Stillingstittel:
Ledige stillingar som førsteamanuensis/førstelektor i sjukepleie

Stillingsbeskrivelse:
Jobbnorge ID: 122155

Høgskulen i Sogn og Fjordane har to ledige faste stillingar som førsteamanuensis/førstelektor i sjukepleie frå 01.08.16. Stillingane er knytte til Avdeling for helsefag i Førde. Vi søkjer etter fagpersonar som er kvalifiserte til undervisning, rettleiing, forsking og fagutvikling i sjukepleiefaget i spesialist- og kommunehelsetenesta.

 

Avdeling for helsefag tilbyr spennande utfordringar i eit stimulerande arbeids- og fagmiljø i ei avdeling med stor vilje til utvikling og vekst. Avdelinga har 700 studentar, 35 fagstillingar og 7 administrative stillingar.

 

Avdeling for helsefag tilbyr bachelorstudium i sjukepleie, og vidareutdanningar innan anestesi- operasjons- og intensivsjukepleie, psykisk helsearbeid, psykososialt arbeid med barn og unge, helsepsykologi, rettleiing, akuttsjukepleie og rehabilitering, helsefremjing og velferdsteknologi for kommunehelsetenesta, aldring og eldreomsorg, og lindrande behandling, pleie og omsorg. Avdelinga tilbyr også masterstudium i samhandling innan helse- og sosialtenester.

 

Avdelinga sine satsingsområde for forsking og fagleg utviklingsarbeid er klinisk helsefagleg forsking med hovudvekt på helsefremming og livskvalitet relatert til langvarige og komplekse helseproblem, samt kvalitetsutvikling og samhandling i helsetenesta si klientretta verksemd. Høgskulen har i samarbeid med Helse Førde etablert Senter for helseforsking i Sogn og Fjordane. I tilknyting til senteret er det etablert fleire forskingsgrupper. Avdelinga prioriterer kompetanseoppbygging for våre tilsette og vidareutvikling av aktivitet knytt til internasjonalisering, oppdragsverksemd og forsking.

Arbeids og ansvarsområde

Arbeidet omfattar teoretisk undervisning, rettleiing i praksisstudium, planlegging, samt forsking og fagleg utviklingsarbeid knytt til emne innan bachelor-, master og vidareutdanningar. Ein kan få arbeidsoppgåver innanfor fleire område av sjukepleie- og helsefag. Søkjar må ha sertifikat for bil.

 

Kvalifikasjonar

For tilsetjing som førsteamanuensis er kravet doktorgrad eller vitskapleg kompetanse på tilsvarande nivå. For tilsetjing som førstelektor er kvalifikasjonar som NOKUT sine krav. For alle stillingar er kravet autorisasjon som sjukepleiar, relevant klinisk erfaring og dokumentert relevant praktisk-pedagogisk kompetanse på grunnlag av utdanning eller undervisning og rettleiing.

 

Ved rangering av søkjarane blir det lagt vekt på formell kompetanse, dokumentert forskingsinnsats og utgreiingsarbeid innan relevante fagområde, samt undervisningserfaring. Avdelinga forventar at tilsette deltek i systematisk kompetanseoppbygging i samsvar med avdelinga sine behov. Den som vert tilsett må kunne arbeide sjølvstendig, vere fleksibel, ha evne til omstilling, ha gode skriftlege og munnlege kommunikasjonsevne og gode samarbeidsevner.

 

Dersom det ikkje melder seg kvalifiserte søkjarar, kan høgskulen tilsetje som høgskulelektor, då er kravet hovudfag/mastergrad frå universitet/høgskule. Kompetanse og klinisk erfaring vert vektlagt i stillingane.

 

Tilsetjingsvilkår

Stillingane er løna etter Statens lønsregulativ for førsteamanuensis/førstelektor/høgskulelektor etter ansiennitet og kompetanse. Høgskulen har tenestepensjonsordning med lovfesta trekk av løna til Statens pensjonskasse, og fleksible arbeidsvilkår. Tilsetjing skjer på dei vilkår som følgjer av Lov om statens tenestemenn og dei reglement som til ei kvar tid gjeld i høgskulen.

 

Minstelønn: 0

Maksimal lønn: 0

Arbeidsgiver Navn: Høgskulen i Sogn og Fjordane

Arbeidsgiver adresse: Postboks 133 6851 SOGNDAL

Job kort beskrivelse: University and higher education teachers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år