Stillingstittel:
Ledig stilling som ingeniør - teknisk drift og IT

Stillingsbeskrivelse:

Havforskingsinstituttet er eit av Europas største marine forskingsmiljø. Vi har ca. 750 tilsette og ei rekkje forskingsfasilitetar av høg internasjonal standard. Havforskingsinstituttet eig og driftar seks forskingsfartøy. Vi har hovudkontor i Bergen, avdeling i Tromsø og forskingsstasjonar i Matre, Austevoll og Flødevigen.

Jobbnorge ID: 122959

Ved forskingsstasjonen vår i Austevoll har vi ledig fast stilling som ingeniør innan teknisk drift og IT. Stasjonen har analyselaboratorium og biologiske laboratorium både på land og sjø. Forskingsverksemda er i hovudsak knytt opp til arbeid med marine artar av fisk og skaldyr.

Stillinga er knytt til Avdeling for teknisk infrastruktur, der Teknisk driftsgruppe mellom anna har ansvar for drift av forskingstekniske anlegg og utstyr, inklusiv overvakingsutstyr. Stillinga vil også ha oppgåver knytt til lokale helpdesk-funksjonar innan IT.

Arbeidsoppgåver:

• Drifts- og serviceoppgåver knytt til forskingstekniske anlegg og utstyr som varme-/kjøleanlegg, sjøvassforsyningsanlegg, fôringssystem, alarm- og overvakingsutstyr, elektroniske apparat, loggeutstyr, transportutstyr (bil, truck, småbåt), samt innkjøp av elektroniske hjelpemiddel.
• Lokalt IT-ansvar som innkjøp, service og installasjon av PC-ar og mobilt kommunikasjonsutstyr, samt drift av lokale serverar og nettverk.

Felt-/toktarbeid og anna reiseverksemd kan påreknast, samt deltaking i kompenserte vaktordningar og helgearbeid etter oppsett arbeidsplan.

Kvalifikasjonar:

• Relevant, fortrinnsvis høgare akademisk utdanning frå universitet eller høgskule, evt. lågare akademisk utdanning tilsvarande bachelorgrad.
• Fortrinnsvis relevant arbeidserfaring innan data, elektronikk eller automasjonsfag.
• Lengre arbeidserfaring innanfor det aktuelle fagområdet kan kompensere for utdanningskravet.
• Du må ha gode kunnskapar innan data- og nettverksystem, Windows og Microsoft Office.
• Du må kunne norsk og engelsk skriftleg og munnleg.
• Du må ha førarkort for personbil (klasse B). Det er òg ønskjeleg med truckførar- og båtførarbevis.

Den som vert tilsett må kunne arbeide nøyaktig og sjølvstendig, men samtidig som del av eit team. Vi legg derfor vekt på gode samarbeidsevner, at søkjaren er fleksibel og at vedkommande trivst i eit hektisk arbeidsmiljø. Vi tilbyr eit utfordrande og skapande arbeidsmiljø i eit forskingsinstitutt med mykje internasjonal kontakt.

Stillinga vert løna som 1087 overingeniør etter Statens lønsregulativ. Frå bruttolønna blir det trekt 2 % innskot til Statens pensjonskasse.

Ønskjer du meir informasjon? Kontakt gruppeleiar Jorunn Sanden, e-post jorunn.sanden (at) imr.no, tlf. 995 24 669. Se også nettsida vår www.imr.no.

Havforskingsinstituttet er ei IA-verksemd som er oppteken av mangfald. Vi oppmodar alle kvalifiserte kandidatar til å søkje stillinga.

Vi gjer merksam på at opplysningar om søkjaren kan bli gjort offentlege sjølv om søkjaren ber om ikkje å bli ført opp på søkjarlista. Søkjaren vil bli orientert om dette i forkant.

Søknad skal sendast elektronisk via link på denne sida med CV, relevante attestar og vitnemål.

Søknadsfrist: 29. mars 2016

Se annonsen og søk på stillingen

GJELDER