Stillingstittel:
Analyse- og etterretningskontakt/politioverbetjent (ref.nr. 201600672.)

Stillingsbeskrivelse:

Møre og Romsdal politidistrikt vart oppretta 1. januar 2016 og politimeisteren er lokalisert i Ålesund. Det nye distriktet er samansett av Sunnmøre politidistrikt og Nordmøre og Romsdal politidistrikt, samt Vanylven lensmannsdistrikt som blir overført til distriktet i 2017. Einingane er førebels organisert som tidlegare og eit prosjekt «Etablering Møre og Romsdal politidistrikt» er oppretta. Det kan verte endringar i organisering og struktur etter kvart som det nye distriktet tek form. Møre og Romsdal politidistrikt får om lag 515 medarbeidarar og yter polititeneste til ca 263 000 innbyggjarar.

I distriktet er det i dag tre politistasjonar, Kristiansund, Molde og Ålesund. I tillegg er det over 20 lensmannskontor, ATK-senter på Farstad i Fræna, Statens Barnehus i Ålesund, lokale PST einingar og fleire funksjonelle driftseiningar, slik som Fellesoperativ eining (to operasjonssentralar), Administrativ eining, Retts- og påtale eining og Felles forvaltningseining. Distriktet er opplæringseining for studentar ved Politihøgskulen og har i dag ca 45 studentar i praksis ute i distriktet.

Møre og Romsdal politidistrikt skal som statleg arbeidsgjevar utnytte breidda i kompetansen til innbyggjarane. Den statlege arbeidsstyrken skal i størst mogleg grad spegle mangfaldet i samfunnet. Derfor oppmodar vi alle kvalifiserte kandidatar med ulik utdanning, bakgrunn, alder, kjønn, arbeids- og livserfaring til å søkje jobb hos oss. Til leiarstillingar oppmodar vi særskilt kvinner om å søkje.

Våre medarbeidarar skal kjenneteiknast av kjerneverdiane i politiets medarbeidarplattform: ved å være modig, heilskapsorientert, tett på og syne respekt.

Etter at søknadsfristen har gått ut, blir det sett opp ei offentleg søkjarliste som inneheld namn, alder, noverande stilling og bustadkommune. Det kan gjerast unntak for innsyn om ein søkjar ber om det. Dersom førespurnaden ikkje blir teken til følgje, vil søkjaren bli varsla.

Det er krav om plettfri vandel for alle tilsette i politiet.

Analyse- og etterretningskontakt/politioverbetjent - Driftseining Nordre

Vi har ledig eit vikariat som Analyse- og etterretningskontakt i stilling som politioverbetjent med for tida arbeidsstad ved etterforskingsseksjonen på Ålesund Politistasjon, avsnitt for organisert kriminalitet. Vikariatet er ledig til 14. august 2017.

Arbeidsoppgåver

• Etterretningskontakt
• Etterforsking av organisert kriminalitet
• Ansvarleg for etterretning og analyse ved avsnitt for organisert kriminalitet
• Bistå andre avsnitt og tenestestadar med etterretnings- og analysearbeid
• Ansvarleg for drift av kommunikasjonskontroll
• Kan av seksjonsleiar påleggast andre arbeidsoppgåver

Kvalifikasjonar

• Eksamen frå Politi(høg)skulen
• Spesialkurs innan arbeidsområdet
• Bør ha spesielt god fagleg innsikt og brei erfaring frå etterforskingsarbeid
• Må ha gjennomført/pårekne å ta kurs i KREATIV avhøyrsteknikk
• Brei erfaring frå politi- og lensmannsetatens organisasjon
• Erfaring frå analysearbeid er ein fordel
• Erfaring frå teamarbeid
• Det blir forventa at aktuell kandidat deltek i nødvendig vidareutdanning for å holde seg fagleg oppdatert

Utdanningsretning

• Politi

Utdanningsnivå

• Politiskule/Politihøgskule

Personlege eigenskapar

• Systematisk, mål - og resultatorientert
  Minstelønn: 0
  
  Maksimal lønn: 0
  
  Arbeidsgiver Navn: Ålesund Politistasjon
  
  Arbeidsgiver adresse: 6005 ÅLESUND
  
  Job kort beskrivelse: Police inspectors and detectives
  
  Land: Norge
  
  Region: Møre og Romsdal
  
  Kilde til jobbtilbud: NAV, Offentlige arbeidsformidlinger, Norge
  
  Lønn valuta: NOK
  
  Lønn periode: Pr. år
  
  
  GJELDER