosti med Skodje sokn som særskild tenestestad.

Stillingsbeskrivelse:

Org. nr: - Stillingsident: 4100961192 Presentasjon av stillingen:

Det er ledig stilling som sokneprest i Skodje sokn.

Skodje sokn, som fell saman med Skodje kommune, er særskilt arbeidsområde. Det er eit nært samarbeid med soknepresten i Ørskog. Di held gudstenester i kyrkjelydane etter oppsett plan, og deler på kyrkjelege handlingar.

Skodje sokn har 3.800 medlemmer. Skodje kyrkje er bygd i 1860 og har om lag 350 sitteplassar. Der er gudsteneste annakvar søndag føremiddag, og ein gong i månaden på kveldstid. Ein er komen godt i gang med planane for ei kyrkjestove i tilknyting til kyrkja.
Soknepresten har kontor- og stabsfellesskap med kateket, diakon, kantor og dagleg leiar. Kontoret vil frå jan 2020 bli i rådhuset. Framtidige kontor er planlagt i den nye kyrkjestova.

Soknerådet arbeider aktivt og resultatorientert. I Skodje er det kyrkjekor med høg standard, bibelgrupper, kvinneforeiningar og mannsforeining. Det blir drive eit godt arbeid på dei fire bedehusa i kommunen. Her er ulike tilbod for barn og unge, m.a. fire søndagsskular, barneforeining, barnekor, speidararbeid og KRIK. Kyrkjelyden arbeidde frå 2010 til 2017 systematisk med Naturlig Menighetsutvilking (NaMu), og har dei seinare år også hatt bibelundervisning som har betydd mykje for kyrkjelyden. Soknerådet har arbeidsutval, gudstenesteutval, kyrkjestovekomité og diakoniutval.

Skodje kommune er den kommunen i Møre og Romsdal som har den prosentvise høgste folketalsauke. Ca 60 % er under 40 år. Skodje ligg landleg til med sjø og vatn og variert turterreng sentralt plassert på Sunnmøre. Her er kort veg til flyplass, sjukehus, vidaregåande skular og universitet. Den sterke utbygginga på Digerneset har gjeve mange nye arbeidsplassar, og blir eit tyngdepunkt i den nye Ålesund kommune. Kommunen har full barnehagedekning, fire barneskular og to ungdomsskular, bu- og dagtilbod for menneske med behov for spesiell tilrettelegging, omsorgsbustader og omsorgssenter/sjukeheim.

Skodje kommune presenterer seg som -den gode bukommunen med mangfald, trivsel og utvikling-. For meir informasjon, sjå www.skodje.kommune.no.

Du er velkommen til å sende din søknad med CV, vitnemål og referansar til vårt elektroniske system, Webcruiter. Dersom du ikkje ønsker namnet ditt på den offentlege søkjarlista, må dette grunngjevast i søknaden. Grunnane vil bli vurdert individuelt. Dersom bispedømeadministrasjonen ikkje finn dei tilstrekkelege, vert søkjaren kontakta før søkjarlista vert offentleggjort.

Arbeidsoppgåver

• Soknepresten skal i tråd med "Tenesteordning for kyrkjelydsprestar" forvalte Ord og sakrament slik at kristen tru og liv vert fremja i kyrkjelydane.
• Soknepresten held gudstenester og forrettar kyrkjelege handlingar, deltar i dåps- og konfirmantopplæringa, utøver sjelesorg og vegleiing, samt anna forkynnararbeid.
• Soknepresten og resten av staben tek del i kyrkjelyden si trusopplæring og anna arbeid.
• Soknepresten er med på å vidareutvikle bibelundervisning for vaksne.
• Det vil så langt muleg bli teke omsyn til kompetanse, erfaring, interesser og nådegåver i fordeling av oppgåvene mellom prestane. Nynorsk er nytta i kyrkje og skule.
• Prestane i prostiet går inn i beredskapsordning.

Kvalifikasjonar

• Vi søkjer etter ein prest som har evne til åndeleg og strategisk leiing. Det blir lagt vekt på gode kommunikasjons- og samarbeidsevner. Å sjå og oppmuntre medarbeidarar og vere med å løyse ut og utvikle tenestegåver hos andre blir sett som viktig, likeeins vilje til teambygging i arbeidet for å nå kyrkjelyden sine mål.
• Du må kunne arbeide med struktur og planlegging og like å samarbeide med stab, frivillige, sokneråd og fellesråd om planar og visjonar.
• Det er innført prøvetid på 6 månader for alle faste tilsette.
• Dei formelle kvalifikasjonskrava for tilsetjing som kyrkjelydsprest er å finne i "Forskrift om tilsetting av kyrkjelydsprest".
• Den som får tilbod om stillinga må legge fram barneombodsattest (politiattest), jfr Kyrkjelova §29, 2. ledd.
• Søkjarar som ikkje er ordinerte, vert bedne om å gjere greie for tilhøvet til programmet "Veien til prestetjeneste"(VTP). Ordinasjon føreset normalt fullført VTP.
• Søkjer må opplyse om han/ho beherskar begge målformer. Tenestemålet i området er nynorsk.
• For å bli tilsett må ein ha sertifikat og kunne disponere eigen bil.
• Med heimel i arbeidsmiljølova §13-4.2. blir opplysningar om samlivsform innhenta og kan bli vektlagd.
• Møre bispedøme arbeider for å oppnå ei balansert alders- og kjønnssamansetjing og ynskjer å legg til rette for menneske med redusert funksjonsevne.
• Ordinert søkjar som er statsborgar i anna EØS-land vert gjort merksam på krav om attest som viser autorisasjon til presteteneste i Den norske kyrkja, gjeve av Kyrkjerådet, krav om medlemskap i Den norske kyrkja og krav om å beherske norsk språk, jr. Forskrift om tilsetting av menighetsprest §6.

Utdanningsnivå

• Cand.theol - profesjonsstudium teologi (etter 2004)
• Cand.theol - eksklusiv praktisk teologisk utdanning (før 2004)
• Anna utdanning godkjend av Kirkerådet

Personlege eigenskapar

• Personlege og faglege eigenskapar vil bli vektlagt.
• Skape godt samarbeid med ansatte og frivillige medarbeidarar.
• Evne til å komme i kontakt med folk og bygge nettverk.
• Formidle evangeliet til ulike aldersgrupper.

Vi tilbyr

• løn etter hovudtariffavtalen i KA, lønsgruppe 1555 sokneprest. Innskot i Statens pensjonskasse.
• godtgjersler og tilskot etter dei vilkår som til kvar tid er fastsette. Den som vert tilsett, må rette seg etter endringar i lover, tariffavtalar, særavtalar, reglement mv. og andre avgjerder som kan ha verknad på gjeremåla i tenesta.
• gode vilkår for kompetanseutvikling, arbeidsvegleiing (ABV) og andre former for vegleiing.
• eit godt samarbeid mellom staben i samarbeidsområdet, og mellom dei tilsette i prostiet. Prestane møtest regelmessig til kollega- og fagsamlingar.
• ikkje tenestebustad til stillinga, men arbeidsgjevar kan vere behjelpeleg med å finne bustad.

Kontaktinformasjon

Svein Runde, Prost, (+47) 911 14 095
Alice Elnes, Personalsjef, (+47) 959 01 091

Arbeidssted

6263 Skodje

Søk på stillingen:Klikk her

Nøkkelinformasjon:

Arbeidsgiver:Den norske kirke

Referansenr.:4100961192
Stillingsprosent: 100%
Søknadsfrist: 28.07.2019

PAM

numberOfPosts: 1

jobCategoriesCodes_0: http://data.europa.eu/esco/isco/C2636

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: SKODJE SOKN

source: NAV