Stillingstittel: Stipendiat i medievitenskap

Stillingsbeskrivelse:

Jobbnorge ID: 127501

Ved Institutt for informasjons- og medievitskap, UiB, er det ledig ei stipendiatstilling i medievitskap for 4 år med fagleg innretting mot medieestetikk. 25 % av samla tilsettingstid er arbeidsplikt som skal utførast ved instituttet.

Institutt for informasjons- og medievitskap blei etablert i 2004, gjennom ein samanslåing av Institutt for informasjonsvitskap og Institutt for medievitskap. Instituttet har omlag 50 vitskaplege stillingar, av desse er omlag 20 doktorander og postdoktorar. I 2017 opnar instituttet ei avdeling i medieklynga Media City Bergen. Her vert det nye fasilitetar for undervisning og forsking innan praksisnære mediefag og teknologi, mellom nye studietilbod innan fjernsynsproduksjon, manusutvikling og interaksjonsdesign.

 

Forskingsprofilen ved instituttet er kjenneteikna dels av det tverrfaglege møte mellom medie- og informasjonsvitskap, dels av disiplinspesifikke forskingstradisjonar. Den medievitskaplege forskinga ved instituttet er knytt dels til human- og tekstvitskaplege tradisjonar med vekt på historiske studiar, og dels til samfunnsvitskaplege metodar og teoridanningar. Medievitskap studerer, med ulike tilnærmingar og metodar, medie- og kommunikasjonsteknologiar, deira historiske, aktuelle og moglege føresetnader og funksjonar for individ, grupper, institusjonar og samfunn - og deira estetiske og innhaldsmessige aspekt.

 

Den som vært tilsett vil bli knytt til forskingsgruppa i Medieestetikk. Med utgangspunkt i dei humanvitskaplege områda av medievitskapen, arbeider gruppa med analyser av medienes tekster på ulike nivå, t.d. bildespråk i kunst og populærkultur, film og fjernsyn, dataspill, politisk retorikk, sjangre, medieteknologiar og interaksjonsformar. Forskingsgruppa har særskilt interesse i det tverrfaglege feltet visuell kultur, og er vertskap for eit forskingsrådsfinansiert prosjekt om dataspill.

Vi ynskjer velkomne søkjarar med prosjekt som kan bidra til å styrke forskingsgruppas aktiviteter innan desse områda.

Kvalifikasjonar

• Mastergrad innan medievitskap eller tilsvarande utdanning. Graden må vera avlagt innan søknadsfristen.
• Minstekrav for søkjarane skal normalt vere B, eller tilsvarande, både på masteroppgåva og for mastergraden som heilskap.
• Du må vere sjølvstendig, ha stor arbeidskapasitet og entusiasme for forsking.
• Nytte engelsk skriftleg og munnleg

 

Aktuelle kandidatar vil bli innkalla til intervju.

 

Om stipendiatstillinga:

Samla stipendiatperiode er 4 år. 25% av samla tilsettingstid er arbeidsplikt som skal utførast ved instituttet. Om du tidligare har vore tilsett i rekrutteringsstilling, kan det bli gjort frådrag i tilsetjingsperioden.

 

Om forskarutdanninga:

Som stipendiat skal du delta i eit godkjent utdanningsprogram for ein ph.d.-grad innanfor ei tidsramme på 3 år. For opptak til forskarutdanninga ved fakultetet må du ha fullført 5-årig mastergrad eller tilsvarande utdanning innan det fagområdet du vil bli knytt til.

 

Vi kan tilby:

• Løn etter lønssteg 50 (Lpl.17.515, st. kode 1017, LR20.8) ved tilsetjing. Vidare opprykk skjer etter tenesteansiennitet i stillinga

• Godt fagleg og sosialt miljø med høg kvalitet på forsking og undervising.
• Medlemskap i Statens pensjonskasse
• Stilling i ei inkluderande arbeidslivsverksemd (IA-verksemd)
• Gode trenings- og velferdstilbod.

 

Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: postboks 7802 5020 BERGEN

Job kort beskrivelse: University and higher education teachers

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Hvordan søke: Annet - se fritekst

Lønn valuta: NOK

Lønn periode: Pr. år