id: MTIwOTE5MDIwMDAzMDIgMjYx

reference: 12091902000302

documentId: 12091902000302

connectionPointId: 261

Stillingstittel: Rektor - Nye Laksevåg vidaregåande skule

Stillingsbeskrivelse:
Presentasjon av stillinga:
Bergen Maritime videregående skole og Laksevåg videregående skole får frå 01.08.19 felles rektor. I perioden frå 01.08.20 til 2023 vert den samanslåtte skulen lokalisert der Bergen maritime vgs er i dag, i Bergen sentrum. Etter planen skal ny skule på Laksevåg vere klar i 2023. Rektor skal i samarbeid med fylkesadministrasjonen vere med på å etablere den nye skulen. Offisielt namn på den nye skulen vert vedteke i mars.
Nye Laksevåg vidaregåande skule skal ha 405 elevar og er planlagt med følgjande fagtilbod: Bygg- og anleggsteknikk, elektrofag og teknikk og industriell produksjon. På vidaregåande nivå to vil skulen mellom anna gi tilboda brønnteknikk, elektrofag med spesiell studiekompetanse, kjemi- og prosessfag og maritime fag. Skulen vil vere ein yrkesfagskule med moderne og framtidsretta tilbod.

Vi søkjer etter ein rektor som har føresetnader for å kunne byggje opp ein framtidsretta skule. Oppgåva er samansett og krev evne til målretta og systematisk arbeid på grunnlag av fagleg eigenart, organisering og pedagogisk bruk av skulebygg. Det er ei viktig oppgåve for rektor å byggje opp ein felles identitet og vidareføre og utvikle det gode samarbeidet med næringslivet dei to skulane har i dag. Å få til god dialog med kompetente fagmiljø er ein føresetnad for å lykkast i stillinga. Auka læringsutbytte og auka gjennomføring er hovudmålet, og arbeid med læringsmiljø og elevmedverknad står sentralt. Hordaland fylkeskommune legg vekt på samarbeid og dialog på alle nivå i organisasjonen.

Kompetent, offensiv og i dialog er dei grunnleggjande verdiane i Hordaland fylkeskommune, og desse skal danne basis for all leiing.

HFK søkjer etter ein rektor som:
- Markerer skulen som ein sentral utdanningsinstitusjon i lokalmiljøet. Profilerer skulen og bidreg til auka rekruttering.
- Leiar og utviklar skulen og er ansvarleg for læringsresultat, læringsmiljø og samfunnsoppdraget.
- Møter alle elevar med respekt og omtanke og bidreg til at dei opplever læring, motivasjon og meistring.
- Har reflekterte visjonar og god fagleg forankring for skulen si pedagogiske utvikling.
- Byggjer eit sterkt fagleg fellesskap og ein verdibasert kultur som kontinuerleg søkjer utvikling.
- Saman med leiargruppa skal ein ha ein open kommunikasjon med rom for nytenking. Leiinga skal vektlegge samarbeid med arbeidstakarorganisasjonane.
- Legg til rette for å utnytte fagleg kompetanse, gir rettleiing og støtte i arbeidet med å byggje fellesskap med sikte på gode læringsprosessar for elevane.
- Er oppteken av å halde ved like og skape eit attraktivt arbeidsmiljø prega av respekt, tillit og dialog.
- Har eit avklart forhold til rolla som arbeidsgjevar med god forståing av lov og avtaleverk.
- Arbeider i samsvar med politiske og administrative vedtak med evne til å forankre endringar på ein god måte i organisasjonen.
Kvalifikasjonar

• Pedagogisk kompetanse og nødvendige leiareigenskapar, jf. Opplæringslova § 9-1
• Utdanning innan leiing og organisasjonsutvikling er ønskjeleg.
• Leiarerfaring vil bli vektlagt.
• Kunnskap om økonomistyring og offentleg forvalting.
• Kunnskap om og interesse for bruk av IKT i opplæringa.
• Erfaring frå vidaregåande opplæring er ein fordel.
• Den som skal tilsetjast i vidaregåande skule må leggje fram politiattest.
• Alle nytilsetjingar i Hordaland fylkeskommune blir gjort med ei prøvetid på 6 månader.

Personlege Eigenskapar

• Er sosial og inkluderande og byggjer gode relasjonar
• Har stort engasjement og evne til å motivere
• Har gode kommunikasjonsevner og evne til samarbeid
• Er reflektert og resultat- og løysingsorientert
• Arbeider strukturert og systematisk

Vi tilbyr

• Gode offentlege pensjons- og forsikringsvilkår
• Vi har for tida lyst ut fleire stillingar som rektor. Dersom du er interessert i ei eller fleire av dei andre stillingane ber vi deg gjere oss merksam på dette på slutten av søknaden din.
• Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.

KontaktinformasjonSissel Øverdal, regionleiar, 95256439
Hillevi Elizabeth Runshaug, regionleiar, 48045397
Arbeidsstad
 Bergen
Nøkkelinformasjon: Annonsør:Hordaland fylkeskommune

Ref. nr.:4020625629
Stillingsbrøk: 100%
Fast
Tal på stillingar: 1
Søknadsfrist: 06.03.2019


https://www.webcruiter.no/wcmain/advertviewpublic.aspx?oppdragsnr=4020625629&company_id=1683979948&culture_id=NN-NO
For elektronisk søknadsskjema:[Klikk her]


numberOfPosts: 1

jobCategoriesCodes_0: http://data.europa.eu/esco/isco/C1345

abstractJV_contact_0: See jobabstractJV_description

Arbeidsgiver Navn: Hordaland fylkeskommune

source: NAV