id: MDMxMzE5MDEwMDA2OTcgMjYx

reference: 03131901000697

documentId: 03131901000697

connectionPointId: 261

Stillingstittel:
Vil du arbeide med idretts- og frivilligheitspolitikk?

Stillingsbeskrivelse:
Jobbnorge ID: 163125

I avdeling for sivilsamfunn og idrett er det ledig fast stilling som rådgjevar/seniorrådgjevar. Vi søkjer deg som vil vere med å utvikle den statlege frivilligheits- og idrettspolitikken.

 

Arbeidsoppgåver

Du vil arbeide med oppgåver knytt til avdelinga si rolle som forvaltar av sektorpolitikk og som sekretariat for politisk leiing i departementet. Oppgåvene vil vere varierte, og omfatte mellom anna tilskotsforvalting, utarbeiding av vedtaksgrunnlag til politisk leiing og anna saksbehandling.

 

Stillinga vil særleg arbeide med rammevilkår for frivilligheita. Oppfølginga av den nye frivilligheitsmeldinga er ei prioritert oppgåve i avdelinga og dei fleste medarbeidarane i seksjonen er involverte i arbeidet. Eit viktig oppfølgingsarbeid frå frivilligheitsmeldinga er forenkling for frivilligheita og du skal mellom anna vere saksbehandlar for delar av dette arbeidet. Du må vere budd på å stille din kompetanse til disposisjon for andre seksjonar og avdelingar i departementet. Stillinga vil innebere samarbeid med andre departement.

 

Kvalifikasjonar

• fullført utdanning på mastergradnivå eller høgare
• god skriftleg og munnleg framstillingsevne
• analytisk og samfunnsorientert
• fleksibel og effektiv i arbeidsutføringa
• relevant erfaring frå departement og/eller frivillig sektor
• erfaring frå tilskotsforvalting og god kjennskap til økonomiregelverket i staten vil telje positivt
• personlege eigenskapar vil bli vektlagt

Vi tilbyr

Kulturdepartementet har eit kunnskapsrikt og stimulerande arbeidsmiljø. Vi tilbyr utfordrande og varierte arbeidsoppgåver. I departementet får du brukt kunnskapane dine i samarbeid med andre, og gjennom oppgåveløysing har du høve til å halde deg fagleg oppdatert.

 

Stillinga er plassert som 1436 rådgjevar eller 1438 seniorrådgjevar. For å bli vurdert som seniorrådgjevar må du mellom anna ha minst 5 år med direkte relevant erfaring.

 

Rådgjevar frå kr 456 900,- til kr 555 100,- brutto per år

Seniorrådgjevar frå kr 524 200,- til kr 695 500,- brutto per år

 

For spesielt kvalifiserte søkjarar kan høgare løn vere aktuelt.

 

Vi held til i hyggelege lokale midt i Oslo sentrum. Som tilsett hos oss har du fleksibel arbeidstid, høve til trening i arbeidstida, pensjonsordning og rett til å søkje bustadlån gjennom Statens pensjonskasse.

 

Søknadsfrist: 29. januar 2019

 

Inkluderande arbeidsliv og mangfald

Den statlege arbeidsstyrken skal i størst mogleg grad spegle mangfaldet i samfunnet. Det er derfor eit personalpolitisk mål å få til ein balansert samansetning på tvers av alder og kjøn, og å rekruttere personar med innvandrarbakgrunn, nedsett funksjonsevne og dei som har stått utanfor arbeid og utdanning i ein lengre periode. Opplysningar om dette kan bli brukt til registerformål. Vi vil leggje til rette for personar med nedsett funksjonsevne.

 

Offentleggjering

Dei som søkjer, må være merksame på at opplysningar om dei kan bli offentleggjorde, sjølv om søkjarane ber om ikkje å bli oppførte på den offentlege søkjarlista. Departementet vil svare på krav om unntak frå den offentlege søkjarlista før ho blir offentleggjord.

 

Kontakt

For meir informasjon om stillinga, kontakt avdelingsdirektør Heidi Karlsen, telefon 222 47 838/ 480 26 077, eller avdelingsdirektør Per Kristian Aasmundstad på telefon 222 48 015/901 13 484.

Se annonsen og søk på stillingen www.jobbnorge.no

numberOfPosts: 1

jobCategoriesCodes_0: http://data.europa.eu/esco/isco/C3422

abstractJV_contact_0: See jobabstractJV_description

Arbeidsgiver Navn: Kulturdepartementet

source: NAV