id: NTcwMTE5MDgwMDAxNzQgMjYx

reference: 57011908000174

documentId: 57011908000174

connectionPointId: 261

Stillingstittel: Rådgiver/seniorrådgiver

Stillingsbeskrivelse:

Jobbnorge ID: 173889

Om stillingen

Miljødirektoratet søker ein kunnskapsrik og løysningsorientert medarbeidar som har lyst til å bidra til direktoratets arbeid med å ta vare på biologisk mangfald i samsvar med dei nasjonale måla for naturmangfald. Som medarbeidar hos oss får du sjansen til å bidra til ein kunnskapsbasert, langsiktig og økosystembasert forvaltning av naturtypar, arter og kulturlandskap.

Stillinga ligg i seksjon for trua arter og naturtypar som er ein av fem seksjonar i land- og friluftslivavdelinga. Seksjonen har mellom anna ansvar for direktoratets oppfølging av trua arter og naturtypar og ivaretaking av biologisk mangfald i kulturlandskapet og er tildelt eit særskild ansvar for hovudøkosystem kulturlandskap og ope lågland. Vi leder arbeidet med utvalde naturtypar og prioriterte arter, koordinerer arbeidet med handlingsplanar for arter og naturtypar, følger opp tilskotsordningar for trua natur og kulturlandskap, samt overvaking av arter og naturtypar. Seksjonen har i tillegg ansvar for anna tverrgåande arbeid med ivaretaking av trua natur. Seksjonen har nært samarbeid med Fylkesmennene, landbruksmyndigheitene, andre sektormyndigheiter og organisasjonar.

Seksjonen deltek i utviklinga av ei meir økosystembasert forvalting mellom anna for naturtypekartlegging, miljøovervaking, økologisk infrastruktur og nytt system for klassifisering av økologisk tilstand, med særskild ansvar for hovudøkosystem kulturlandskap og ope lågland. Framtidas naturforvalting skal vere økosystembasert, der det skal etablerast mål for kva som er god økologisk tilstand i alle hovudøkosystem. Samarbeid med andre sektorar vil stå sentralt for å nå vedtekne mål.

Stillinga skal særleg bidra til arbeidet med nasjonal oppfølging av seksjonens oppgåver med trua naturtypar og kulturlandskap.

Seksjonen har 13 medarbeidarar og har arbeidsstad på Brattøra i Trondheim.

Stillingas hovudansvarsområde

• oppfølging av direktoratets arbeid med ivaretaking av trua naturtypar, trua arter og kulturlandskap
• fagleg og administrativ forvalting av tilskotsordningar for trua natur og kulturlandskap
• utarbeide/revidere og følgje opp handlingsplanar for naturtypar og arter
• bestilling av overvaking, inkludert faglege vurderingar knytt til dette
• bidra til arbeidet med økosystembasert forvaltning, med særskild vekt på hovudøkosystem kulturlandskap og ope lågland
• samarbeide med landbruksstyresmaktene og andre sektorar på fagområdet

Kompetansekrav

Kvalifikasjonar

• utdanning på mastergradsnivå, fortrinnsvis i terrestrisk biologi, økologi eller naturforvaltning
• svært god munnleg og skriftleg formuleringsevne på norsk
• erfaring frå offentleg forvalting og saksbehandling, gjerne innan naturforvalting eller landbruksforvalting, er ein fordel
• god kjennskap til hovudøkosystem kulturlandskap og ope lågland vil bli vektlagd
• det er ein fordel om du har kunnskap om andre sektorar og deira verkemiddel, særleg landbrukssektoren
• erfaring med NiN som system for klassifisering av natur i Noreg, anten gjennom utdanning eller praksis, er ein fordel
• gode IT ferdigheitar og interesse for digitale løysningar

Eigenskapar

• du er løysningsorientert, nysgjerrig og fleksibel
• du arbeider effektivt og sjølvstendig, men trivst også godt med å jobbe i team
• du leverer rett kvalitet til rett tid og liker å bidra inn i tverrgåande prosessar og prosjekt
• du har god rolleforståing og kan vurdere heilskap og sjå samanhengar
• du kommuniserer godt, er omgjengeleg og har gode samarbeidsevner

Personlege eigenskapar vil bli tillagt vekt i vurdering av søkarane.

Vi tilbyr

• fast stilling som rådgivar/seniorrådgivar
• utfordrande arbeidsoppgåver på eit viktig og aktuelt samfunnsområde
• gode høve for fagleg og personleg utvikling
• eit breitt tilbod av sosiale, kulturelle og sportslege aktivitetar, inkludert trening i arbeidstida
• fleksible arbeidstidsordningar og gode pensjons- og bustadlånordningar i Statens pensjonskasse
• lønn som rådgivar fra kr. 472 000 (ltr. 53) til kr. 583 900 (ltr. 65), eller som seniorrådgivar fra kr. 532 300 (ltr. 60) til kr. 667 200 (ltr. 72) etter erfaring og kvalifikasjonar

Spørsmål om stillingen og hvordan du søker

Kontaktperson for stillinga er seksjonsleiar Aina Holst, tlf. 995 41 921 eller e-post aina.holst (at) miljodir.no.

Vi ber deg om å sende søknad med vitnemål og attestar elektronisk gjennom Jobbnorge.

Merk søknaden 63-2019 LTR.

Søknadsfrist: 01.09.2019

Som IA-bedrift ønskjer vi ei balansert alders- og kjønnssamansetjing og å rekruttere fleire personar med redusert funksjonsevne og personar med innvandrarbakgrunn.

Det vil bli utarbeidt offentleg søkjarliste ved utløpet til søknadsfristen. Opplysingar om søkjaren kan bli offentleggjord sjølv om søkjaren har bedt om ikkje å bli ført opp på søkjarlista, jamfør offentleglova §25. Dersom oppmodinga ikkje vert etterkomme, skal søkjaren ha melding og bli gitt høve til å trekkje søknaden sin.

Her er lenke til vår personvernerklæring.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C3119

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Miljødirektoratet Trondheim

source: NAV