id: MTIwODE4MTIwMDAxOTQgMjYx

reference: 12081812000194

documentId: 12081812000194

connectionPointId: 261

lastModificationDate: 1545937200235

Stillingstittel: Rådgjevar - Forskingstøtte

Stillingsbeskrivelse:
Jobbnorge ID: 161559

Ved Høgskulen på Vestlandet (HVL) er det ledig fast 100% stilling som rådgjevar, forskingstøtte ved Fakultet for helse- og sosialvitskap (FHS).

Høgskulen på Vestlandet er organisert i 4 campusovergripande fakultet: Fakultet for lærarutdanning, kultur og idrett (FKLI), Fakultet for helse- og sosialvitskap (FHS), Fakultet for ingeniør- og naturvitskap (FIN) og fakultet for økonomi og samfunnsvitskap (FØS). Kvart av fakulteta vert leia av ein dekan som har det overordna ansvaret for den faglege og administrative verksemda ved fakultetet og som rapporterer til rektor.

 

Fakultet for helse- og sosialvitskap har om lag 370 tilsette og 4700 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram. I tillegg har fakultetet stor forskingsaktivitet knytt til forskargrupper og senter. Fakultet for helse- og sosialvitskap spenner over alle fem campus i HVL og har tre institutt leia av kvar sin instituttleiar med fagleg og administrativt ansvar. Institutta er vidare organisert i fagseksjonar med leiarar som har delegert personal - og økonomiansvar.

 

Fakultetsadministrasjonen, som er leia av administrasjonssjef og studieadministrativ leiar, skal gje støtte til leiarar og administrativ og fagleg aktivitet i fakultetet i samarbeid med dei fellesadministrative tenestene innan HR, økonomi, studieadministrasjon og forskingsadministrasjon. Administrasjonssjef og studieadministrativ leiar sit i leiargruppa til dekan saman med dei tre instituttleiarane, ein viseinstituttleiar, og to prodekanar med strategisk ansvar for høvesvis forsking og utdanning.

 

Om stillinga
Stillinga er ein del av fakultetsadministrasjonen og rapporterer til administrasjonssjef.

 

Rådgjevaren skal i hovudsak gje forskingsadministrativ støtte til leiing og fagmiljø ved fakultet for helse- og sosialvitskap og bidra til at FoU-aktiviteten i fakultetet støttar opp under fakultetet sine strategiar.

 

Arbeidsplassen kan vere på ein av campusane; Haugesund, Stord, Førde, Bergen eller Sogndal.

 

Ansvars- og arbeidsområde 
Den som vert tilsett vil samarbeide tett med både administrativt og fagleg tilsette. Stillinga vil vere del av eit fagleg nettverk av personar med tilsvarande arbeidsområde i HVL.

 

Aktuelle arbeidsområde kan vere:

• Sekretær for FoU-utvalet ved fakultetet
• Administrativ støtte for tildeling av FoU-tid til tilsette
• Administrativ støtte i kvalifisering mot førstelektor, dosentur og professorat
• Administrativ prosjektstøtte for eksternfinansierte forskingsprosjekt
• Sakshandsaming av forskingsetiske saker på fakultetsnivå
• Bistå fakultetet i organisering av forskingsdagane og andre forskingsrelaterte arrangement
• Saksførebuing og -oppfølging, strategisk utviklingsarbeid, rapportering, utgreiing- og analyseoppgåver knytt til ansvarsområdet
• Identifisere og halde seg oppdatert på relevante forskingsprogram
• Bistå forskningsgrupper i langsiktig planlegging av søknadsprosesser, motivere til og gi råd om søknader om forskningsfinansiering
• Bistå i planlegging og gjennomføring av kompetansegjevande tiltak som kurs i søknadsskriving, prosjektleiing og budsjettering
• Samarbeid med tilsette i fellesadministrasjonen og administrasjonen på kvar einskild campus

Kvalifikasjonskrav

Formell utdanning og kompetanse:

• Relevant høgare utdanning på minst bachelornivå, fortrinnsvis masternivå
• Administrativ erfaring og spesialkompetanse på høgt nivå og innanfor stillinga sitt funksjonsområde
• Relevant erfaring frå FoU-arbeid eller analyse-, utgreiings- og rapporteringsarbeid

Generell kompetanse:

• God digital kompetanse
• Erfaring frå, og/eller god kunnskap om universitets- og høgskulesektoren
• God munnleg og skriftleg framstillingsevne på norsk og engelsk

Personlege eigenskapar:

• Kunne arbeide sjølvstendig og strategisk
• Gjennomføringsevne og løysingsorientering
• Gode evner til kommunikasjon og samhandling
• Positiv, fleksibel og gode samarbeidsevner

Vi tilbyr
Stillinga som rådgjevar er løna etter Statens lønsregulativ, i stillingskode 1434 - rådgjevar. Frå løna vil det bli trekt 2 % innskot til Statens pensjonskasse.

 

Vi tilbyr elles:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Fleksitid jfr. Særavtale om fleksibel arbeidstid i staten
• Moglegheit for trening i arbeidstida

Korleis søke på stillinga?
Send søknad og CV ved å klikke på knappen merka "Søk stilling" på denne sida.

 

Vi gjer merksam på at søknader blir vurdert ut frå den informasjon som er lagt inn i www.jobbnorge.no ved søknadsfristens utløp. Det er søkjar sitt ansvar å sørge for at alle relevante vedlegg er lagt inn innan fristen, herunder attester og vitnemål. Dersom vitnemål, karakterutskrifter eller annen dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Dersom vedlegga overskrider 15 MB må dei komprimerast før opplasting eller leggast ved som lenke.

 

Søknader kan ikkje sendes på e-post til enkeltpersoner ved høgskulen.

 

Generell informasjon
Vi gjer merksam på at jfr. ny offentlegheitslov kan opplysningar om søkjaren bli offentliggjort sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ynskje ikkje vert teke til følgje.

Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.

Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning, rekruttere personer med minoritetsbakgrunn og personer med nedsett funksjonsevne. Høgskulen på Vestlandet er ei IA verksemd.

 

Heimeside

 

Kontaktperson(ar) ved Høgskulen på Vestlandet er:

1) Administrasjonssjef Trude Engebretsen, telefon +47 55 58 78 86 /mobil +47 951 04 780                    

2) Dekan Randi Skår, telefon +47 57 67 61 51 / mobil +47 951 46 987

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2422

abstractJV_contact_0: See jobabstractJV_description

positionTypeCode: directhire

contractTypeCodes_0: fulltime

Arbeidsgiver Navn: Høgskulen på Vestlandet

source: NAV