Stillingstittel: Vi søkjer ny medarbeidar på Tilsyn!

Stillingsbeskrivelse:
Statens vegvesen arbeider for at både gåande, syklande, køyrande og kollektivreisande skal komme trygt fram. Vi planlegg, bygger, drifter og vedlikeheld riks- og fylkesvegar og har tilsyn med køyretøy og trafikantar. Som vegadministrasjon for fylkeskommunane og staten yter vi fagleg grunnlag for politiske avgjerder og set dei ut i livet. Vi er ein stor samfunnsaktør med over 7600 engasjerte medarbeidarar med brei kompetanse fordelt på Vegdirektoratet og fem regionar.

Tilsynsseksjonen ved Trafikant- og køyretøyavdelinga i Region vest søkjer etter ein ny medarbeidar. Statens vegvesen har ei viktig rolle som tilsynsorgan ovanfor trafikkskular, bilverkstader og kontrollorgan for å auke trafikktryggleiken, samt å sikre at konkurransen skjer på like vilkår og at forbrukarane sine rettar vert ivaretekne.

Vi har no behov for ein dyktig sakshandsamar til arbeidet med godkjenning og tilsyn med trafikkskular. Medarbeidaren vil bli knytt til den sørlege delen av regionen. Kontorstaden er i Stavanger, men ein må i noko grad utføre arbeid i heile regionen og difor pårekna litt reiseverksemd.

Arbeidsoppgåver Er du den rette, kan vi tilby varierte og spanande arbeidsoppgåver. Oppgåvene vil i hovudsak vere godkjenning og tilsyn med trafikkskular. Ei viktig oppgåve innanfor tilsynsarbeidet er å gi informasjon og rettleiing samt føre tilsyn med opplæring og læreplan ved trafikkskulane. I stillinga inngår også oppgåver knytt til den faglige utviklinga av tilsynsmetodikken.

Kvalifikasjonskrav Minimum 3-årig relevant høgare utdanning. For kandidatar med omfattande relevant praksis frå fagområdet kan kravet til formell utdanning fråvikast. Det vert krevd minimum førarkort klasse B.

I tillegg er det ein fordel at du har - Erfaring frå trafikkpedagogisk arbeid eller med utdanning innan pedagogikk - Kompetanse for tyngre køyretøy og MC - Erfaring innanfor revisjonsarbeid/kvalitetsarbeid

Dersom du har teke heile eller delar av utdanninga di i utlandet, ber vi om ei autorisert oversetjing av dine papir og ei godkjenning frå NOKUT (www.nokut.no).

Vi ynskjer og at du - har gode kommunikasjonsevner, både skriftleg og munnleg - kan arbeide systematisk og strukturert - har analytiske evner - kan arbeide sjølvstendig og har gode samarbeidsevner  

Vi tilbyr - spanande arbeidsoppgåver i ein etat i utvikling - gode utviklingsmuligheiter i ein stor landsdekkande organisasjon - fleksibel arbeidstid og gode velferdsordningar - god pensjonsordning

Løn etter nærare avtale i samsvar med etaten sin lønspolitikk, avhengig av utdanning, praksis og personlege føresetnader. Av lønna vert det trekt to prosent til Statens pensjonskasse.

Søknad Statens vegvesen skal vere prega av mangfald, og dei tilsette hos oss skal spegle befolkninga. Vi legg vekt på å leggje arbeidsforholda til rette dersom du har behov for det.

Vi gjer merksam på at opplysningar om ein søkjar kan bli offentleggjort sjølv om søkjaren har bede om ikkje å bli ført opp på offentleg søkjarliste. Dersom dette ikkje blir teke til fylgje, vil søkjaren bli varsla.

Link til søknadsskjema: Send søknad For mer informasjon kontakt: , Erlend Loftesnes Røysum, Mobil +47 97619460

Minstelønn: 0

Maksimal lønn: 0

Arbeidsgiver Navn: Statens vegvesen Region vest

Arbeidsgiver adresse: Askedalen 4 4230 SAND

Job kort beskrivelse:
Physical and engineering science technicians not elsewhere classified

Land: Norge

Region: Rogaland

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år