Universitetsmuseet i Bergen har forsking, samlingsforvalting og formidling som kjerneoppgåver. Museet har fagfelta antropologi, arkeologi, kunst- og kulturhistorie, botanikk, geologi og zoologi. Til museet ligg og ansvaret for utgravingsverksemda i medfør av Kulturminnelova, samt for Arboretet og to botaniske hagar. Universitetsmuseet har omfattande vitskaplege samlingar og er eit nasjonalt formidlingssentrum. Museet har om lag 120 årsverk. Nærare informasjon om museet finn ein her: http://www.uib.no/universitetsmuseet.

Ved Universitetsmuseet, Avdeling for naturhistorie er det ledig ei mellombels stilling som gartnar (forskingsteknikar) til Arboretet og de botaniske hagar. Stillinga er mellombels for eit år med mulegheit for lenging.

Arboretet og de botaniske hagar inneheld tre ulike hageanlegg. Muséhagen som ligg i Bergen sentrum og Arboretet og Botanisk hage som ligg 23 km lengre sør. Muséhagen omkransar Naturhistorisk museum, i hjartet av Universitetet i Bergen. Hagen som vart opna i 1899 er på om lag 15 dekar, og var tidlegare museets botaniske hage. Den nå eit freda kulturminne. Her fins bl.a. gamle historiske tre, ein alpehage, ein nytteveksthage og eit tropisk plantehus. På Milde utgjer anlegga til saman over 600 mål og her finns 5000 planteslag frå heile verda. Botanisk hage inneheld vitskaplege samlingar av planteartar frå ulike delar av verda, med ein innhaldsrik fjellhage, ein nytteveksthage og ein japansk hage. Trua eller sårbare artar i norsk natur tas vare på i Botanisk hage. Arboretet har Norges største rosesamling, Nordens største rhododendronsamling, lynghage og andre samlingar av treaktige plantar. I tillegg til hageanlegga, finst det på Milde eit veksthusanlegg for formeiring og dyrking, for overvintring av plantar frå dei ulike anlegga og for ivaretaking av historiske hageplantar.

Dei levande plantesamlingane vert brukt i forsking, formidling, undervising og rekreasjon. Her formidlast kunnskap om plantar og plantemangfald og behova for at mangfaldet vert tatt vare på. Alle hagane er godt lagt til rette for publikum med vegar og stiar og er godt besøkte gjennom heile året. Seksjonen har 22 fast tilsette. Av desse er tre vitskaplege stillingar. I sommarsesongen er det ein del mellombels tilsette i anlegga. Du kan lese meir om seksjonen og verksemda på http://www.uib.no/arboretet.

Arbeidsoppgåver

Du skal delta i den daglege drifta i Muséhagen. Dette inneber stell, drift og vedlikehald av hageanlegg og plantehus. Det ligg og til oppgåvene å delta i noe informasjonsarbeid mot publikum som nyttar hagen. Arbeidet vert utført ute heile året.

Den som vert tilsett vil verta pålagt å ta del i vaktordning, ha noko arbeidsleiing samt vere steds fortredar når ansvarleg gartnar ikkje er til stades. Du rapporterar til ansvarleg gartnar i Muséhagen.

Kvalifikasjonar og eigenskapar

Vi søkjer etter ein gartnar

• med fagbrev, med fullført utdanning eller med tilsvarande kompetanse.

• med erfaring frå produksjon av ulike planteslag i veksthus og ute i hage er eit krav.

• med god kunnskap om og interesse for plantar er ein føremon.

• som har førarkort for bil og traktor og erfaring frå arbeid med ulike maskinar. God erfaring med bruk av motorsag tel positivt.

• med god helse, da arbeidsoppgåvene kan til tider vere fysisk tunge.

• 
  Minstelønn: 0
  
  Maksimal lønn: 0
  
  Arbeidsgiver Navn: Universitetet i Bergen
  
  Arbeidsgiver adresse: Christiesgt. 18 5020 BERGEN
  
  Job kort beskrivelse: Gardeners, horticultural and nursery growers
  
  Land: Norge
  
  Region: Hordaland
  
  Kilde til jobbtilbud: NAV, Offentlige arbeidsformidlinger, Norge
  
  Hvordan søke: Annet - se fritekst
  
  Lønn valuta: NOK
  
  Lønn periode: Pr. år
  
  
  GJELDER