Stillingstittel: Kommuneoverlege (16/2640)

Stillingsbeskrivelse:
Ålesund er hovudstaden i Møre og Romsdal med snart 47.000 innbyggarar. Kommunen er eit kraftsenter for Sunnmøre med ein bu- og arbeidsregion på 145.000 innbyggarar. Ålesund har landets største eksporthamn av fisk og fiskeprodukt og har elles eit rikt og allsidig næringsliv fullt av optimistar. Byen Ålesund vert av mange halden for å vere den vakraste byen i Noreg. Naturen rundt, med Sunnmørsalpane og havet tett innpå, gir fantastiske mulegheiter for friluftsaktivitetar.I arbeidet med kommunereforma er Ålesund og 9 kommunar samde om ein intensjonsavtale for ei regionkommune med 95.000 innbyggarar, og med mottoet "Regionkommune Sunnmøre. Nasjonal slagkraft, regional attraktivitet og lokal identitet".Vil du vere med å utvikle byen, kommunen og regionen vår og vere med å legge grunnlaget for vidare utvikling av dei gode helsetenestene vi har, så er dette ei stilling for deg. Vi ynskjer at innbyggarane våre skal oppleve at kommunen leverer "innbyggaren si helseteneste".Det er ledig 100 % fast stilling som kommuneoverlege.Vi ynskjer ein kommuneoverlege som vil tenkje nytt, vere tydeleg, kan motivere og gjennomføre, kan samarbeide med andre og få folk med seg. Kommunen får stadig nye og større oppgåver innan helse og omsorg, og legetenesta må utvikle seg i takt med de øvrige tenestene. Vi er difor på jakt etter deg som er samhandlingsorientert og som likar å arbeide tverrfagleg.Ålesund kommune har per i dag to årsverk som kommuneoverlege i rådmannens stab, herunder interkommunal avtale med 50 % til Haram kommune. Årsverka har i lang tid vore delt i deltidsstillingar, og vi har no eit sterkt ynskje om å tilsette ein kommuneoverlege i full stilling som skal ha ei koordinerande rolle for kommuneoverlegefunksjonen. Staben har også 1,2 årsverk for teknisk hygienisk ingeniør innan miljøretta helsevern.Kommuneoverlegen er kommunen sin medisinskfaglege rådgivar etter Helse- og omsorgslova med dei oppgåver som fylgjer av den, og har oppgåver etter Folkehelselova inkludert beredskapsarbeid og saksbehandling innan miljøretta helsevern. Vidare har kommuneoverlegefunksjonen ansvar som fylgjer av Smittevernlova. Oppfylgjing av fastlegeordninga, offentleg allmenn legeteneste, Ålesund interkommunale legevakt/overgrepsmottak og interkommunal ØHD-avdeling ligg ikkje til stillinga, og er lagt til kommuneoverlegar utanfor rådmannens stab.Overgang til ei større regionkommune som fylgje av kommunesamanslåingar kan føre til endring i arbeidsoppgåvene.Vi søkjer etter lege med norsk autorisasjon, erfaring frå offentleg saksbehandling, god skriftleg og muntleg uttrykksevne på norsk og som primært er spesialist i samfunnsmedisin. Lønn etter avtale.For nærare opplysingar:Kontakt kommunalsjef Liv Stette tlf. 70 16 20 13 eller teamleiar Håvard Overå tlf. 70 16 28 40.Søknadsfrist: 22. mai 2016.Søk stilling

Minstelønn: 0

Maksimal lønn: 0

Arbeidsgiver Navn: Ålesund kommune

Arbeidsgiver adresse: 6025 ÅLESUND

Job kort beskrivelse: Generalist medical practitioners

Land: Norge

Region: Møre og Romsdal

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år