id: NDEyMTE5MDIwMDE4MDQgMjYx

reference: 41211902001804

documentId: 41211902001804

connectionPointId: 261

Stillingstittel: Vil du jobba sosialfagleg i skulen?

Stillingsbeskrivelse:
LIKAR DU Å VERA SAMAN MED BORN MED EKSTRA ENERGI?

Når born har det vanskeleg, kan skulekvardagen også verta vanskeleg. Nokre born slår, ropar eller uroar. Ofte er det eit uttrykk for at dei ikkje vert forstått. Andre barn vil ikkje vera på skulen eller dei nektar å gjera det klassen held på med. I Kvam har me ein filosofi på at all åtferd er språk, og at barn gjer så godt dei kan. Når barn har ei åtferd som utfordrar oss, er det fordi barnet sjølv har det utfordrande. Me ynskjer å forstå barnet innanfrå, forstå deira kjensler og uttrykk, slik at dei slepp å bruka negative uttrykk som slag, spark og vonde ord. Me har skular som tek ansvar og prøver å finna løysingar når born har det så vanskeleg at det vert destruktive situasjonar. Nære relasjonar mellom lærar og elev er me avhengige av for å lukkast. At våre tilsette likar eleven og viser at dei har trua på eleven er nøkkelen til tryggleik og trivsel.       

Er dette eit fagområde du kunne tenkt deg å arbeida med? Kjenner du at du vil vera med på gjera ein skilnad for elevar som har det vanskeleg på skulen? Me ynskjer gode lag kring desse elevane, med ulike fagkompetansar.

Me treng DEG som kan arbeida både på individnivå, trinn-nivå og/eller skulenivå. Målsetjinga er å både hjelpa eleven i sitt miljø/ klasse og samstundes bidra saman med leiinga til å utvikla skulen på systemnivå innan dette arbeidsområdet. Me er ute etter å gjera meir av det som virkar, meir av det som gjer at elevar opplever at dei vert sett og forstått. Nokre gonger trengs denne kompetansen inn i einskilde klassar, andre gonger kring einskilde elevar, eventuelt i alternativt skuletilbod eller aktivitetsskule.    Alle elevar høyrer til på skulen, men dei treng ulike tilnærmingar for å klara å fungera i skulekvardagen. Dette er vår filosofi i møte med born som opplever skulekvardagen vanskeleg. Dei tilsette kan også få rettleiingsoppgåver inn mot både lærarar, fagarbeidarar og assistentar. 

På alle våre skular ynskjer me difor søkjarar frå ulike yrkesgrupper som t.d. vernepleiarar, barnevernspedagogar, sjukepleiar, familieterapeut, lærarar, sosionomar eller andre dedikerte trygge vaksne med evna til å ikkje berre handtera elevar, men å utvikla dei til å verta glade i seg sjølv og til å til å tru på seg sjølv. Me treng søkjarar med fagleg engasjement innan ulike område (t.d.musikk, kunstfag, friluftsliv) som kan bidra til levande skular med oppleving av meistring for elevar.

Me søkjer også spesifikt etter eit sosialfagleg kompetanse i team med lærar kring elev i ungdomsskule, der skuletilbodet vert lagt opp som ein aktivitetsskule. Alternativ kommunikasjon og meistring er grunnlaget for all læring, og regulering av åtferd. Skriv gjerne i søknaden om dette arbeidsområdet verkar ekstra lystbetont for deg. Skriv også i søknaden kva stillingstorleik du ønskjer å arbeida i.

 
Arbeidsoppgåver

Oppgåvene vil variera frå skuler til skule, men felles er arbeid både inn mot elevar som opplever at skulen er vanskeleg, og i grupper/klassar som treng hjelp til å ha det godt saman. Fagpersonar med utdanning innan det sosialfaglege feltet har ein tilleggskompetanse som skulen treng. Dei tilsette skal hjelpa med å gje eleven sosial kompetanse, slik at eleven får eit betre utgangspunkt for å tileigna  seg fagleg kunnskap. 

Oppgåvene handlar om å kjempa for at elevar som opplevest ha utfordrande åtferd, skal ha det godt både med seg sjølv og andre. Me treng tilsette som heiar på elevar som er urolege, som har ekstra energi og som iblandt utfordrar grenser. Oppgåvene vil også handla om å laga gode planar og tiltak, analysera, reflektera og vera innovativ når det gjeld å prøva ut nye tiltak. Me treng tilsette som er villege til å lytta til elevane si stemme, som er interreserte i dei og som viser at dei likar dei.

Kvalifikasjonar

• Bachelor som barnevernspedagog, sosialt arbeid, vernepleiar, lærar eller annan relevant høgskuleutdanning
• Relevant vidareutdanning er ei føremon
• Kompetanse og erfaring frå arbeid med barn og ungdom, og helst erfaring frå arbeid med born som opplever skulekvardagen vanskeleg
• Du må ha LYST til å arbeida med elevar som ikkje trives med skulefaglege ting, du må LIKA det som kan verka vanskeleg 
• God skriftleg framstillingsevne og kommuniserer tydeleg språkleg
• Du må ha førarkort og høve til å disponera eigen bil
• Ved tilsetjing vert det stilt krav om politiattest jf. Forskrift av 15.10.99 til lov om barnevernstjenester av 17 juli 1992 nr 100 § 6-10 siste ledd.

Personlege eigenskapar

• Ha eit elevsyn med fokus på at barn gjer så godt dei kan, og at barn som utfordrar oss, oftast har det vanskeleg
• Ansvarsfull, tydeleg og fagleg engasjert
• Evne til å bidra positivt i høve tverrfagleg utviklingsarbeid
• Evne til å byggja gode relasjonar med barn og vaksne, og skjøna verdien av det relasjonelle 
• Evne til å inspirera, veileda andre, tenkja nytt og jobba målretta med utfordringar
• Ha god arbeidskapasitet og ei strukturert og ryddig arbeidsform
• Vera godt personleg eigna; ivareta barneperspektivet og hensyn til det enkelte barn
• Ha ein bevisst filosofi i møte med barn, at barn si åtferd er eit resultat av korleis det har det 

Vi tilbyr

• Spanande, utfordrande og varierte arbeidsoppgåver
• Eit godt og inkluderande fagmiljø med vekt på utvikling av lærande organisasjonar 
• Tid til fagleg refleksjon og rettleiing
• Blide og engasjerte medarbeidarar
• Leiarar som ser heilskap
• Tverrfagleg samarbeid med alle hjelpeinstansar 
• Løn etter gjeldande tariffavtale og lokalt lønssystem
• Gode offentlege pensjons- og forsikringsvilkår

 

Generell informasjon:

Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad er ein inkluderande arbeidslivsbedrift (IA) og ønskjer å leggja til rette for personar med nedsett funksjonsevne.

I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta.

Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.

KontaktinformasjonBeate Gauden, Leiar barnehage og skule, 905 91 182, bgli (at) kvam.kommune.no
Arbeidsstad
 

Søk på stillinga:Klikk her
Nøkkelinformasjon: Arbeidsgivar:Kvam herad

Referansenummer:4034847533
Stillingsprosent: 100%
Startdato: 12.08.2019
Søknadsfrist: 12.03.2019



numberOfPosts: 5

jobCategoriesCodes_0: http://data.europa.eu/esco/isco/C2341

abstractJV_contact_0: See jobabstractJV_description

Arbeidsgiver Navn: Kvam kommune

source: NAV