Stillingstittel:
Rådgivar/seniorrådgivar - analytikar - Eigarskapsavdelinga - NFD 10/16

Stillingsbeskrivelse:

Nærings- og fiskeridepartementet har ansvaret for å forme ein framtidsretta nærings- og sjømatpolitikk. Arbeidsområda femner om forvaltning og tilrettelegging for norsk næringsverksemd. Det gjeld mellom anna fiskeri- og havbruksnæringa, forskings- og innovasjonspolitikk, næringsutvikling, handelspolitikk, fremme av  eksporten, forenkling av reglar og skipsfartspolitikken. Departementet forvaltar også staten sine eigarandelar i ei rekkje selskap.

Jobbnorge ID: 125102

Hovudoppgåva til Eigarskapsavdelinga er å medverke til profesjonell forvaltning av staten sitt direkte eigarskap der målet er å oppnå størst mogleg avkastning over tid for staten og ei god og ansvarleg utvikling for selskapa. Avdelinga forvaltar staten sitt eigarskap i 23 selskap. Det gjeld store børsnoterte selskap som DNB, Telenor og Norsk Hydro, heileigde selskap som Statkraft og Flytoget og enkelte deleigde unoterte selskap. Eigarskapsavdelinga har også ei rolle som kompetanse- og ressursmiljø for den statlege eigarskapsutøvinga i det heile. Avdelinga arbeider med blant anna den strategiske og økonomiske oppfølginga av selskapa, vurderinga av og rekrutteringa til styra og praksisen for eigarstyring og selskapsleiing. Vi søkjer no ein engasjert person som er interessert i samspelet mellom politikk og næringsliv og som ønskjer å bidra til å vidareutvikle den statlege eigarskapsutøvinga.

 

Arbeidsoppgåver

Stillinga inneber analysebasert oppfølging av staten sitt eigarskap i 3-5 selskap, som medlem av interne investeringsteam samansett av analytikar, forvaltar og avdelingsdirektør. Arbeidsoppgåvene omfattar regnskaps- og resultatanalysar, prosjekt som gjeld endringar i eigarskap, kapitalstruktur, konsernstrategi eller andre eigarrelevante tilhøve, samt rapportering, dokumentasjon, sekretariatsoppgåver, bistand til politisk leiing, førebu generalforsamling m.m.

 

Kvalifikasjonar

Aktuelle kandidatar har økonomiutdanning på masternivå, gjerne med spesialisering i finans og/eller rekneskap og gjerne i tillegg kompetanse som finansanalytikar. Vidare trengst det minst to års relevant jobberfaring, til dømes frå finans, konsulentselskap og/eller analysearbeid i eit større selskap. Det vil bli lagt vekt på interesse for eigarrolla i skjeringspunktet mellom strategi, økonomi og politikk. Vi legg òg vekt på relevant IT-kompetanse, god skriftleg og munnleg framstillingsevne på norsk og engelsk, høgt presisjonsnivå og kapasitet til å levere høg kvalitet innafor korte fristar.

 

Vi tilbyr:

• Lønnsspenn: kr 423 800 - 711 800 (ltr. 49-60/60-77))
• Interessante og utfordrande arbeidsoppgåver i eit aktivt og engasjert arbeidsmiljø
• Kompetanseutvikling og fagleg oppdatering
• Heimekontorløysingar og trening i arbeidstida
• Fleksibel arbeidstidsordning og betalt overtid
• God låneordning til bustad gjennom Statens pensjonskasse (SPK)
• God pensjonsordning gjennom SPK
• Moderne kontorlokale i sentrum

Kopi av attestar og vitnemål som ikkje kan sendast elektronisk, skal sendast Nærings- og fiskeridepartementet, Postboks 8090 Dep, 0032 Oslo. Søknadsdokument blir ikkje returnerte.

Nærare opplysningar ved avdelingsdirektør Morten Strømgren tlf. 95 80 24 21

Søknadsfrist: 14. mai

Se annonsen og søk på stillingen www.jobbn

Minstelønn: 0

Maksimal lønn: 0

Arbeidsgiver Navn: Nærings- og fiskeridepartementet

Arbeidsgiver adresse: Kongensgate 8 0153 OSLO

Job kort beskrivelse: Policy administration professionals

Land: Norge

Region: Oslo

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år

GJELDER