id: MDMxNjE5MDEwMDA1NjkgMjYx

reference: 03161901000569

documentId: 03161901000569

connectionPointId: 261

Stillingstittel: Rådgjevar/seniorrådgjevar

Stillingsbeskrivelse:
Jobbnorge ID: 162819

Luftfartsseksjonen søkjer ny medarbeidar til fast stilling som rådgjevar/seniorrådgjevar.

Arbeidsområdet til Luftfartsseksjonen omfattar generelle rammevilkår for luftfarten, lov- og forskriftsarbeid, bi-/multilaterale forhandlingar, søknads- og klagesaksbehandling, utgreiings-, plan-, økonomi- og budsjettsaker, forvalting av staten sine eigarinteresser i Avinor AS, etatsstyring av Luftfartstilsynet og Statens havarikommisjon for transport, kjøp av regionale flyruter, generelt flytryggleiksarbeid, miljøspørsmål innanfor luftfarten og internasjonalt samarbeid på luftfartsområdet.

Arbeidsoppgåver

Til denne stillinga ser vi etter ein samfunnsinteressert økonom med kjennskap til luftfarten i Noreg. Aktuelle arbeidsoppgåver er

• forvalting av ordninga med kjøp av regionale flyruter
• problemstillingar knytt til det regionale luftfartstilbodet
• budsjettarbeid
• koordinering av arbeidet med universell utforming
• diverse andre koordineringsoppgåver for seksjonen

På sikt vil det også bli aktuelt at du deltek på fleire av dei andre arbeidsområda for seksjonen.

Kvalifikasjonar

Du må ha relevant, økonomisk utdanning på mastergradsnivå, til dømes samfunns- eller siviløkonom. Stillinga krev god munnleg og skriftleg framstillingsevne på norsk og engelsk. I tillegg ser vi gjerne at du har erfaring frå offentleg forvalting.

Du må ha evne og interesse for å arbeide med tal, gjerne også excel-kunnskapar, og vere førebudd på å handtere fleire saker samtidig. Du har gode samarbeidsevner, men kan også arbeide sjølvstendig. Vi legg vekt på fleksibilitet og god rolleforståing.

Vi tilbyr

Vi kan tilby deg spanande og utfordrande oppgåver i eit hyggeleg miljø med dyktige og engasjerte kollegaer, fleksibel arbeidstid og trening i arbeidstida (1 time pr. veke).

Stillinga blir lønna som rådgjevar/seniorrådgjevar i spennet kr. 470 000 - 650 000. Vi krev 2-3 års erfaring for innplassering som rådgjevar, og minst 5 års relevant erfaring for innplassering som seniorrådgjevar.

 

Du kan få nærare informasjon om stillinga ved å kontakte avdelingsdirektør Øyvind Ek, tlf. 22 24 81 73.

 

Generell informasjon

 

Samferdselsdepartementet deltek i regjeringa sin inkluderingsdugnad. Vi vil gjerne ha søknader frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga. Vi gjer oppmerksam på at opplysningar om nedsett funksjonsevne eller hol i CV-en, kan bli brukt til registreringsformål.

 

I samsvar med offentleglova § 25, kan opplysningar om søkjar unnatakast offentleg søkjarliste, dersom søkjaren sjølv oppmodar om det. Den som ønskjer å reservere seg mot å stå på offentleg søkjarliste, må grunngje dette. Ved eventuelt avslag, vil søkjar bli kontakta før offentleggjering og få tilbod om å trekkje søknaden.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2422

abstractJV_contact_0: See jobabstractJV_description

Arbeidsgiver Navn: Samferdselsdepartementet

source: NAV