Stillingstittel: Rådgjevar - samfunnstryggleik og beredskap

Stillingsbeskrivelse:

Fylkesmannen er statens representant i fylket, og har ansvar for å følgje opp vedtak, mål og retningslinjer frå Stortinget og Regjeringa. Fylkesmannen skal dessutan fremje fylket sine interesser, og kan dermed ta initiativ både lokalt og overfor sentrale styresmakter.

Jobbnorge ID: 122726

Fylkesmannen har ansvar for å samordne arbeidet med samfunnstryggleik og beredskap i fylket, og skal vere ein pådrivar og rettleiar for dette. Oppgåvene femner svært breitt. Kontakten med kommunane står sentralt, og Fylkesmannen skal særleg rettleie og drive tilsyn med oppfølginga av den kommunale beredskapsplikta. Den ledige stillinga er plassert i beredskapseininga i staben til Fylkesmannen.

 

Arbeidsoppgåvene vil mellom anna vere:

• Rettleie, kontrollere og føre tilsyn med kommunane si oppfølging av beredskapsplikta
• Planlegge, gjennomføre og evaluere øvingar
• Planlegge beredskapstiltak og delta i Fylkesmannen sin kriseorganisasjon
• Analysar av risiko og sårbarheit på fylkesnivå
• Delta i oppfølginga av Fylkesmannen sitt ansvar innan totalforsvaret
• Delta i andre samfunnstryggleiks- og beredskapsoppgåver, eller andre oppgåver i embetet

 

Kvalifikasjonskrav

• Minimum 3-årig høgskule/universitetsutdanning, fortrinnsvis innan samfunnstryggleik eller generelle samfunnsvitskaplege fag
• Søkjarar med mindre enn tre års utdanning vert òg vurdert, dersom utdanning og praksis er særleg relevant for stillinga
• Krav om god brukarkunnskap innan IKT
• Det er ein fordel med praksis frå arbeid med samfunnstryggleik og beredskap, og/eller offentleg forvalting.
• Må kunne tryggleiksklarerast

 

Personlege eigenskapar

• Samfunnsorientert
• Initiativrik og sjølvstendig person som har gode formidlings- og samarbeidsevner
• Gode evner til å arbeide analytisk og systematisk
• God skriftleg og munnleg framstillingsevne

 

Som tilsett hos Fylkesmannen får du:

• samarbeide med eit kunnskapsrikt og mangfaldig fagmiljø
• fagleg og personleg utvikling i ein organisasjon med både regionalt, nasjonalt og internasjonalt engasjement
• omfattande kontakt med kommunar og andre samarbeidspartar
• medlemskap i offentleg tenestepensjonsordning
• fleksibel arbeidstid

 

Stillinga er ledig frå no og har lønnsspenn mellom lønstrinn 52 og 62. For spesielt kvalifiserte søkjarar kan høgare lønn vurderast.

 

Fylkesmannen ønskjer mangfald, og vi oppmodar difor alle kandidatar som er kvalifiserte til å søkje utan omsyn til alder, kjønn, funksjonshemming, nasjonal eller etnisk bakgrunn. Du kan be om å ikkje bli ført opp på offentleg søkjarliste. Dersom vi likevel må ta deg med på lista, blir du varsla på førehand.

 

Spørsmål om stillinga kan du rette til fylkesberedskapssjef Haavard Stensvand telefon 57 64 30 10/915 77 432.

 

Søknadsfrist; 20. mars 

Se annonsen og søk på stillingen www.jobbnorge.no

Minstelønn: 0

Maksimal lønn: 0

Arbeidsgiver Navn: Fylkesmannen i Sogn og Fjordane

Arbeidsgiver adresse: Njøsavegen 2 6863 LEIKANGER

Job kort beskrivelse: Policy administration professionals

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år