id: MDMzMTE5MDUwMDAzMTUgMjYx

reference: 03311905000315

documentId: 03311905000315

connectionPointId: 261

Stillingstittel: Avdelingsleiar Interne tjenester

Stillingsbeskrivelse:

Jobbnorge ID: 170824

Om stillinga

Arkivverket er ein kunnskapsorganisasjon med sterk fagkompetanse og lange tradisjonar. Arkiv og dokumentasjonsforvaltning er eit av områda som blir aller mest påverka av digitaliseringa av samfunnet. Arkivverket har vore gjennom ei betydeleg omorganisering for å stå betre rusta til å møte desse utfordringane.

Dei interne tenestene i Arkivverket består av fagområda HR, økonomi, eigedomsforvaltning og drift og den interne arkivtenesta. Avdelinga er delt inn i tre seksjonar. Avdelingsdirektøren må kunne handtere eit breitt spekter av oppgåver, frå forvaltning og drift av eit breitt fagområde til utviklings- og omstillingsarbeid. Som leiar av Interne tenester får du store moglegheiter til å påverke utviklinga i di eiga avdeling og i Arkivverket som heilskap. Du får ansvar for å leie og vidareutvikle avdelinga innanfor rammene og føringane som er gitt av strategiane og målstrukturane til Arkivverket. Du samarbeider med fagforeiningane, og du bidreg til godt arbeidsmiljø og samarbeid i avdelinga. Du motiverer medarbeidarane til å vidareutvikle kompetansen som er nødvendig for verksemda.

Arkivverket er inne i ein spennande omstillingsperiode, og det stiller nye krav til dei interne tenestene våre og drifta av organisasjonen. Det er krav til effektiv ressursbruk og ei tenesteutvikling tilpassa behova og kvalitetskrava til verksemda. Vi søkjer etter deg som ønskjer å vere med og utvikle dei interne tenestene i Arkivverket og har god organisasjonsforståing.

Avdelinga har 29 medarbeidarar fordelt på fem ulike arbeidsstader. Stillinga inngår i toppleiargruppa, og du rapporterer til riksarkivaren.

Vi ser etter deg som har

• høgare utdanning, helst på masternivå innanfor fagområda til avdelinga eller innanfor jus
• minimum fem års leiarerfaring, og gjerne erfaring frå å vere del av ei etatsleiargruppe
• erfaring frå sentrale delar av fagområda til avdelinga
• erfaring frå å leie omstillings- og/eller endringsarbeid
• kjennskap til fagområda

Vi ønskjer i tillegg at du

• evnar å forstå behova organisasjonen har, og samanhengen med samfunnsoppdraget til Arkivverket
• kan tenkje heilskap og tek ansvar utanfor eige ansvarsområde og oppnår tillit i eigen organisasjon og hos samarbeidspartnarar
• har gjennomføringskraft
• har gode kommunikasjonsevner
• er profesjonell og serviceinnstilt

Vi kan tilby

Vi tilbyr fagleg utfordrande oppgåver og eit triveleg arbeidsmiljø med dedikerte kollegaer som er opptekne av å levere høg kvalitet. Arbeidsstaden er hyggjelege lokale ved Sognsvann i Oslo.

Stillinga er lønt som avdelingsdirektør frå kr 790 000 til 989 000, avhengig av kvalifikasjonar. Frå lønna blir det trekt 2 % innskot til Statens pensjonskasse.

For meir informasjon er du velkommen til å ta kontakt med riksarkivar Inga Bolstad på telefon 481 26 026 eller Guri Lande på telefon 911 77 256.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C1219

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Statsarkivet i Oslo

source: NAV