id: MTUyMDE5MDYwMDAwNDQgMjYx

reference: 15201906000044

documentId: 15201906000044

connectionPointId: 261

Stillingstittel:
Vikariat høgskulelektor i barnevernsfagleg arbeid - st. nr. 32/2019

Stillingsbeskrivelse:

Jobbnorge ID: 172451

Om stillinga

Ved Høgskulen i Volda, Avdeling for samfunnsfag og historie, er det ledig eit vikariat i 100 % stilling som høgskulelektor i barnevernsfagleg arbeid med tilsetjing i perioden 1.8.2019 - 31.12.2019. Stillinga er knytt til Institutt for sosialfag og gjeld i hovudsak bachelorstudia i sosialt arbeid: barnevernspedagog og sosionom.

Kvalifikasjonar

Vi søkjer fortrinnsvis etter kvalifisert barnevernspedagog med relevant mastergrad/hovudfag, men personar utan master og med omfattande etterutdanning, praksis og/eller pedagogisk erfaring vil også verte vurderte.

Søkjar må dokumentere eigen kompetanse: utdanning, relevant arbeidserfaring innan barnevernet, undervisningserfaring og gjerne forsking/utviklingsarbeid.

Institutt for sosialfag er kontinuerleg i prosess med å utvikle studietilboda, og det er eit tett samarbeid mellom dei tilsette. Den som søkjer, må difor også ha gode samarbeidsevner og vere utviklingsorientert.

Søkjaren må ha gode norsk- og engelskkunnskapar, både skriftleg og munnleg. Undervisings- og administrasjonsspråket ved høgskulen er norsk.

Arbeidsfelt

Arbeidet i stillinga gjeld undervisning, rettleiing, vurdering og fagadministrativt arbeid. Den som vert tilsett må være viljug til å bidra til utvikling av sitt fagområde og av høgskulen som heilskap. Det er ønskjeleg at den som vert tilsett har dokumentert relevant praktisk-pedagogisk kompetanse på grunnlag av utdanning eller undervising og rettleiing.

Oppgåvene i stillinga er knytt til både barnevernspedagog- og sosionomutdanninga. Desse utdanningane er i stor grad samorganiserte med opplegg som går på tvers. I tillegg til deltaking i rettleiing og vurdering og fagadministrativt arbeid vil undervisningsoppgåver og fagansvar verte knytt til det spesifikt barnevernsfaglege. Det er venta at den som vert tilsett, bidreg til vidareutvikling av studieplanar og emneplanar, og også til utvikling av gode og hensiktsmessige lærings- og undervisningsformer.

Vi tilbyr

Eit spanande arbeidsmiljø med høve til fagleg og personleg utvikling og gode pensjonsordningar.

Stillinga er løna etter kompetanse og kvalifikasjonar i statens lønsregulativ med normal årsløn i denne stillingskoda ved Høgskulen i Volda: Høgskulelektor 1008 frå kr 480 600 - 619 300.

Generell informasjon

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til registreringsføremål knytt til regjeringa sin inkluderingsdugnad.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Søkjarar kan verte kalla inn til intervju og/eller prøveundervisning. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under <<søknad>> hake av for <<Er det grunnlag for å bli unntatt offentligheit, jfr. Offentlighetsloven>> samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.

Om søknaden

Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.

Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.

Søknaden skal gje eit fullstendig oversyn over utdanning og tidlegare praksis. Følgjande dokument/filer skal leggjast ved den elektroniske søknaden:
. CV
. rettkjende kopiar av vitnemål/attestar
. kopi av eventuelle vitskaplege arbeid (inkl. hovudfags-/mastergradsoppgåve)

Søknadsfrist: 9. juli 2019

Kontakt

Nærare opplysningar om stillinga kan ein få ved å vende seg til instituttleiar Knut Hunnes, tlf. 70 07 51 79, epost: knut.hunnes (at) hivolda.no eller til dekan Odd Ragnar Hunnes, tlf. 70 07 52 96, orh (at) hivolda.no. Informasjon om høgskulen og avdelinga finn ein på www.hivolda.no.

Nærare om instituttet og avdelinga

Institutt for sosialfag er knytt til Avdeling for samfunnsfag og historie. Basis for utdanningstilboda er to bachelorutdanningar i sosialt arbeid: barnevernspedagog og sosionom, med meir enn 300 studentar fordelt på tre studieår. Instituttet tilbyr også mastergradsutdanning, med vel 100 studentar fordelt på ulike emne. Fire av dei valfrie emna i mastergraden er òg vidareutdanningar: rus- og avhengigheit, barnevernsarbeid, leiarutdanning for helse- og sosialtenestene (LIHS), livsløp, helse og velferd. Ein har også vidareutdanningstilbod i miljøterapi for demente, og i sakshandsaming og tenesteyting i helse- og omsorgstenestesektoren. Alle master- og vidareutdanningsløpa er samlingsbaserte. Institutt for sosialfag har omlag 600 studentar i ulike studieløp.

I samarbeid med Høgskolen i Molde driv Høgskulen i Volda ph.d-programmet <<Profesjonsutøving - vilkår og utvikling>>. Ved HVO er ph.d-utdanninga knytt til Institutt for sosialfag.

Instituttet har eit breitt og offensivt tverrfagleg miljø med psykologar, sosiologar, pedagogar, statsvitarar, juristar, sosialantropolog, litteraturvitar, barnevernspedagogar og sosionomar. Det er venta at fagtilsette tek del i utviklingsarbeid og kontakt med praksisfeltet, og elles deltek i faglege fellesskap. Den som vert tilsett, må rekne med å ta på seg fagadministrative oppgåver som går på omgang, t.d. emneansvar og instituttleiing. Alle fast fagtilsette ved Institutt for sosialfag har avsett tid til forskings- og utviklingsarbeid etter nærare normer og avtale. Den som vert tilsett må derfor delta i slikt arbeid og med publisering.

Høgskulen i Volda ligg i kommunesenteret Volda og er ein moderne høgskule. Kommunen har om lag 9 000 innbyggjarar, med gode tilhøve for friluftsliv - det er m.a. kort avstand til to alpinanlegg og fjellturar i Hjørundfjordfjella. Kommunen har eit allsidig musikk og idrettsmiljø. Med både kyrkjemusikkveke, kammermusikkfestival, dokumentar - og animasjonsfilmfestivalar er det høve til fleire gode kulturopplevingar. Det er gode samband i regionen; t.d. er det fastlandssamband til Ytre Søre Sunnmøre med allsidig næringsliv; reisetida er 30 - 45 minutt. Volda ligg 10 min. køyring frå Ørsta Volda lufthamn, og ca. 1 - time frå Ålesund lufthamn. Via Kvivsveg-sambandet er det ferjefri veg frå Volda om Stryn til Austlandet.

Velkomen som søkjar!

Det beste med Volda

Studentar og bygdefolk fortel kva dei synest er det beste med Volda. Produksjon: Chris-Håvard Berge

Video: https://www.youtube.com/watch?v=61Me2JOrMgQ&feature=youtu.be

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: HØGSKULEN I VOLDA

source: NAV