Stillingstittel:
Kommunikasjonsrådgjevar ved Nynorsksenteret - st. nr. 38/2016

Stillingsbeskrivelse:

Høgskulen i Volda er høgskulen for human- og samfunnsvitskapane i Møre og Romsdal. Vi er ein spennande kompetanseorganisasjon i vekst med om lag 4000 studentar og 350 tilsette. Den faglege verksemda er organisert i fire avdelingar: Avdeling for kulturfag, Avdeling for humanistiske fag og lærarutdanning, Avdeling for samfunnsfag og historie og Avdeling for mediefag. Til campusen høyrer også ei avdeling av Møreforsking og Nasjonalt senter for nynorsk i opplæringa. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.

Jobbnorge ID: 126865

Ved Nasjonalt senter for nynorsk i opplæringa, Nynorsksenteret, ved Høgskulen i Volda, er det ledig eit engasjement som kommunikasjonsrådgjevar i 50 % stilling frå 1.8.2016 til 31.7.2017.

Nynorsksenteret ynskjer å prioritere det utoverretta arbeidet vårt det komande året, slik at ressursane våre blir meir kjende og meir brukte av målgruppene våre. Vi vil difor engasjere ein medarbeidar med utdanning i journalistikk og/eller røynsle frå arbeid i ein medieredaksjon.

Nynorsksenteret er aktive på Facebook, vi har eigen blogg med faglege innlegg og vi gir ut eit eige meldingsblad. Den som blir tilsett, vil få hovudansvaret for desse publiseringskanalane. Han eller ho skal også følgje opp anna utoverretta arbeid. I tillegg vil det vere aktuelt å delta i planlegging og gjennomføring av dei faglege prosjekta for senteret sine målgrupper.

Den som blir tilsett må vere stødig nynorskbrukar. Det vil også bli lagt vekt på personlege eigenskapar. Søkjarar kan bli kalla inn til intervju.

Nynorsksenteret har 11 tilsette og er eit ressurssenter for nynorsk i grunnopplæringa. Senteret skal medverke til kompetanseutvikling og tilby støtte og rettleiing i arbeidet med motivasjon for og læring av nynorsk. Senteret er ansvarleg overfor Utdanningsdirektoratet i faglege spørsmål og Høgskulen i Volda i administrative spørsmål. Målgrupper for senteret sitt arbeid er primært lærarar, barnehagelærarar, lærarstudentar, skuleleiarar, lærarutdannarar, forskarar og læremiddelutviklarar. Verksemda er basert på forskings-, forsøks- og utviklingsarbeid. Nynorsksenteret samarbeider med fagmiljøa ved Høgskulen i Volda, særleg Avdeling for humanistiske fag og lærarutdanning. Senteret skal arbeide i nettverk både lokalt, nasjonalt og internasjonalt.

Vi kan tilby eit spanande arbeidsmiljø med høve til fagleg og personleg utvikling og gode pensjonsordningar.

Søkjaren må ha gode norsk- og engelskkunnskapar, både skriftleg og munnleg. Administrasjonsspråket ved høgskulen er norsk. Søkjarar kan verte kalla inn til intervju. Personlege eigenskapar vert vektlagt.

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Stillinga er løna etter kvalifikasjonar i statens lønsregulativ, l&os

Minstelønn: 0

Maksimal lønn: 0

Arbeidsgiver Navn: Høgskulen i Volda

Arbeidsgiver adresse: Joplassvegen 11 6103 VOLDA

Job kort beskrivelse: Public relations professionals

Land: Norge

Region: Møre og Romsdal

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år