id: MDMzMTE4MTIwMDAyNzMgMjYx

reference: 03311812000273

documentId: 03311812000273

connectionPointId: 261

Stillingstittel: Seksjonssjef studieseksjonen

Stillingsbeskrivelse:
Jobbnorge ID: 162198

Om stillinga

Det humanistiske fakultet søker etter ein fagleg solid og strategisk sterk leiar for studieseksjonen.

Prioriterte strategiske ambisjonar for Det humanistiske fakultet er utdanningskvalitet i tillegg til gjennomføring av og auking i eksternt finansiert verksemd. Fakultetet har nyleg gjennomført ein tredje runde med faglege prioriteringar for utdannings- og forskingsverksemda for perioden 2019-23.

Vi søker ein fagleg sterk seksjonssjef som er erfaren og trygg i leiarrolla.

Stillinga vil både ha strategiske og operative oppgåver, og du må trivast i begge rollene. Stillinga rapporterer til fakultetsdirektøren.

Fakultetsadministrasjonen har seks seksjonar med til saman ca. 80 medarbeidarar. Fakultetet yter fellestenester til institutta innanfor verksemdområda IT, personal/HR, kommunikasjon og økonomi. Studie- og forskingsadministrasjon er delt mellom fakultets- og instituttnivå. Studieseksjonen har 22 medarbeidarar med stor variasjon i arbeidsoppgåver og arbeidsfelt, som til saman dekker heile breidda av studiefeltet.

Meir om fakultetet på www.hf.uio.no 

Viktige arbeidsoppgåver i stillinga

Seksjonssjefen skal

• leie og utvikle arbeidet i seksjonen og ha ansvar for kvalitet, ressurskoordinering og framdrift
• vareta personalansvar: leiing og oppfølging av tilsette, koordinering og bemanningsplanlegging, rekruttering
• koordinere oppgåvene til seksjonen, ha ansvar for møteverksemd, informasjonsarbeid og rapportering
• vere ein viktig strategisk rådgivar for fakultetsleiinga
• legge til rette for samarbeid med institutta, universitetet sentralt og dei andre seksjonane i fakultetsadministrasjonen, i tillegg vareta informasjon til og dialog med studentar og andre samarbeidande einingar. I dette ligg òg deltaking i relevante fagforum, internt og eksternt.

Det kan bli lagt også andre oppgåver til stillinga.

Kvalifikasjonskrav 

• Relevant utdanning frå universitet eller høgskole, minimum på bachelornivå. Realkompetanse med relevans for dei konkrete oppgåvene kan kompensere for utdanningskravet.
• Solid leiarerfaring, inkludert relevant leiarerfaring med personalleiing og administrative leiaroppgåver. Erfaring frå arbeid med drift, forvaltning og utvikling av utdanning vil òg vere ein fordel.
• Gode kommunikasjonsevner.
• God munnleg og skriftleg framstillingsevne på norsk og engelsk.
• Erfaring med og kjennskap til IT- og analyseverktøy.

Personlege eigenskapar

Vi søker deg som liker å jobbe som lagspelar i ein kompleks kunnskapsorganisasjon med mange interessentar. Du har evne til å arbeide systematisk, er resultat- og løysingsorientert og nytenkande. Du liker å handtere kombinasjonen drift og forvaltning med utvikling og strategisk arbeid. Du er ein tydeleg og motiverande leiar og legg stor vekt på å følge opp medarbeidarane dine og skape eit godt arbeidsmiljø. Vi vektlegg òg personlege eigenskapar som samarbeidsevne, serviceinnstilling og fleksibilitet.

Vi vil legge spesiell vekt på personlege eigenskapar som gjer søkarane skikka til stillinga.

Vi tilbyr

• lønn frå kr 713 600 til kr 893 900 per år, avhengig av ansiennitet og kompetanse for stilling som seksjonssjef
• eit hyggeleg og stimulerande arbeidsmiljø
• god pensjonsordning i Statens Pensjonskasse
• stilling i ei IA-verksemd, gode velferdsordningar og høve til trening i arbeidstida

Søknaden skal innehalde

• søknadsbrev
• CV

Søknad (evt. med vedlegg) må sendast inn via rekrutteringssystemet vårt, Jobbnorge.

Aktuelle søkjarar vil bli kalla inn til intervju.

Søknadsfrist: 20. januar 2019

Andre opplysningar

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

Vi viser òg til regelverk for teknisk-administrativt tilsette.

UiO har ein overtakingsavtale for alle tilsette med formål å sikre rettane til forskingsresultat m.m.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. I tillegg ønskjer UiO at medarbeidarane våre i størst mogleg grad speglar mangfaldet i befolkninga. 

Kontaktinformasjon

For spørsmål om stillinga:
Fakultetsdirektør Monica Bakken, tlf.: 970 82 983

For spørsmål om korleis ein skal søke:
Personalkonsulent Julie Tøllefsen

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C1345

abstractJV_contact_0: See jobabstractJV_description

Arbeidsgiver Navn: Universitetet i Oslo

source: NAV