Stillingstittel: Vikariat som trusopplærar/kyrkjelydsarbeidar

Stillingsbeskrivelse:

Sirdal sokn dekker heile Sirdal kommune, og har ein stab på totalt ti personar.  Det er fire kyrkjer i soknet, men to av dei er sjeldan i bruk. Fleire gode tiltak innan trusopplæring for barn og unge i soknet er etablert, og vi er i sluttfasen med å utabeide lokal plan for trusopplæring. Denne skal vere ferdig innan sommaren. I tillegg til trusopplæringstiltaka, er det eit særs godt samarbeid mellom kyrkje / skule og kyrkje / barnehage. 

Den eine av våre to dyktige trusopplærarar (kyrkjelydsarbeidarar) har permisjon, og vi treng vikar for skuleåret 2016/2017.

Sirdal er ein kraftkommune i Vest-Agder med eitt sokn, fire kyrkjer og kyrkjegardar og med vel 1800 innbyggjarar. Gode barnehage- og skuletilbod, kommunal kulturskole og vidaregåande skule med internat. Rike høve for sport, naturopplevingar og ulike kulturtilbod. På kommunesenteret Tonstad ligg Kyrkjesenteret med kontorfellesskap for sokneprest, organist, kyrkjelydsarbeidarar og dagleg leiar. Kyrkjelyden driv eit omfattande korarbeid med barnekor, jentekor og blandakor for vaksne.

Vikariat som kyrkjelydsarbeidar/barne- og ungdomsarbeidar

Vi søker ein allsidig person som har lyst til å arbeide i kyrkja med trusopplæring for barn og ungdom. Vikariatet varer frå august 2016 til juni 2017.

 

Du kan gjerne ha bakgrunn som lærar, barnehagelærar, trusopplærar, kateket eller kyrkjelydsarbeidar, men anna yrkesbakgrunn kan og vere interessant.

Du vil få eit særleg ansvar for oppfølging av lokal trusopplæringsplan, ulike breiddetiltak innan trusopplæringa, kontakt med skule og barnehage samt noko oppfølging av frivillige medarbeidarar.  Andre oppgåver vil også kunne bli lagt til stillinga i samråd med søkjer. 

 

Erfaring frå trusopplæringsarbeid eller barne- og ungdomsarbeid er ønskjeleg. Det vil bli lagt vekt på at personen er eigna til stillinga.

 

Stillinga er i utgangspunktet 30 %, men det er mogleg å søkje på delar av stillinga eller å kombinere ho med den ledige faste stillinga som korleiar/trusopplærar.

Noko kvelds- og helgearbeid må påreknast. 

 

Søkjer må vere medlem av Den norske kyrkja. Det er krav om politiattest i stillinga. Søkjarar må snakke og skrive godt norsk, og disponere eigen bil i jobbsamanheng. Det går greitt å pendle til Tonstad frå heile Lister-regionen, Egersund/Lund og Sandnes/Stavanger-området.

 

Vi tilbyr eit triveleg arbeidsmiljø, og løns- og arbeidsvilkår etter gjeldande lovar, regler og tariffavtala til Kyrkjeleg Arbeidsgjevar- og interesseorganisasjon (KA).

Kan dette vere aktuelt for deg? Ta kontakt med dagleg leiar Henning Huseby Jansen på tlf 38391600/97633127. Send ein søknad med CV innan 30.mai på e-post: post (at) sirdal.kyrkja.no  Du treng ikkje sende med attestar og vitnemål. Det bed vi deg ta med til eit eventuelt intervju. Velkomen som søkjar!

Søknad sendes: Postboks 1334441 TONSTAD

Minstelønn: 0

Maksimal lønn: 0

Arbeidsgiver Navn: SIRDAL SOKN

Arbeidsgiver adresse: Postboks 133 4441 TONSTAD

Formen for kontakt: Henning Huseby Jansen

Arbeidsgiver telefonnummer: 38371600

Job kort beskrivelse: Religious associate professionals

Land: Norge

Region: Vest-Agder

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år