Stillingstittel: Rådgjevar/seniorrådgjevar

Stillingsbeskrivelse:

Fylkesmannen er staten sin representant i fylket og har ansvar for å følgje opp vedtak, mål og retningsliner frå Stortinget og regjeringa. Fylkesmannen er dessutan eit viktig bindeledd mellom kommunal og sentral mynde, med høve til å spele inn viktige saker frå kommunesektoren til sentrale styresmakter.

Jobbnorge ID: 128942

Ledig stilling for rådgjevar/seniorrådgjevar - utdanningsavdelinga

Fylkesmannen i Hordaland, Utdanningsavdelinga, har ledig fast stilling som rådgjevar/seniorrådgjevar med søknadsfrist 16. september 2016

Utdanningsavdelinga har ansvar for rettleiing, tilsyn og forvaltningsoppgåver innan barnehage- og opplæringssektoren i fylket. Avdelinga har og eit landsdekkande ansvar for opplæring innan kriminalomsorga. Utdanningsavdelinga skal sjå til at nasjonale mål for utdannings- og barnehagepolitikk vert følgt opp. Oppdraget til avdelinga kjem i hovudsak frå Utdanningsdirektoratet.

Utdanningsavdelinga har no behov for ein rådgjevar/seniorrådgjevar i fast stilling.

Den som vært tilsett i stillinga vil ha sine hovudoppgåver knytt til eksamens- og vurderingsfeltet, klagebehandling og tilsyn på skuleområdet. Felta gir spennande utfordringar, ikkje minst når det gjeld forvaltningsmessige og juridiske problemstillingar.

Søkjaren må :

- ha relevant høgare utdanning

- ha erfaring frå eller kunnskap om utdanningssektoren

- ha interesse for, og erfaring med offentleg sektor/forvaltningsarbeid

- ha kjennskap til kommunesektoren

- kunne kommunisere kompliserte problemstillingar på ein god måte, skriftleg og munnleg

- kunne arbeide innanfor fristar

- kunne samarbeide nært med andre faggrupper

 

Vi søkjer ein kollega som har interesse og engasjement for utdanningssektoren, og evne til å setje seg inn i aktuelle lovverk. Vidare søkjer vi ein kollega som ser det som viktig å samarbeide tett med kollegaer, både når det gjeld eigne saker og oppgåver, men og i avdelinga sitt samla arbeid. Vi tek atterhald om endringar i arbeidsoppgåver og avdelingstilknyting.

 

Vi tilbyr:

- spanande arbeidsoppgåver som opnar for kontakt med mange fagmiljø

- gode vilkår med omsyn til utveksling av kompetanse med kollegaer i andre delar av sektor

- eit godt arbeidsmiljø

- strukturerte møtepunkt i avdelinga og fleksible møtepunkt med kollegaer

- løn etter avtale i tråd med verksemda sin lønnspolitikk

- medlemsskap i Statens pensjonskasse, med høve til bustadlån

- bedriftsidrettslag

- kontor sentralt i Bergen

 

Stillinga vert, etter kvalifikasjonar, plassert i stillingskode 1434 rådgjevar, med ltr. 50-62, eller 1364 seniorrådgjevar med ltr. 60-66. For særleg godt kvalifiserte søkjarar kan vi vurdere høgare lønn. Frå løna vert det trekt 2 % innskot til Statens pensjonskasse. Fylkesmannen følgjer elles avtale om fleksibel arbeidstid og andre statlege tilsetjingsvilkår. Tenestemålet er nynorsk.

Fylkesmannen ønskjer mangfald. Vi oppmodar difor alle kvalifiserte til å søkje, uansett kjønn, alder, funksjonsevne eller etnisk bakgrunn. Embetet er inkluderande arbeidslivsverksemd, og vil leggje til rette for arbeidstakarar med nedsett funksjonsevne.

 

Nærare opplysningar om stillinga

Minstelønn: 0

Maksimal lønn: 0

Arbeidsgiver Navn: Fylkesmannen i Hordaland

Arbeidsgiver adresse: Kaigaten 9 5020 BERGEN

Job kort beskrivelse:
Regulatory government associate professionals not elsewhere classified

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år