Høgskulen i Sogn og Fjordane har frå 01.08.2016 ledig stilling som professor, eventuelt førstestilling i idrett. Stillinga er organisatorisk knytt til Institutt for idrett, som igjen er knytt til Avdeling for lærarutdanning og idrett i Sogndal.

Avdeling for lærarutdanning og idrett har omlag 900 studentar. Det er 90 fagstillingar på avdelinga. Avdelinga tilbyr grunnskulelærarutdanningar, førskulelærarutdanning, tre bachelor-utdanningar i idrett, tre masterstudium, praktisk- pedagogisk utdanning (PPU) og vidareutdanningsstudium.

Institutt for idrett har vel 30 tilsette, og vel 300 studentar. Dei tre bachelor-studiane i idrett er "Bachelor Idrett og Kroppsøving", "Bachelor Idrett, fysisk aktivitet og helse", og "Bachelor Friluftsliv». I tillegg har instituttet mastergradstudium i idrettsvitskap gjennom eit samarbeid med Norges Idrettshøgskule. Instituttet har høg og aukande FoU-intensitet.

Arbeids - og ansvarsområde

Du som vert tilsett skal bidra i utviklinga av instituttet, spesielt innanfor idrettspedagogikk og samfunnsfaglege emne. I rolla ligg ansvar for å:

• planlegge og gjennomføre undervisning/rettleiing på bachelor og masternivå
• rettleie PhD-stipendiatar (med arbeidsstad Institutt for idrett)
• forsking og formidling innan fagområdet
• delta i forskingsgrupper og søke forskingsmidlar både internt og eksternt
• bidra til å fremje høg forskingskvalitet
• delta i nasjonale og internasjonale forskingsnettverk

Kvalifikasjonar

Du må ha professor- eller 1. kompetanse. Ved tilsetjing legg vi vekt på formell kompetanse og undervisningserfaring frå høgare utdanning, dokumenterte undervisnings- og FoU-resultat, personlege eigenskapar som evne til å arbeide i team, og med høgt fagleg engasjement.

For tilsetjing som førsteamanuensis er krava norsk doktorgrad eller vitskapleg kompetanse på tilsvarande nivå. For tilsetjing som førstelektor er krava kvalifikasjonar som samla er på nivå med førsteamanuensis, men vurderinga byggjer på eit breiare grunnlag.

Søkar vert oppmoda om å peike på særlege forskingsinteresser i søknaden.

Tilsetjingsvilkår

Stillinga er lønna etter Statens lønsregulativ som professor (eventuelt som førsteamanuensis/førstelektor) etter kompetanse og ansiennitet. Høgskulen har tenestepensjon og frå brutto løn vert trekt lovfesta innskot til Statens pensjonskasse.

Den statlege arbeidsstyrken skal spegle mangfaldet i samfunnet. Det er difor eit personalpolitisk mål å få mest mogleg jamvekt mellom kvinner og menn og mellom eldre og yngre. Vi ønskjer og å rekruttere personar med innvandrarbakgrunn. Arbeidsspråket er norsk.

Tilsetjing skjer på dei vilkåra som følgjer av lov om statens tenestemenn og dei reglementa som gjeld i Høgskulen.

I følgje ny offentleglov kan opplysningar om søkjaren offentleggjerast sjølv om søkjaren har bedt om ikkje å bli ført opp på søkjarlista, men ikkje utan at søkjaren er varsla.

Meir informasjon får du hos dekan Wiggo Hustad, wiggo.hustad (at) hisf.no, tlf 971 98 787 eller instituttleiar Kari Aaberge, kari.aaberg

Minstelønn: 0

Maksimal lønn: 0

Arbeidsgiver Navn: Høgskulen i Sogn og Fjordane

Arbeidsgiver adresse: Postboks 133 6851 SOGNDAL

Job kort beskrivelse: University and higher education teachers

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år