id: MTkwMjE4MTIwMDAxOTUgMjYx

reference: 19021812000195

documentId: 19021812000195

connectionPointId: 261

Stillingstittel: Materiellteknikar, Ny-Ålesund, Svalbard (2 år)

Stillingsbeskrivelse:
Jobbnorge ID: 161974

Norsk Polarinstitutt

har ledig ei åremålsstilling i 2 år som materiellteknikar ved vår stasjon i Ny-Ålesund. Stillinga er organisert i operasjons- og logistikkavdelinga og rapporterer til operasjonsleiar Arktis i Longyearbyen.

Arbeidsoppgåver

Teknikaren skal delta i arbeidet med å gi forskarane best mogleg praktisk støtte. Dette inneber klargjering, utlevering, instruksjon i bruk, mottak og vedlikehald av alle typar feltutstyr. Teknikaren skal delta i det praktiske arbeidet med å førebu gjennomføringa av NPs ekspedisjonsverksemd i og rundt Ny-Ålesund, samt delta i drifta av stasjonen. Dette vil også kunne omfatte taubanedrifta på Zeppelinfjellet. I høgsesong (april - september) vil stillinga inngå i stasjonens vaktordning.

Kvalifikasjonar

Stillinga krev relevant utdanning som ingeniør, teknisk fagskole eller teknisk/mekanisk fagbrev. Utdanningskravet kan vike for søkarar med lang og allsidig praksis frå liknande arbeidsoppgåver, kombinert med kurs, etter- og/eller vidareutdanning.

Det er ønskeleg med arbeidserfaring innan logistikk, samt mekanisk og digital kompetanse. Det krevjast gyldig sertifikat for bil. Gyldig truckførarbevis (T1-T4), D5L-sertifikat (fritidsskipper), IMO-60 sertifikat, ROC-radio sertifikat, samt passasjer- og krisehandteringskurs er ønskeleg. Om du er sjøvant og har erfaring med våpen og feltarbeid på Svalbard vurderast dette som ein fordel. I løpet av dei 6 første månadene i stillinga må den som blir tilsette ta taubanesertifikat.

Vi søker ein person med gode kommunikasjons- og samarbeidsevnar. Det vil bli lagt stor vekt på søkarens personlege eigenskapar, og vi ønsker ein person som går godt inn i det allereie etablerte teamet i Ny-Ålesund. Det krevjast gode skriftlege og munnlege norsk- og engelskkunnskapar.

God fysisk form og helse er eit krav. Bestått legesjekk iht. NPs retningslinjer er ein føresetnad for gyldig arbeidsavtale.

Ytterlegare informasjon

Stillinga er ei 100% åremålsstilling i 2 år med høve til forlenging i ytterligare 2 år etter utlysing og søknad. Åremålsperioden kan berre fornyast ein gong.

Stillinga lønnast etter statens lønnsregulativ i kode 1085 avdelingsingeniør. For spesielt godt kvalifiserte søkarar kan lønn i kode 1087 overingeniør vurderast. I tillegg til lønn kjem polartillegg p.t. på kr 4.110,00 pr. månad og ei fast godtgjering for arbeid utanfor normal arbeidstid p.t. på kr 3.533,00 per månad. Svalbardskatt/folketrygdavgift utgjer f.t. 16,2 %. Det trekkast 2% til Statens Pensjonskasse.

Norsk Polarinstitutt dekker reise til/frå det norske fastlandet ved tilsetting/fråtreding i stillinga. Det ytes ei årleg fri reise, samt reiser mellom Ny-Ålesund og Longyearbyen etter instituttets reglement. Arbeidsgivar dekker losji og kost i messe. Frie reiser, samt fri kost og losji medfører fordelsskatting. Det er ikkje høve til å ha familie busett i Ny-Ålesund.

Den statlege arbeidsstyrken skal så langt råd er spegle mangfaldet i befolkninga. Vi oppmodar såleis alle kvalifiserte kandidatar med ulik utdannings-, arbeids- og livserfaring til å søke stillinga. Norsk Polarinstitutt er ei IA-verksemd. I dette ligg det bl.a. at vi vil leggje til rette arbeidsplassen dersom det er behov for det. Personer med innvandrarbakgrunn og kvinner oppfordrast til å søke stillinga.

Søknad

Spørsmål om stillinga kan rettast til operasjonsleiar Arktis Harvey Goodwin, goodwin (at) npolar.no, tlf. 79 02 26 14/924 54 456 eller materialforvaltar i Ny-Ålesund Jon Leithe, leithe (at) npolar.no, tlf. 79 02 74 05.

Søknadsfrist er 20. januar 2019.

Søknad med relevante kvalifikasjonar og erfaringar, CV, kopi av attestar og vitnemål, samt namn på minst tre referansar sendes elektronisk via www.jobbnorge.no. Vedlegg registrerast saman med søknaden i Jobbnorge.

All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter den nye offentleglova kan opplysningar om søkaren gjerast offentlege sjølv om søkaren har bede om å ikkje bli ført opp på søkarlista, jf. offentleglova § 25, andre leddet.

Vi ønskjer ikkje kontakt med annonseseljarar.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C3122

abstractJV_contact_0: See jobabstractJV_description

positionTypeCode: contract

contractTypeCodes_0: fulltime

Arbeidsgiver Navn: Norsk Polarinstitutt

source: NAV