Høgskulen i Volda er høgskulen for human- og samfunnsvitskapane i Møre og Romsdal. Vi er ein spennande kompetanseorganisasjon i vekst med om lag 4000 studentar og 350 tilsette. Den faglege verksemda er organisert i fire avdelingar: Avdeling for kulturfag, Avdeling for humanistiske fag og lærarutdanning, Avdeling for samfunnsfag og historie og Avdeling for mediefag. Til campusen høyrer også ei avdeling av Møreforsking og Nasjonalt senter for nynorsk i opplæringa. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.

Det er ledig inntil 2 stillingar som Phd-stipendiat (doktorgradsstipend) ved Høgskulen i Volda.

Tema for doktorgradsprosjektet skal vere knytt til grunnskulelærarutdanning.

Stipendiatstillingane skal arbeide med forskingsområde som er relevant for dei nye 5-årige lærarutdanningane som startar opp i 2017. Høgskulen vil særleg ha behov for å knyte stipendiatar til pedagogikk/ spesialpedagogikk og fagdidaktikk innan matematikk, norsk, engelsk og samfunnsfag. Forskingsprosjekt innan didaktikk i andre fag i grunnskulen kan også vere aktuelle.

Ei stipendiatstilling er ei mellombels tilsetting på åremål. På fulltid er den tre år, eventuelt kan tilsettingsperioden forlengast til fire år, der 25 prosent av stillinga blir knytt til undervisning eller andre faglege gjeremål ved Høgskulen i Volda. Arbeidsstad er Høgskulen i Volda. Stipendiatane vert knytt til Avdeling for humanistiske fag og lærarutdanning eller ei av dei andre avdelingane som er involverte i lærarutdanningane ved Høgskulen i Volda.

Søkjarar må ha fullført mastergrads­utdanning eller tilsvarande når dei søkjer på stillinga. Søkjarane sine kvalifikasjonar og prosjektomtalar vert vurderte av eit sakkunnig utval. Fagleg erfaring eller forskingskompetanse utover mastergrad på det aktuelle fagfeltet vil bli vektlagt i vurderinga av søkjarane. Det vil også bli gjennomført intervju med aktuelle søkjarar. Vi gjer merksam på at dei doktorgradsgjevande institusjonane til vanleg stiller krav om gjennomsnittskarakter på B eller høgare  på masterstudiet for å få opptak.

Den som blir tilsett må søkje og bli tatt opp på eit godkjent nasjonalt eller internasjonalt doktor­gradsprogram før ein kan ta til i stillinga. Frist for å levere dokumentasjon på opptak er 6 mnd frå ein får tilbod om stillinga. Høgskulen kan hjelpe til med utviklinga av søknad om opptak på doktorgradsprogram. Stipendiaten vil kunne delta i forskingsfellesskap gjennom forskarskular som Høgskulen i Volda deltek i: NAFOL (Nasjonal forskerskole for lærerutdanning), RVS (The Research School Religion, Values and Society), NATED (National Graduate School in Education) og Grieg Research School in Interdisciplinary Music Studies.

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og å rekruttere personar med innvandrarbakgrunn. Høgskulen praktiserer moderat kjønnskvotering.

Tilsetjing skjer på dei vilkår som følgjer av lov om offentlege tenestemenn, regulativ, reglement og instruksar som til kvar t

Minstelønn: 0

Maksimal lønn: 0

Arbeidsgiver Navn: Høgskulen i Volda

Arbeidsgiver adresse: Joplassvegen 11 6103 VOLDA

Job kort beskrivelse: University and higher education teachers

Land: Norge

Region: Møre og Romsdal

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år