id: MDMxMzE5MDMwMDEwMzIgMjYx

reference: 03131903001032

documentId: 03131903001032

connectionPointId: 261

Stillingstittel: Rådgjevar/seniorrådgjevar - fast stilling

Stillingsbeskrivelse:

Jobbnorge ID: 167783

Om stillinga

Kulturdepartementet har ledig ei fast stilling som jurist i seksjonen for film og opphavsrett.

Seksjonen har ansvar for åndsverklova og for utvikling av politikk og verkemiddel på filmområdet. Generelle forvaltningsrettslege spørsmål i departementet høyrer også inn under seksjonen.

Opphavsretts- og filmfeltet er prega av store endringar i teknologi, marknad og brukaråtferd, og reguleringa av områda blir i stor grad påverka av internasjonalt regel- og avtaleverk.

Arbeidsoppgåver

Hovudoppgåvene for stillinga er å utarbeide grunnlag for avgjerder og gje faglege råd til den politiske leiinga særleg om opphavsrettslege spørsmål. Dette omfattar både lov- og forskriftsarbeid, mellom anna for å følgje opp internasjonale forpliktingar, og arbeid med enkeltsaker.

I arbeidet vil du måtte halde deg oppdatert om rettsutviklinga i Noreg og i EØS. Stillinga vil innebere deltaking i internasjonalt samarbeid om fagområda.

Kvalifikasjonar

Du må ha

• juridisk embetseksamen eller mastergrad i rettsvitskap med gode resultat
• minst to års relevant arbeidserfaring
• svært god skriftleg og munnleg framstillingsevne
• gode engelskkunnskapar

Det er ein fordel om du har:

• erfaring med opphavsrett
• erfaring med forvaltningsrett og utvikling av regelverk, gjerne frå eit departement
• erfaring med EØS-rettslege spørsmål

Vi søkjer ein person som er/har

• analytisk, fleksibel og effektiv
• stor arbeidskapasitet, også under tidspress
• evne og vilje til både sjølvstende og samarbeid

• evne til å rettleie andre og til å planleggje og sikre framdrift i større arbeid
• samfunnsorientert
• interesse for fagfelta våre, gjerne også for teknologisk utvikling

Vi vil leggje vekt på at du personleg høver til stillinga.

Du må vere budd på å stille kompetansen din til disposisjon for andre seksjonar og avdelingar i departementet.

Klausul om mogleg karantene og saksforbod ved overgang til ny stilling utanfor staten inngår i arbeidsavtalen.

Vi tilbyr

Kulturdepartementet har eit kunnskapsrikt og stimulerande arbeidsmiljø med engasjerte, kompetente og resultatorienterte medarbeidarar. Kvardagen i medieavdelinga er prega av høgt arbeidstempo, varierte og utfordrande arbeidsoppgåver og eit hyggjeleg og uformelt arbeidsmiljø. Det er eit godt juridisk fagmiljø i avdelinga og i seksjonen.

Tittel for stillinga er 1436 rådgjevar eller 1438 seniorrådgjevar. For å bli vurdert som seniorrådgjevar må du mellom anna ha minimum fem års erfaring som er direkte relevant for stillinga.

Løn etter Hovedtariffavtalen i staten, etter kvalifikasjonar og erfaring:

• rådgjevar frå kr 456 900 til kr 555 100 brutto per år
• seniorrådgjevar frå kr 524 200 til kr 695 500 brutto per år
• for spesielt kvalifiserte søkjarar kan høgare løn vere aktuelt.

Vi held til i hyggjelege lokale midt i Oslo sentrum. Som tilsett hos oss har du fleksibel arbeidstid, høve til trening i arbeidstida, pensjonsordning og rett til å søkje bustadlån gjennom Statens pensjonskasse.

Inkluderande arbeidsliv og mangfald

Den statlege arbeidsstyrken skal i størst mogleg grad spegle mangfaldet i samfunnet. Det er derfor eit personalpolitisk mål å få til ei balansert samansetjing på tvers av alder og kjøn, og å rekruttere personar med innvandrarbakgrunn, nedsett funksjonsevne og dei som har stått utanfor arbeid og utdanning i ein lengre periode. Opplysningar om dette kan bli brukt til registerformål. Vi vil leggje til rette for personar med nedsett funksjonsevne.

Offentleg søkarliste og kontakt

Dei som søker, må vere merksame på at opplysningar om dei kan bli offentleggjorde, sjølv om søkarane ber om ikkje å bli oppførte på den offentlege søkarlista. Departementet vil svare på krav om unntak frå den offentlege søkarlista før ho blir offentleggjord.

Vil du vite meir om stillinga, kan du ta kontakt med avdelingsdirektør Torbjørn Backer Hjorthaug, telefon 22 24 79 12 / 995 71 527 eller seniorrådgjevar Tore Magnus Bruaset, telefon 22 24 80 40 / 934 34 401.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2611

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Kultur- og kirkedepartementet

source: NAV