id: MTQxOTE5MDcwMDAwMDMgMjYx

reference: 14191907000003

documentId: 14191907000003

connectionPointId: 261

Stillingstittel:
Vil du vere med å planlegge framtidas transportnett?

Stillingsbeskrivelse:

Jobbnorge ID: 173126

Arbeidsoppgåver

Hjå oss i Statens vegvesen vil du få høve til å jobbe med alt frå store veg-/tunnelanlegg og bygateprosjekt til gang- og sykkelvegar, skredsikring, miljøtiltak og trafikktrygging. Vi har i dag eit attraktivt tverrfagleg miljø og treng dyktige fagfolk til våre kontorstader i Leikanger, Bergen og Stavanger; vegplanleggar, planleggingsleiar, geoteknikar og arealplanleggar. Til Leikanger og Bergen treng vi i tillegg elektroingeniør og automasjonsingeniør.

Vegplanleggar plan- og prosjektering : Prosjektering av vegar, gater og tunnelar. Utarbeiding av modellar og teikningar i planfase og som grunnlag for bygging.

Planleggingsleiar: Planlegging av vegprosjekt i samsvar med plan- og bygningslova. Innhente og koordinere faglege delbidrag som er nødvendig for planprosessen.

Arealplanleggar: Utarbeide planar i samsvar med plan- og bygningslova.

Geoteknikar: Geoteknisk prosjektering knytt til vegar, tunnelar og bruer, både i plan-, bygge- og driftsfase. Planlegging og oppfølging av grunnboringar i felt. Fagleg vurdering og bistand ved akutte skredhendingar på vegnettet.

Elektroingeniør: Planlegging og prosjektering av veglysanlegg, belyste skiltanlegg, tunnel - og bruinstallasjonar med tilhøyrande elektriske sterkstraums - og naudstraumsløysingar. Kontroll og testing av anlegg på byggeplass.

Automasjonsingeniør: Planlegge og detaljprosjektere styre- og overvakingssystem og nettverks- og kommunikasjonsløysingar i eksisterande og nye tunnelar. Kontroll og testing av anlegg på byggeplass

Kvalifikasjonskrav for alle stillingane:

Utdanning frå universitet eller høgskule, minimum 3 år med relevant linje- og fagkombinasjon. For kandidatar med sterk allsidig praksis frå aktuelle fagområde og gode personlege føresetnader for stillinga, kan kravet til utdanning fråvikast.

Ynskjeleg med erfaring innan dei aktuelle fagområda, men vi oppmodar og nyutdanna om å søkje.

Dersom du har teke heile eller delar av utdanninga di i utlandet, ønskjer vi ei autorisert omsetjing av dine papir og godkjenning frå NOKUT (www.nokut.no).

Førarkort klasse B

Personlege eigenskapar

• Gode samarbeidsevner, men også evne til å arbeide sjølvstendig
• Evne til å oppnå resultat og holde framdrift
• Evne til å utvikle eige fagområde
• Evne til å styre, koordinere og samordne ulike bidrag i prosjekta
• God skriftleg og munnleg framstillingsevne (arbeidsspråk norsk)

I tillegg vektlegg vi særskilt for stillinga som:

Vegplanleggar : Kompetanse i AutoCAD, Novapoint, 3D-verktøy. Erfaring frå planlegging og dimensjonering av veganlegg, veg- og gateutforming og overvasshandtering.

Planleggingsleiar : Erfaring frå fagområda arealplanlegging og planlegging/prosjektering av vegar og tunnelar. Det er ynskjeleg med erfaring i bruk av dataverktøy som t.d AutoCAD, NovaPOINT, GisLine, ArcGis, m.fl.

Arealplanleggar: Erfaring frå fagområdet arealplanlegging og det er ønskjeleg med erfaring i bruk av dataverktøy (AutoCAD, NovaPOINT, GisLine, ArcGis, m.fl.) Kjennskap til Plan- og bygningslova og planprosessar

Geoteknikar: Utdanning frå universitet eller høgskule, på master - /hovudfagsnivå, innan fagområde geoteknikk. Det er ynskeleg med god relevant praksis, og min 5 års erfaring frå dei aktuelle oppgåvene

Elektroingeniør : For elektroinstallatørar gr. L med sterk og allsidig praksis frå dei aktuelle fagområda og med gode personlege føresetnader for stillinga, kan vi fråvike kravet til utdanning. Kompetanse i programvara FEBDOK og DAK, samt kjennskap til Relux.

Automasjonsingeniør : Det er ynskjeleg at søkjarar har god erfaring frå og kjennskap til industrielle styre- og kontrollsystem, instrumentering, datanettverk og fiberoptisk kommunikasjon. Kompetanse i AutoCAD/DAK.

Stort engasjement, gode strukturar og fagleg utvikling

Som tilsett i Statens vegvesen blir du ein del av eit engasjert og tungt fagmiljø som tenkjer nytt, deler kunnskap og jobbar tett saman. Du påverkar samfunnsutviklinga, og du får bidra til framtidsretta løysingar på fagfeltet ditt. Vi gir deg viktige oppgåver med mykje ansvar, og vi treng medarbeidarar som ønskjer å utvikle seg i takt med nye utfordringar.

Medarbeidarane våre fortel om spennande arbeidskvardagar med god balanse mellom arbeid og fritid.

Vi tilbyr også desse goda:

• introduksjonsprogram og fadderordning
• fleksitid
• pensjonsordning og høve til å få lån i Statens pensjonskasse
• etatsskular og høve til fagleg påfyll

Lønn blir fastsett etter nærmare avtale i samsvar med etatens lønnspolitikk, og det vert trekt 2 prosent pensjonsinnskot til Statens pensjonskasse.

Statens vegvesen ønskjer å vere ein arbeidsgjevar som speglar mangfaldet i samfunnet. Me jobbar for å realisere regjeringa sin inkluderingsdugnad, og vil gjerne ha ein søknad også frå deg som har nedsett funksjonsevne eller hol i CV-en, men som elles fyller kvalifikasjonskrava til stillinga. Me gjer merksam på at opplysningar om nedsett funksjonsevne eller hol i CV-en kan brukast til registrering.

Vi gjer merksam på at søkjarlista kan verte offentleggjord, sjølv om du har bedt om unntak frå denne. Du vil i så fall verte varsla.

Kontaktperson

Meir informasjon om stillingane kan du få hjå avdelingsleiar for ressursavdelinga, Margot Åsebø, e-post margot.asebo (at) vegvesen.no,telefon 951 91 902.

Se annonsen og søk på stillingen www.jobbnorge.no

PAM

numberOfPosts: 6

jobCategoriesCodes_0: http://data.europa.eu/esco/isco/C2114

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Statens vegvesen Region Vest

source: NAV