Ved Institutt for informatikk (www.uib.no/ii) er det ledig ei mellombels stilling som forskar innan algoritmar for ein periode på 3 år, med start 1. juli 2016. Stillinga er knytt til prosjektet «CLASSIS: The renaissance of graph classes - New algorithmic theory of forbidden induced subgraphs», finansiert av Forskingsrådet. Den som vert tilsett, vil arbeide med professor Pinar Heggernes. Målet med dette prosjektet er å utvikle ein ny algoritmisk teori av grafklassar basert på forbydde induserte delgrafar. Hovudforskingsområda er algoritmar og kompleksitet kombinert med grafteori og grafklassar.

Kvalifikasjonar og eigenskapar:

• Søkjarane må ha oppnådd doktorgrad eller tilsvarande innan søknadsfristen er ute.
• Søkjarane må ha røynsle frå arbeid innan følgjande område: algoritmar, grafklassar, enumerasjon, grafmodifiseringsproblem, parametriserte algoritmar, ekponensiell-tids algoritmar.
• Då arbeidsoppgåvene er krevjande er røynsle utover doktorgrad ein fordel.
• Brei bagrunn i grafteori og kombinatorikk er ein fordel.
• Søkjarane må meistre engelsk munnleg og skriftleg.

Vi kan tilby:

• eit godt og fagleg utfordrande arbeidsmiljø
• løn etter lønssteg 57 i statens regulativ (kode 1109) ved tilsetjing. Vidare opprykk skjer etter tenesteansiennitet i stillinga (lønssteg 57-65); for tida brutto NOK 483 700 - 560 700. For særleg kvalifiserte søkjarar kan det verte aktuelt å vurdere høgare løn.
• medlemsskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Søknaden skal innehalde:

• ei kort utgreiing om søkjaren sine forskingsinteresser og motivasjonen for å søkje stillinga
• namn og kontaktopplysningar til to akademiske referansar
• CV
• vitnemål
• relevante attestar
• liste over vitskaplege arbeid (publikasjonsliste)
• inntil 10 utvalde publikasjonar relevante til stillinga

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Søknadsfrist: 4. mai 2016

Generell informasjon

Utfyllande opplysningar om stillinga kan ein få ved å vende seg til professor Pinar Heggernes, e-post: pinar.heggernes (at) uib.no

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetning og rekruttere personar med innvandrarbakgrunn. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om det.

Nærare om tilsettingsprosessen her.
Minstelønn: 0

Maksimal lønn: 0

Arbeidsgiver Navn: Universitetet i Bergen

Arbeidsgiver adresse: Christiesgt. 18 5020 BERGEN

Job kort beskrivelse: Systems analysts

Land: Norge

Region: Hordaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år