Stillingstittel: Forskar (mellombels)

Stillingsbeskrivelse:

 

Jobbnorge ID: 125387

Ved Det medisinsk-odontologiske fakultet, Klinisk institutt 2 er det ledig ei mellombels stilling som forskar (100 %) for ein periode på 16 månader frå 1.09.2016 til 31.12.2017. Stillinga er knytt til prosjektet "INFECT", finansiert av EU Framework Program 7 (www.fp7infect.eu).

 

Prosjekt

Prosjektet har som hovudfokus å auke forståinga av den kliniske utviklinga av nekrotiserande infeksjonar i mjukdelar hjå menneske, nytta av diagnostiske tiltak, effekt av behandling, prognose og dei patofysiologiske mekanismane ved sjukdomane. Nokre av hovudoppgåvene i prosjektet er å identifisere pasientar der kirurgisk behandling er turvande og inkludere desse i studien med tanke på å samle inn pasientdata, operasjonsmateriale og blodprøvar, samt mikrobiologiske prøvar.

Prosjektet er leia av Karolinska Institutet Huddinge, Universitetet i Bergen er studiepartnar. Andre prosjektrelaterte delstudiar av alvorlege streptokokkinfeksjonar vil bli gjennomførte.

 

Arbeidsstad vil vere ved Klinisk institutt 2, Universitetet i Bergen.

 

Hovudoppgåver

Arbeidsoppgåver lagt til stillinga inkluderer pasientkontakt og vurderingar, gjennomgang av journaldata frå elektronisk pasientjournalsystem, deltaking i prøvetaking, handsaming av biobankmateriale og prosjektrelevant laboratoriearbeid ved instituttet.

 

Nærare opplysningar om stillinga kan ein få ved å vende seg til seksjonsoverlege, 1.amanuensis II Steinar Skrede på e-post: steinar.skrede (at) helse-bergen.no eller tlf.: 55977694

 

Kvalifikasjonar og eigenskapar

• Det er krav om at søkjaren er cand.med og er spesialist i indremedisin og

  infeksjonssjukdomar, eller cand.med og i ein stilling som ledar til slik autorisering som nemnd over.

• Det er ønskjeleg at forskaren har erfaring frå pasientnær forsking gjennom kliniske

  studiar. Praktisk erfaring frå infeksjonsmedisinsk epidemiologisk forsking, handsaming av pasientdataprogram og praktisk laboratorieerfaring med innsamling av biologisk materiale frå pasientnær infeksjonsmedisinsk/mikrobiologisk forsking vil bli tillagt stor vekt.

• Søkjar må vere særs god i norsk munnleg og skriftleg, då arbeidet inkluderer

  pasientvurderingar og inkludering av pasientar i studiesamanheng etter innlegging ved Haukeland universitetssjukehus.

• Det vil bli lagt stor vekt på personlege eigenskapar. Du må vere sjølvstendig, kunne

  samarbeide med andre, vere motivert og ansvarsmedviten, og i tillegg ha stor

  arbeidskapasitet og entusiasme for forsking.

Vi kan tilby

• Eit godt og utfordrande arbeidsmiljø i forskingsfronten innan studiar av infeksjonar i mjukdeler, sjukdomar forårsaka av streptokokkar, infeksjonsepidemiologi og

  infeksjonspatogenese

• Løn etter lønssteg 49-61 (kode 1108/LR25.3) i lønsregulativet til staten ved tilsetjing. Vidare opprykk skjer etter tenesteansiennitet i stillinga

• Medlemskap i Statens Pensjonskasse

• Stilling i ei inkluderande arbeidslivsverksemd (IA-verksemd)

• Gode velferdsordningar

Her kan du lese meir om kva UiB kan tilby: http:/

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: 5020 BERGEN

Job kort beskrivelse: Specialist medical practitioners

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år