id: MTIwOTE5MDIwMDA0NTggMjYx

reference: 12091902000458

documentId: 12091902000458

connectionPointId: 261

Stillingstittel:
Forskar i eksperimentell reservoarfysikk (mellombels)

Stillingsbeskrivelse:
Jobbnorge ID: 165610

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Forskar 

Ved Institutt for fysikk og teknologi er det ledig ei mellombels stilling som forskar i eksperimentell reservoarfysikk. Stillinga er for ein periode på eit år og er knytt til prosjektet «Nanoparticles to Stabilize CO2-foam for Efficient CCUS in Challenging Reservoirs» med støtte frå Noregs forskingsråd.

Om prosjektet/arbeidsoppgåver:

• Bruk av menneskeskapt CO2 for å auka utvinninga av olje og samtidig lagre CO2 er ein foreslått metode som kan redusere karbonavtrykket frå produksjon av fossile brensel. Hovudmålet med prosjektet er å etablere metodar for CO2 lagring i oljereservoar ved å ta i bruk nanopartiklar som stabilisator for danning av CO2-skum. Prosjektet er eit eksperimentelt studium av fleirfasestrøymingar og mobilitetskontroll ved bruk av CO2 skum. Hovudvekta av forskingsinnsatsen vil bli brukt på å forstå strømmings- og fortrengings-mekanismar for skum i oljereservoar.
• Eksperimentelle arbeidsoppgåver er høgtrykkforsøk i mikromodellar med fokus på CO2 skum og fortrengingsmekanismar i porøse material.

Kvalifikasjonar og eigenskapar:

• Søkjarar må ha oppnådd ph.d. - grad eller tilsvarande utdanning innanfor eksperimentell reservoarfysikk eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.
• Søkjarar må dokumentera erfaring frå høgkvalitets eksperimentelle studiar av fleirfase væskestraum i porøse media, til dømes med fyrsteforfattarskap i anerkjente vitskapelege journalar.
• Søkjarar må ha god erfaring frå bruk av avbildingsteknikkar som PET og CT med porøse prøvar, dokumentert kjennskap og erfaring i slike prosesser vil vera viktig for den eksperimentelle framdrifta av prosjektet.
• Søkjarar må dokumentera eksperimentell erfaring (artiklar eller PhD oppgåve) med injeksjon av CO2 på høge trykk i porøse mikromodellar med fokus innan CO2 skum og lagring sidan dette er ein viktig del av prosjektet.
• Søkjarar må kunne arbeide sjølvstendig, strukturert og ha gode samarbeidsevner. Evne til å kommunisere og leie mindre grupper av studentar vil vera viktig.
• Søkarar må ha gode engelskkunnskapar, skriftleg og munnleg.
• Søkjarar må ha gode norskkunnskapar.

Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.

Vi tilbyr:

• Eit godt og faglig utfordrande arbeidsmiljø
• Løn etter lønssteg 59 (kode 1109/lønsramme 24, alternativ 3) i lønsregulativet til staten ved tilsetjing. Dette utgjer for tida ei årsløn på kr 515 200,- brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga
• Namn og kontaktopplysningar til to referansepersonar, ein av desse må vere hovudrettleiaren frå doktorgradsutdanninga
• CV
• Karakterutskrifter og vitnemål, samt stadfesting på at doktorgradsavhandlinga er levert
• Relevante attestar
• Liste over vitskaplege arbeid (publikasjonsliste)
• Eventuelle publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til: Professor Martin Fernø, Institutt for fysikk og teknologi, Martin.Ferno (at) uib.no , tlf. +4755582792.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C2111

abstractJV_contact_0: See jobabstractJV_description

Arbeidsgiver Navn: Universitetet i Bergen

source: NAV