Stillingstittel:
Nynorskpraktikant i NRK? - Nynorsk mediesenter (ref.nr. 2981023022)

Stillingsbeskrivelse:
NRK er Noregs største kringkastar og mediehus, med eit samfunnsoppdrag som er unikt i den norske mediemarknaden. NRK skal informere, opplyse, utfordre og underhalde nordmenn via TV, radio og nye medieplattformer. Våre grunnleggande verdiar er open, modig og truverdig. Basert på dette produserer NRK program om alle og for alle. Det er vår oppgåve å spegle heile Noreg. Derfor har vi medarbeidarar og kontor landet rundt.NRK er oppteken av mangfald og oppmodar kvalifiserte kandidatar til å søkje, uansett alder, kjønn, funksjonsevne eller kulturell BakgrunnNynorskpraktikant i NRK? - Nynorsk mediesenter

NRK Nynorsk mediesenter i Førde søkjer etter engasjerte ungdommar som brukar nynorsk og vil bli journalistar. Vi gjev opplæring og praksis i journalistikk og nynorsk som mediespråk for nett, radio og fjernsyn. Det 25. praktikantkurset startar 22. august 2016 og er ferdig 28. februar 2017. Det er fem plassar på kullet. Til denne tid har vi lært opp 115 nynorskpraktikantar, og 59 % av dei arbeider i media. 50 % er i NRK. Les meir: NRK Nynorsk mediesenter.Vi samarbeider med Nynorsk avissenter i Firda. Dei driv ei tilsvarande opplæring for avis og nett, og lyser ut det sjuande kullet med same søknadsfrist som oss. Dei har fire praktikantar på kvart kull.

Arbeidsoppgåver

• Det er ei svært praktisk opplæring, etter lære-med-å-gjere-det-metoden. Praktikantane lagar saker for nett, radio, SoMe og fjernsyn i den daglege produksjonen i redaksjonen.
• Dei lærer kva som er ei sak, å ta sjølvstendige val og arbeide under tidspress, med rettleiing frå faglærarar og kollegaer i NRK Sogn og Fjordane og andre NRK-redaksjonar.
• Praktikantane må lære dei arbeidsverktya NRK brukar.

Kvalifikasjonar

• For å bli nynorskpraktikant må du vere nynorskbrukar og ville bli journalist. Vi tek inn folk med ulike bakgrunnar og utdanningar, men det er eit minstekrav at du har fullført vidaregåande skule.
• Vi leitar fyrst og fremst etter talenta.
• Vi ynskjer søknader som fortel noko om søkjarane og kvifor dei søkjer. Viktig å legge attestar og vitnemål ved søknaden. Det er på grunnlag av alt dette vi kallar inn til intervju, språk- og studiotest.
• Det er ynskjeleg at praktikantane har førarkort.

Personlege eigenskapar

• Vi leitar etter engasjerte og godt orienterte folk, også med fleirkulturell bakgrunn.
• Dei må ha stå-på-vilje, like utfordringar og høgt tempo, og ha evne til å samarbeide og dele kunnskap med andre.
• Eit levande og godt språk og evne til å fortelje er viktig for å bli ein god journalist.

Vi tilbyr

• Seks månader løna opplæring og praksis i journalistikk og nynorsk som mediespråk for nett, radio og fjernsyn.
• Aktive NRK-journalistar som lærarar og spennande gjesteførelesarar.
• Det er ingen garanti om arbeid etterpå. Men etter avslutta opplæring vert nynorskpraktikantane rekna som interne søkjarar i NRK i tre år. Ved tilsettingar skal dei ha prioritet til stillingar dei er fullt ut kvalifiserte for.
• Språk: Nynorsk.
• NRK er omfatta av Offentleglova sine reglar om rett til innsyn i søkjarlister. Søkjarar som ikkje ynskjer namnet sitt offentlegggjort må grunngje kvifor. Dersom unntaket ikkje vert godteke, vert søkjar varsla og får høve til å trekke søknaden.

Arbeidssted:Pr

Minstelønn: 0

Maksimal lønn: 0

Arbeidsgiver Navn: NRK

Arbeidsgiver adresse: 6801 FØRDE

Job kort beskrivelse: Journalists

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år