Stillingstittel: Planleggingsleiar for E39 Byrkjelo - Grodås

Stillingsbeskrivelse:
Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.Org.nr.: Stillingsident: Presentasjon av stillingen :

Vil du styre planprosjekt i Statens vegvesen? Planseksjonen på Leikanger treng planleggingsleiar til utarbeiding av kommunedelplan med konsekvensutgreiing for strekninga Byrkjelo - Grodås. 

Regjeringa vedtok i 2014 at framtidig E39 skal følgje ei indre linje i Nordfjord. Ny E39 vil gi kortare E39 med mellom anna tunnel under Utvikfjellet, bru over indre del av Nordfjorden og veg og tunnel opp til Grodås. Der koplar ny E39 seg til Kvivsvegen nordover til Sunnmøre. Planlegginga av Byrkjelo-Grodås skal gjerast i eitt samanhengande stykke, og største del av kommuneplanarbeidet vil skje i 2016 og 2017. Heimeside E39 Byrkjelo - Grodås

Planseksjonen høyrer til ressursavdelinga i Region vest som totalt har eit samla fagmiljø med ca 300 medarbeidarar. Vi utfører veg-, gate- og tunnelplanlegging på store og små prosjekt i eigen regi eller ved bruk av konsulentar. Vi søkjer etter planleggingsleiar til vårt tverrfaglege planmiljø på regionkontoret på Leikanger. Planseksjonen på Leikanger har 20 medarbeidarar innan fagområda planleggingsleiing, veg, landskap, naturmangfald og arkeologi.

For å få utarbeidd kommunedelplan og konsekvensutgreiing for E39 dei komande to åra treng vi ein erfaren planleggar. Du vil også ha ansvar for god kommunikasjon med interne og eksterne samarbeidspartar og for innkjøp og styring av konsulentoppdrag.

Når planprosjektet er avslutta vil din kompetanse bli nytta på andre utfordrande oppdrag i regionen. Dette vil og vere tilfelle om planarbeidet skulle stoppe opp eller bli utsett.

Arbeidsoppgåver:

• Styre planprosjekt (planleggingsleiing)
• Vegplanlegging
• Kommuneplanlegging og reguleringsplanlegging 
• Konsekvensutgreiingar
• Engasjere og styre konsulentoppdrag

Kvalifikasjonskrav:

• Utdanning frå universitet eller høgskule, minimum 4 år på sivilingeniør- eller masternivå
• Ønskjeleg med erfaring som prosjektleiar/planleggingsleiar
• Erfaring frå fagområda arealplanlegging og planlegging/prosjektering av vegar og tunnelar
• Ønskjeleg med erfaring i bruk av dataverktøy (AutoCAD, NovaPOINT, GisLine, ArcGis, m.fl.)
• Førarkort kl. B

Det må påreknast noko reiseaktivitet på oppdrag i regionen.

For kandidatar med sterk og allsidig praksis frå dei aktuelle fagområda og med gode personlege føresetnader for stillinga, kan ein fråvike kravet til utdanning.

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).

Vi ynskjer at du:

• Er glad i faget ditt og resultatorientert
• Kan styre, koordinere og samordne oppgåver
• Er god til å samarbeide med andre
• Er analytisk og kan sjå problemstillingar frå fleire vinklar
• Er flink til å uttrykke deg skriftleg og munnleg på norsk

Minstelønn: 0

Maksimal lønn: 0

Arbeidsgiver Navn: Statens vegvesen Region vest

Arbeidsgiver adresse: Askedalen 4 6863 LEIKANGER

Job kort beskrivelse: Civil engineering technicians

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år