Stillingstittel: Verdsarvkoordinator for Urnes stavkyrkje

Stillingsbeskrivelse:

Fortidsminneforeninga Sogn og Fjordane har som føremål å ta vare på verneverdige kulturminne i eige fylke og å skape allmenn forståing for verdien av desse. Me har besøksdrift ved verdsarvstaden Urnes stavkyrkje, Hopperstad stavkyrkje, Gaupne gamle kyrkje m.fl. 

Urnes stavkyrkje er i dag ein av åtte norske stader på UNESCO si verdsarvliste. Urnes stavkyrkje, som er eigd av Fortidsminneforeningen, vart innskrive på verdsarvlista i 1979, som den fyrste norske representanten i lag med Bryggen i Bergen. 

 

Verdsarvkoordinatoren skal medverke til, og vere ein pådrivar og støttespelar for ei utvikling som både ivaretek verdsarvkvalitetane og medverkar til ei utvikling i området i tråd med intensjonen for verdsarv. 

Koordinatoren skal ha rollen som kontaktpunkt for verdsarven Urnes stavkyrkje, og syte for eit aktivt kontaktnettverk. Det inneber å involvere ressurspersonar og kompetansemiljø lokalt, nasjonalt og internasjonalt som er viktig for oppfølginga av verdsarven og regionen i kring.Koordinatoren skal òg vere sekretariat for verdsarvrådet, utgreie, iverksetje og følgje opp vedtak, organisere faste møte med eigarar og interessepartar, koordinere og bidra inn til rapporteringa til UNESCO.Verdsarvkoordinatoren skal ha eit særskilt ansvar for å arbeide for å gjere verdsarvverdiane kjent og at statusen vert nytta til beste for Ornes og kringliggande bygder, Luster, Sogn og dei andre norske stavkyrkjene.

Det er Fortidsminneforeninga Sogn og Fjordane som har driftsansvaret for besøkstenesta ved Urnes stavkyrkje. Verdsarvkoordinatoren vil kunne medverke til å utvikle denne vidare innanfor råmene av dei overordna verdsarvverdiane. 

Kvalifikasjonar:Søkjarar bør ha høgare utdanning (hovudfag/mastergrad) innafor relevant fagområde, t.d. kulturminne- og naturforvaltning og kulturformidling. Sivilarkitekt, kunsthistorikar, arealplanleggar, historikar og etnolog eller andre med særleg røynsle frå kulturminne- og naturforvaltning kan søkje. Røynsle frå utviklingsarbeid, prosjektleiing, eller kjennskap til verdsarvarbeid m.v er ein føremon

Søkjarar må meistre nynorsk og engelsk

 Når det gjeld personlege eigenskapar søkjer vi ein utadvent person med stor arbeidskapasitet og gode kommunikasjons- og samarbeidsevner. 

Kontorstad i Luster rådhus i Gaupne. Delar av sommarsesongen vert Ornes arbeidsstad. Stillinga på 100% er så langt prosjektfinansiert ut 2017, men stillinga er føresett vidareført.

Søknad sendes: Sogn FolkemuseumVestreim6854 KAUPANGER

Minstelønn: 0

Maksimal lønn: 0

Arbeidsgiver Navn: Fortidsminneforeninga Sogn og Fjordane

Arbeidsgiver adresse: Sogn Folkemuseum Vestreim 6854 KAUPANGER

Formen for kontakt: Jon E Tamnes

Arbeidsgiver telefonnummer: 57678840

Job kort beskrivelse: General office clerks

Land: Norge

Region: Sogn og Fjordane

Kilde til jobbtilbud: NAV, Offentlige arbeidsformidlinger, Norge

Lønn valuta: NOK

Lønn periode: Pr. år