Aurland ligg fint til ved Sognefjorden, sentralt ved E16 mellom Oslo og Bergen. Vi er omlag 1760 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge og gode oppvekstkår, mangfald i næringsliv og kultur, tomte- og bustadutvikling og god tenesteyting.

Vi skal tilsette tenesteleiar/styrar ved Vangen barnehage. Stillinga er 100% fast og ledig for snarleg tilsetjing. Stilllinga er ei kombinert leiarstilling og fagstilling. Dette inneber at styrar må pårekne at inntil 40% av stillinga vil vere arbeid ved avdelingane.

Vangen barnehage er ein av to kommunale barnehagar i Aurland kommune. I tillegg til dei to kommunale barnehagar er det ein privat barnehage i kommunen. Aurland kommune praktiserer kontinuerleg opptak i barnehagane og har som mål å tilby barnehageplass til alle som ynskjer det. Kommunen planlegg bygging av ny barnehage. I løpet av august/september skal lokalisering av ny barnehage avgjerast. Ny barnehage vil erstatte Vangen barnehage.

Dei kommunale barnehagane i Aurland er med i Sogn regionråd sitt program for barnehage- og skuleutvikling "System for styrka læring". Gjennom utviklingsprogrammet deltek tilsette og leiing i barnehagane i regionale kompetanse- og fagnettverk. Det er etablert eit eige styrarnettverk i regionen.

Eit aktuelt satsingsområde i det regionale utviklingsprogrammet er tverrfagleg førebyggjande arbeid og psykisk helse. I tillegg vil st.melding 19 (2015-2016) "Tid til lek og læring" og ny rammeplan for barnehagane legg viktige føringar for korleis vi skal utvikle barnehagane våre framover.

Vi søkjer ein leiar i barnehagen som vil vere med å drive ein god og trygg barnehage, der både barn og vaksne skal trivast, utvikle seg og lære.

- Pedagogisk og fagleg drift, utvikling og samarbeid- Personaladministrasjon/personalansvar- Økonomi- Kvalitet og internkontroll- Deltaking i ulike samarbeidsforum

Aurland kommune er per tida organisert med to fullmaktsnivå. Desse er Rådmannen og tenesteleiar.

Tenesteleiar/styrar rapporterer til Rådmannen og har fagleg, pedagogisk og administrativt ansvar i barnehagen.

Utdanning som barnehagelærar/førskulelærar eller annen høgskoleutdanning, som gir barnefaglig og pedagogisk kompetanse, er eit krav for stillinga (jfr.barnehageloven § 17). Erfaring som leiar og leiarutdanning er ynskjeleg. Søkjarar utan leiarutdanning bør vere motivert for å gjennomføre slik utdanning/opplæring.

I tillegg til formelle kompetansekrav vektlegg vi at styrar skal vere tydeleg som leiar og ha utviklings- og relasjonskompetanse. Vi kan tilby rettleiing frå mentor.

Referansar bør mellom anna dokumentere samarbeidsevne, utviklings- og relasjonskompetanse.

Gyldig politiattest er eit krav for tilsetjing som tenesteleiar/styrar ved Vangen barnehage.

Aurland kommune nyttar nynorsk som skriftspråk. Vi føreset at du snakkar godt norsk og kan nytte nynorsk i skriftleg form.

Tilsetting, løn og arbeidsvilkår er i samsvar med gjeldande lovverk, reglement og tariffavtale. Offentleg tenestepensjon.

Vi forventar at våre leiarar skal etterleve kommunen sine verdiar:L - likeverd, Æ - ærlegdom og R - respekt i sitt daglege arbeid.

Aurland kommune nyttar elektronisk søkjeportal. Sjå "ledige stillingar" og link til søkjeportal for kommunale stillingar på kommunen si heimeside. Ders

Minstelønn: 0

Maksimal lønn: 0

Arbeidsgiver Navn: Vangen barnehage

Arbeidsgiver adresse: 5745 AURLAND

Job kort beskrivelse: Early childhood educators

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år