Stillingstittel: Avdelingsdirektør (ref.nr. 2016-05)

Stillingsbeskrivelse:

Nasjonalbiblioteket er eit multimedialt kunnskapssenter som har i oppgåve å ta vare på og gjere den norske kunnskaps- og kulturarven tilgjengeleg. Det vil seie publisert innhald på alle medieplattformer: bøker, tidsskrift, aviser, musikk, film, foto, kringkasting og nett. Basert på dette, og i rolla som statleg styresmakt, har Nasjonalbiblioteket også som oppdrag å utvikle og setje i verk ein nasjonal bibliotekpolitikk.

Med multimedialt innhald og digital formidling som særtrekk har Nasjonalbiblioteket som mål å vere eit av Europas mest spennande og moderne nasjonalbibliotek.

Nasjonalbiblioteket har 450 tilsette plassert i Oslo og Mo i Rana og eit budsjett på rundt 500 mill kr.

Som medarbeidar i Nasjonalbiblioteket får du vere med i prosessen med å forme ein sentral kulturinstitusjon i byrjinga av det 21. århundre.

Avdelingsdirektør - Avdeling for kulturformidling og informasjon

Nasjonalbiblioteket er inne i ei spennande utvikling der vi hentar den norske kultur- og kunnskapsarven inn i samtidas offentlege rom. Dette skjer gjennom eit veksande digitalt bibliotek, ei aktiv publiseringsverksemd og eit omfattande publikums- og utstillingsprogram i lokala våre på Solli plass i Oslo. Samstundes aukar Nasjonalbiblioteket innsatsen på forsking og den forskingsbaserte formidlinga. Til å leie Avdeling for kulturformidling og informasjon, lyser vi no ut stilling som avdelingsdirektør. Avdelinga har ansvar for Nasjonalbibliotekets formidlingsprogram, publiseringsverksemd, utstillingsprogram og informasjons- og pressearbeid, og har eit titals medarbeidarar. Nasjonalbiblioteket er inne i ein fase med aukande satsing på desse områda og vi søkjer ein avdelingsdirektør som har kunnskap, erfaring og ambisjonar om å setje sitt preg på satsinga. Vi forventar at avdelingsdirektøren kjem med sjølvstendige bidrag for å styrke dette arbeidet. Direktør for kulturformidling og informasjon skal kombinere tett arbeidsleiing i ei lita avdeling med strategisk og praktisk samarbeid med andre einingar og fagpersonar i heile organisasjonen. Den vi søkjer bør ha erfaring frå strategisk leiing i liknande institusjonar eller frå liknande fagfelt.

Arbeidsoppgaver

• Ansvar for utvikling av Nasjonalbibliotekets aktive kulturformidlingsarbeid til publikum.
• Budsjett- og personalansvar for avdelinga.
• Ansvar for nettsider, pressekontakt og generelt informasjonsarbeid.
• Delta i Nasjonalbibliotekets leiargruppe og fungere som rådgjevar for direktøren på relevante område.

Kvalifikasjoner

• Relevant erfaring, på strategisk nivå, frå eitt eller fleire av ansvarsområda til avdelinga.
• Relevant utdanning på masternivå eller tilsvarande (realkompetanse kan erstatte formell grad).
• Søkjaren må meistre norsk og engelsk godt, både skriftleg og munnleg.

Utdanningsnivå

• Høyskole / Universitet

Personlige egenskaper

• Vi søkjer ein person med høg arbeidskapasitet, gode sosiale eigenskapar og erfaring med strategisk leiing og budsjettansvar. Vi ønskjer oss ein avdelingsdirektør som er tydeleg og god til å samarbeide.
• Av omsyn til kjønnsbalansen og breidda i Nasjonalbiblioteket si leiargruppe oppfordrar vi kvinner og personar med minoritetsbakgrunn til å søkje på stillingane.

Språk

• Norsk
• Engelsk

Vi tilbyr

• Høve til å forme kulturformidlings- og informasjonsarbeidet i ein av landets største kulturinstitusjonar.
  Minstelønn: 0
  
  Maksimal lønn: 0
  
  Arbeidsgiver Navn: Nasjonalbiblioteket
  
  Arbeidsgiver adresse: 0203 OSLO
  
  Job kort beskrivelse:
  Business services and administration managers not elsewhere classified
  
  Land: Norge
  
  Region: Oslo
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  
  GJELDER