id: MTIwOTE5MDMwMDA2ODUgMjYx

reference: 12091903000685

documentId: 12091903000685

connectionPointId: 261

Stillingstittel: Universitetslektor i Media City Bergen

Stillingsbeskrivelse:

Jobbnorge ID: 168070

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Video: https://www.youtube.com/watch?v=0E0cOZpZQXY

Universitetslektor

Ved Institutt for informasjons- og medievitskap er det ledig eit vikariat som praksislærar / universitetslektor innan TV-produksjon. Stillinga er for perioden 1. mai 2019 til 31. desember 2019.

Arbeidsoppgåver:

Arbeidet våren 2019 er primært å følge opp studentane som er i innspurten med bachelorproduksjonane sine. Dette inneber diverse koordineringsarbeid, å vere tilgjengeleg for praktiske spørsmål, og å gi rettleiing i postproduksjon. I tillegg må haustsemesteret førebuast, som vil seie å lage ein plan for innhald og rekkefølgje for kursets hovudelement (manus-utveljing, studentanes spesialisering i ulike fagfunksjonar, utplassering, produksjon), å vurdere kor mykje tid som skal setjast av til kvar del, å melde inn rom/utstyrsbehov, samt gjere avtalar med andre undervisarar.

Arbeidet i haustsemesteret er å ha ansvar for emnet TVP201. Det er i stor grad eit koordineringsarbeid som består av følgjande hovudoppgåver:

• Å legge til rette for at studentane fordjupar seg i ulike fagfunksjonar (regi, foto, klipp, lyd, og produsent) gjennom workshops/praktiske oppgåver
• Å velgje ut (og eventuelt bistå studentane i å bearbeide) 3-4 manus, og å byrje planlegging av innspeling av disse
• Å følgje opp arbeidet som er gjort i vårsemesteret angåande utplassering og å følgje opp studentane i praksis
• Å være kontaktpunkt/rettleiar/støttespelar/fagleg ressurs for studentane i arbeidet med ein praktisk produksjon
• Sensurarbeid

Kvalifikasjonar og eigenskapar:

• Grundig praktisk kunnskap om, og forståing av, produksjonsprosessen i TV/film, frå planlegging via innspeling til etterarbeid
• Praktiske ferdigheiter som er ein ressurs for studentane både i utplasseringa og i arbeidet med eigne produksjonar. Den som får stillinga bør ha en viss kompetanse når det gjelder å vurdere/bearbeide manus, men elles er allsidigheit ein fordel
• Solid bransjeerfaring og eit stort kontaktnett
• Gode evner til å planlegge og administrere

Personlege eigenskapar som krevst i stillinga er pålitelegheit, myndigheit og gode evner til å administrere, kommunisere og samarbeide. Kjennskap til/erfaring frå undervisning/administrasjon i høgare utdanning er ein fordel.

Vi tilbyr:

• Godt fagleg og sosialt miljø med høg kvalitet på undervisning og forsking.
• Stillinga er løna etter lønssteg 53-65 (Lpl.17.510/ kode 1009/LR.25). Dette utgjer ei årsløn på kr.459.100 - 569.000 brutto i full stilling. For spesielt godt kvalifiserte søkjarar kan høgare løn vurderast.
• Gode trenings- og velferdstilbod.
• Gode pensjons- og forsikringsordningar i Statens pensjonskasse.

Aktuelle kandidatar vil bli innkalla til intervju.

Søknaden skal innehalde:

Søknad med CV, vitnemål og attestar skal leggjast inn elektronisk via link på "Søk på jobben". Søknaden må innehalde alle opplysningar som det skal takast omsyn til ved bedømming av dei faglege kvalifikasjonane.

Søknaden skal merkast: 19/3953

Søknadsfrist: 7. april 2019

Søknader som vert sendt på e-post vil ikkje bli vurderte.

Generell informasjon:

Spørsmål rundt stillingane kan rettast til professor Erlend Lavik, erlend.lavik (at) uib.no eller telefon 40 45 37 32.

Praktiske spørsmål kring søknadsprosessen kan rettast til seniorkonsulent Bodil Hægland, bodil.hagland (at) uib.no eller telefon 55 58 90 53.

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å få ei balansert alders- og kjønnssamansetning, og å rekruttere personar med nedsett funksjonsevne og innvandrarbakgrunn. Personar med nedsett funksjonsevne og innvandrarbakgrunn vert oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Universitetet i Bergen nyttar prinsippet om meir offentleg innsyn ved tilsetjing i vitskaplege stillingar.

Den som vert tilsett må rette seg etter dei retningslinene som til kvar tid gjeld for stillinga.

Se annonsen og søk på stillingen www.jobbnorge.no

PAM

numberOfPosts: 1

jobCategoriesCodes_0: http://data.europa.eu/esco/isco/C2310

abstractJV_contact_0: See jobabstractJV_description

contractTypeCodes_0: fulltime

Arbeidsgiver Navn: Universitetet i Bergen

source: NAV