Stillingstittel:
Overlege - Fysikalsk medisin og rehabilitering (Ref.nr. 2016/1938)

Stillingsbeskrivelse:
Helse Møre og Romsdal HF er eit helseføretak under Helse Midt-Norge RHF og har ansvaret for den offentlege spesialisthelsetenesta i Møre og Romsdal. Verksemda omfattar sjukehusa i Volda, Ålesund, Molde og Kristiansund samt fleire omliggande institusjonar. Helseføretaket har om lag 4200 årsverk fordelt på 6500 tilsette, og gir eit differensiert tilbod innan dei fleste fagfelta i somatikk og psykisk helsevern. Hovudoppgåvene våre er pasientbehandling, utdanning av helsepersonell, forsking og opplæring av pasientar og pårørande. Vår visjon er å vere "På lag med deg for helsa di." Vi ønskjer kvalifiserte søkarar uavhengig av etnisk bakgrunn, kjønn eller alder. For å kunne vurdere fortrinnsrett til stilling, ber vi deg opplyse om dette i søknaden. Ved tilsetting i stillingar der det er krav om det, føreset vi at du leverer tilfredsstillende politiattest. Vi ønskjer ikkje kontakt med annonseseljarar. Les meir om oss på www.helse-mr.no

Arbeidsstad f.t. Klinikk for rehabilitering/Avdeling for fysikalsk medisin og rehabilitering Avdeling for fysikalsk medisin og rehabilitering har ledig eit vikariat i 100% stilling i perioden f.o.m. 01.05.2016 - 01.05.2017. Avdelinga har 5 overlegestillingar og 4 assistentlegestillingar. Avdelinga er godkjent som gruppe I- avdeling i høve til spesialistutdanning.

Arbeidsoppgåver

• Avdelinga har eigen sengepost med 14 senger. Det er i tilknyting til sengepost etablert to fulle tverrfaglege team med særleg ansvar for spesifiserte diagnosegrupper t.d. traumatisk hjerneskade, hjerneslag, spinalskadar, poliosequele, andre nevrologiske sjukdommar som til dømes MS og parkinson, multitraume, amputasjonar og komplekse fysikalsk medisinske tilstandar. Det er utvikla eit postakutt tilbod i høve pasientar med kognitive utfall. Det vert gjort tverrfagleg vurdering av kjøreevne på utvalgte pasientar med kognitive problem i samarbeid med lokal vegtrafikkstasjon.
• Avdelinga har ein omfattande poliklinikk med vekt på fysikalsk medisinske problemstillingar og samansette lidingar. Ein har eit særskilt behandlingstilbod for rygg- og skulder lidingar, samt kroniske muskelsmertesyndrom. Det vert drive nevropsykologisk utgreiing ved psykologspesialist.
• Vi samarbeider nært med andre avdelingar ved sjukehuset og har og eit nært samarbeid med ortopediingeniør og hjelpemiddelsentral.
• Avdelinga i Ålesund er kompetansesenter for spesialisert rehabilitering i Helseforetaket og har sekretæriatsfunksjon for felles Inntaksnemd som behandlar søknadar til seksjonane for rehabilitering ved Mork og Aure rehabiliteringssenter, 4 rehabiliteringsplassar ved nevrologisk avdeling Molde sjukehus, samt dei 14 plassane ved avdeling for fysikalsk medisin og rehabilitering ved Ålesund sjukehus.

Kvalifikasjonar

• Den som blir tilsett må ha gode kunnskapar i skandinavisk skriftleg og munnleg språk. Søkjaren må ha evne til å delta aktivt i tverrfagleg team.

Vi tilbyr

• Lønn etter overeinskomst

Arbeidssted:Ålesund sjukehus, 6026 ÅlesundKontaktinfo:Steinar Gjærde, Avdelingssjef, 70105743/90206140, steinar.gjerde (at) helse-mr.noNøkkelinformasjon:Annonsør: Helse Møre og Romsdal HFRef. nr.: 2016/1938Stillingsbrøk: 100%VikariatTal på stillingar: 1For elektronisk søknadsskjema:

GJELDER