id: MDMxNjE5MDEwMDA3OTQgMjYx

reference: 03161901000794

documentId: 03161901000794

connectionPointId: 261

Stillingstittel: Yrkeshygienikar til Tolldirektoratet (80-100%)

Stillingsbeskrivelse:
Ønskjer du å bidra til å skape ein sunn arbeidsplass med trygge arbeidsforhold? Då er du kanskje den nye yrkeshygienikaren i tolletaten si eiga bedriftshelseteneste.  Som yrkeshygienikar blir du ein viktig rådgivar for det førebyggjande og risikobaserte HMS-arbeidet. Bedriftshelsetenesta prioriterer å arbeide der HMS-risikoen blir rekna som størst.   Sentrale oppgåver for stillinga:  

• planlegging og kartlegging av ulike eksponeringsfaktorar i arbeidsmiljøet 
• hjelp med risikovurderingar av arbeidsmiljøfaktorar 
• rådgiving og rapportskriving innanfor fagområdet 
• undervisning/opplæring 
• yrkeshygieniske målingar 

 Arbeidskvardagen din vil vere prega av utstrekt samarbeid på tvers i organisasjonen.   Kvalifikasjonskrav: 

• Du må ha ein master i relevante teknisk-naturvitskaplege fag bachelor i relevante teknisk-naturvitskaplege fag med særleg relevant erfaring kan kompensere for kravet om mastergrad. 
• Du må ha god munnleg og skriftleg kommunikasjonsevne. 
• Det er ein fordel med sertifisering som yrkeshygienikar. 
• Erfaring frå arbeid i bedriftshelseteneste eller erfaring som HMS-rådgivar i liknande verksemder er ønskjeleg.  

 Eigenskapane dine: 

• strukturert og analytisk  
• gode samarbeidsevner og evne til å skape tillit  
• engasjert og med stor arbeidskapasitet  
• god til å formidle kunnskap i møte og i undervisningssamanheng 

Vi tilbyr: 

• ein offensiv og nyskapande etat som tek HMS-arbeidet på alvor 
• fleksibel arbeidstidsordning og trening i arbeidstida 
• arbeidsstad i Oslo sentrum 
• eit triveleg arbeidsmiljø med høgt tempo og stort engasjement 
• gode høve til faglege utvikling 
• gode pensjons-, forsikrings- og låneordningar i Statens pensjonskasse 

Stillinga er lønna som yrkeshygienikar (rådgivar/seniorrådgivar), kr 550 000-700 000. For særleg kvalifiserte søkjarar kan høgare lønn vurderast.   BHT er organisert som ein eigen seksjon i avdeling for verksemdsstyring og fellesfunksjonar i Tolldirektoratet og består av bedriftsoverlege, bedriftsfysioterapeut, yrkeshygienikar og helsesekretær. BHT betener i dag tilsette i Tolldirektoratet, Tollregion Oslo og Akershus, Tollregion Aust-Noreg og store delar av Tollregion Sør-Noreg. I tillegg bidreg bedriftshelsetenesta med rådgiving på sentralt nivå (Tolldirektoratet). Den noverande regionmodellen skal erstattast av to nasjonale fagdivisjonar: divisjon for grensekontroll og ekspedisjon og divisjon for vareførsel og kontroll. Den nye organiseringa skal mellom anna bidra til meir effektiv ressursutnytting, likebehandling og auka fagleg og teknologisk utviklingskraft. Omorganiseringa vil kunne medføre at bedriftshelsetenesta mellom anna vil få ansvar for tilnærma alle yrkeshygieniske oppgåver i etaten. Du må derfor rekne med å reise litt.   Eit godt arbeidsmiljø er prega av mangfald. Vi oppfordrar kvalifiserte kandidatar til å søkje, uavhengig av kjønn, funksjonsevne og kulturell bakgrunn. Arbeidsplassen vil bli lagd til rette ved behov.  Nærmare informasjon om stillinga kan du få ved å kontakte bedriftsoverlege Hans Tore Heir på tlf. 940 06 929 eller yrkeshygienikar Kirsti Marie Øvrebø på tlf. 411 23 311. Du finn meir informasjon om å jobbe hos oss på toll.no/jobb.  Søknadsfrist: 06.02.2019 Stillingsnummer: 06/2019 Søk på stillingen

numberOfPosts: 1

jobCategoriesCodes_0: http://data.europa.eu/esco/isco/C3119

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn:
Avdeling for virksomhetsstyring og fellesfunksjoner

source: NAV