Ved Senter for vitskapsteori (SVT) er det ei ledig stilling som postdoktor tilknytt prosjektet PARENT (PArticipatory platfoRm for home Energy maNagement') med planlagt oppstart hausten 2016. Stillinga er for ein periode på tre år. Prosjektet er finansiert gjennom ERA-Net programmet og vil være situert innafor SVT si forskingsgruppe for klima og energi.

Om prosjektet og arbeidsoppgåvene

Prosjektet skal utvikle og prøve ut ei kommunikasjonsplattform for energisparing i husstandar i fire europeiske byar (Bergen, Barcelona, Brussel og Amsterdam). Prosjektet er sentrert rundt utviklinga av ei plattform for auka energieffektivisering i heimen, og er nært knytt til pågåande innføring av såkalla smarte straummålarar i dei fleste europeiske land. Konkrete arbeidsoppgåver er knytt til studiar av brukarar sine erfaringar og oppfatningar, sosial aksept og ansvarleg innovasjon av smarte straummålarar og programvare for energieffektivisering. Desse oppgåvene vil skje i samarbeid med andre prosjektpartnarar, og sentrerast rundt planlegging av og utføring av 'Living Labs' og fokus-grupper tilknytt pilotprosjekta i dei fire byane.

Prosjektet er interdisiplinært, og retta mot 'integrering' av samfunnsvitskap, juss og ingeniørfag. Partnarar i prosjektet er Vrije Universiteit Brussel (Institute for European Studies, Research Group on Law, Science, Technology and Society; koordinator), Enerbyte (Barcelona), Blue Planet Academy and Consulting, Resourcefully, og Universiteit Utrecht (Copernicus Institute of Sustainable Development).

Kvalifikasjonar og eigenskapar

For å bli vurdert må søkjaren dekkje føljande kriteria:

• oppnådd norsk ph.d.-grad eller tilsvarande innan relevante forskingsområder som: brukarstudiar, vitskapsstudiar (STS), Public Understanding of Science, eller samfunnsvitskapelege studiar av energi

• erfaring frå kvalitativ og interdisiplinær forsking

• arbeide sjølvstendig, strukturert og ha gode samarbeidsevner

• solide engelskkunnskapar

I tillegg vil kjennskap til spansk, nederlandsk eller flamsk vera ei føremon (men ikkje ein nødvendig føresetnad)

Om postdoktorstillinga

Postdoktorstillinga er ei åremålsstilling og har som hovudmål å kvalifisere den som blir tilsett for arbeid i faglege toppstillingar. Åremålsperioden for denne stillinga er tre år. Ingen kan tilsetjast i meir enn ein åremålsperiode som postdoktor ved same institusjon.

Vi kan tilby

• Eit godt og fagleg utfordrande arbeidsmiljø

• Løn etter lønssteg 57 (kode 1352) i statens lønsregulativ. Det utgjer ei årsløn på kr 486 100 brutto. Vidare opprykk skjer etter tenesteansiennitet i stillinga.

• Medlemskap i Statens pensjonskasse

• Stilling i ei inkluderande arbeidsverksemd (IA-verksemd)

• Gode velferdsordningar

Slik søkjer du stillinga

Søknaden skal sendast elektronisk via lenkje på denne sida: «SØK PÅ JOBBEN». Søkjaren må nytte det elektroniske CV-skjemaet.

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga

• Namn og kontaktopplysningar til to referansepersonar, ein av desse må vere hovudrettleiaren
  
  Minstelønn: 0
  
  Maksimal lønn: 0
  
  Arbeidsgiver Navn: Universitetet i Bergen
  
  Arbeidsgiver adresse: Christiesgt. 18 5020 BERGEN
  
  Job kort beskrivelse: Physicists and astronomers
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Hvordan søke: Annet - se fritekst
  
  Lønn valuta: NOK
  
  Lønn periode: Pr. år
  
  

  GJELDER